_-_-_-( ارخم نكت ممكن تشوفها )-_-_-_

[alidndn1]

السلام عليكم و رحمة الله و بــركاته

أخواني الأعــزاء ....

حبيت اعمل موضوع جديد في المنتدي

وقلت اغير شويه

فأعدت ادور علي أرخم نكت شوفتها في حياتي...مهو مش لازم ان النكت الي نسمعها تكون كلها بضحك

وجبتلكم النكت ديه يا رب تزهئكم

ملحوظه: الي عنده الضغط او السكر او القلب بلاش يقرء الموضوع .......
ــــــــــــــــــــــــــــــــــــــــــــــــــ ـــــــــــ
*مره واحد ماشى اتكعبل .....خرج بره النكته

*مره واحد ماشى بموتيسكل دخل فى حاره ..... ماشوفناش باقى النكته

*بيقولك مره واحد خبط فى درج المكتب بطل ياكل شوكولاته

*مره واحد شد تركيزه .... اتقطع

*مره واحد طلع فى الاسانسير.. بقيه النكته طلعت على السلالم

*مره واحد قال لمامته ماما ماما خياطيلى القميص ده قالتلو ليه هو انا اوتوبيس قام الدولاب وقع

*مره واحد قال لمامته انا جعان قالتلو ليه هو اناموتوسيكل قامه التلاجه اتفتحت

*مره تنين خرافى قابل تنين هلامى قالو تيجى نحط اللمونه فى الذاتونه قالو ليه هو انا كومودينو راح اخد الشمسه و

جرى



*بيقولك مره واحد نزل بسين طلع بصاد

*لاعب شاط والتانى اتحرق

*مدير عام والتانى غرق

*مره واحد قابل اتنين بقو تلاته

*مرة واحد رفع قضية وقعت عليه .

*مرة واحد رجله جت في قضية راح قطعها.

*مرة واحد رخم دخل موضوع رخم كتب رد رخم... ( طبعا مش انت )





*واحد رخم قالوله قول نكته قال لهم "نكته" (قديمة صح )

*واحد غبي فهم مات

*مره واحد اعمى فتح من الفرحة اتشل

*مرة واحد خان الخليلي قام الخليلي قتله

*بيقولك مره واحد رخم وهو ماشى وقع قال احسن

*ناظر مدرسة عمل فرح وزع علي المعازيم أرقام جلوس


*مذيعة اتجوزت واحد شخصيته مهزوزة ركبت له اريال


*فيه طالب أحول (( الله لا يبلينا )عايز يهرب من المدرسة .... دخل اوضة المدير


*مره واحد ركب الطيارة فالمضيفه جاتلوه قالتلوه تحب اجيب لك فطار كامل قال لها ليه ........ كامل مش هايفطر


*مرة واحد مسطول بيلعلب كورة اخد الكورة على صدرة طلعها من منخيرة


( النكتة الحمرا )

في مرة الرجل الاحمر صحي من النوم الاحمر وكان نايم على السرير الاحمر ومتغطي

ببطانية حمرا ولابس

بيجامةحمرا المهم صحي من النوم وخرج من الاوضة الحمرا طبعا ودخل الحمام الاحمر وفتح الحنفية لقى المية نازلة

حمرا المهم خرج ولبس البدلةالحمرا ونزل من بيتهم ركب العربية الحمرا ومشي في الشارع لقى كل حاجة لونها احمر

العربيات والناس والاسفلت والسما وكل حاجة وفجاة جت عربية حمرا سريعة خبطته جت عربية الاسعاف الحمرا

شالته وودت المستشفى الاحمرا لقى الدكاترة لابسين بالطو احمر وكل حاجة لونها احمر

وفجاة شاف وحد من بعيد لابس اخضر

الراجل خاف اوي واتخض وساله انت ليه لابس اخضر قاله اصل انا من نكتة تانية

*بيقولك سواق تاكسى ماشى بالتاكسى لقى واحد لابس احمر فى احمر بيشاورله راح واقف راح قايله انا الفرفور الاحمر ممكن توصلنى قاله يلا ياد مبوصلش فرافير وسابه ومشى لقى واحد لابس اصفر فى اصفر

بيشاورله راح واقف راح قايله انا الفرفور الاصفر ممكن توصلنى قاله يلا ياد مبوصلش فرافير وسابه ومشى لقى واحد

لابس ازرق فى ازرق بيشاورله راح واقف راح قايله انا الفرفور الازرق ممكن توصلنى قاله يلا ياد مبوصلش فرافير وسابه ومشى لقى واحد لابس ابيض فى ابيض بيشاورله راح واقف قاله وانت بقى مين الفرفور الابيض قاله لا يا روح ...... رخصك


يا رب تبقى رخمة عليكوو


ايه رأيكو بجد

bye