رحلتي في بطن ماما

[M@ZIK@M@N]

حكايتي وأنا في بطن ماما ...................


في البداية لما كنت نونه لحمه صغننه كنت بحسب إني من كريات الدم البيضاء ماعرفتش إني من بني البشر إلا لما قالت( الدكتورهـ ) لماما مبرووكـ ياست هانم إنتي حامل ماما من الفرحة حطت ايدها على بطنها في المكان اللي أنا موجود فيهـ عرفت إني المقصود وفهمت إني مشروع بني آدمي . .

بيني وبينكم صدري ضاق .. قلت يا دي وجع الراس أطلع لعالم ثاني وأبقى إنسان وفي حساب وعقاب وأذاكر و مدرسه واختبارات وموااااااااااال
همست لعقلي إحمد ربك هتطلع وهيبقى عندك إيميل وماسنجر هو اه بيطفش بس مفيش مشاكل وهشترك في روايات 2وأكلم الاخوة والاخوات واعمل مواضيع تزعل الشباب و أضايق فيهم و أتعاكس ههههههههههههههههههههههههههههه ( من صغري وأنا شرانية ومشاغبة) ,,

ولما بقى ليا خمس شهور كنت حاسس إني ولد بس قلت يمكن أكون بنت
قعدت أقطع من الشعيرات الدمويه وأقول بنت ولد .. بنت ولا ولد بنت ولا ولد المهم رسيت انى طلعت بنت
وأنا أفكر سمعت صوت بابا بيكلم ماما حاولت أركز بيقولها ايه قربت ودني لقيت بابا بيعاكس في ماما (تم تشفيره .....)
كنت عاوز أتصل عليهم وأقولهم خلي عندكوا دم ( من صغري وأنا لساني طويل محدش يا جماعه يروح يقولهم )




قعدت أمص صوابع ايدي لحد لما نمت وبعد فترهـ سمعت صوت قوووي يتجه ناحيتي قمت بطولي
انصدم راسي ببطن ماما آآآآه بس قوة الصوت نستني الوجع ربنا ما يوركمش كأنه شلااال علياا أحاول أهرب
منه هنا ولا هناك مافيش مجال ربنا ستر ومر من جنبي ومحصليش حاجه بس :
شربت ميه بكميه كبيره على غير العادهـ بس والله انبسطت قعدت ألعب بالميه برجووولي كنت بسبح بس ومعنديش مشاكل هههههههههههههههههههههه




لما جاء الشهر السابع راحت ماما ومعاها بابا للدكتوره عشان تطمن ماما على صحتها .
طبعا نامت ماما على السرير و بابا واقف جنبها ( بيحسسها بالأمان يعني ) قلت في نفسي ليه يعني هيا حامل في وحش ( من صغري وهما ظالمني كده ) !!


الدكتورهـ حطت جهاز على بطن ماما وبدأت اتحرك يمين وشمال فوق و تحت و هما بيشوفوني على الشاشه
قمت أتدلع واحرك رجلي وأفتح عيوني وأغمضها بنعومهـ وأمص أصبعي ( عشان أعجبهم يعني ).,




وبعدين ماما سألت الدكتورهـ امتى ميعاد الولادة قالت باقي شهرين سمعت الخبر
جالي إنهيار عصبي شهرين يامفتريه خلاص أنا زهقت أنكتمت الجووو حر مافيش مكيفات ........هفطس يا ظلمة
قلت مايصبرناش غير النوم ونمت شهرين (نومة أهل الكهف ربنا ما يوريكوش )


صحيت من النوم وحسيت بملل وفراغ قاتل حاولت أرفهـ عن نفسي ورحت ألعب لعبة الحبل بإستخدام الحبل السري
و أقعد أطنطط و ألعب استغمايه واستخبى ورا البنكرياس حد هيسال بلعب مع مين حقوله ما انا كان معايا ( كانت أحلى أيام والله )

وفجأه من قوة ما أتنطط اتزحلقت واتشقلبت راسي تحت ورجولي فوق قامت الحاجه أمي بتصررخ ., الحقوووووووووووووووونى


خدها بابا على طووول لأقرب مستشفى قال الدكتور دي ولااااااااده لما سمعت الخبر وأنا أخيراً هطلع وبدأت ألم حاجاتي بقى وأجهز الشنط و أستعد للقاء الأول مع صديقتي الأولى بالحضانه من صغري وأنا واد صايع ومخربش)

وأمي كل شوية تصوت وتصوت وتصوت حطوها على السرير متوجهين لغرفة الولاااااده وباباماشي جنبها
ويقولها متخفيش أنا معاكي ترد أمي أنا خايفه أموووووووووووت وانا بأولد , بابا رد عليها والدموع تنهمر من عينيه يومي قبل يومك يا حبيتي ( قلت في نفسي هو ده وقتكوا انتو والرومانسيه عاوزه أطلع هتخنق ما هوا مش منكوا من الأفلام اللي بيتشوفوها )



قال الدكتور لأمي زفيييييييييير أمي فهمتها عكس أدتها شهييييييييييق واذا انا اللي أنشفط وأدخل جوّووا قمت اديت ماما واحده بكوعي ما انا كنت بلعب بوكس .
قلتلها يقولك زفير زفير شكلها سمعتني وزفرت زفرة و دفعتني ماما بقوه وأنا طلعت سرعتي 180 ميغابايت ( واد سريع من يومى )
وطلع كل حاجة فيا الا ايدي قلت لا حول ولا قوة الا بالله ده اللي أنا كنت خايفة منه


إستدعى الدكتور الطاقم الطبي عشان يطلعوا ايدي حاولوا المرهـ الأولى والثانيه مانفعش وبعد ثالث محاوله طلعوهـ ( الثالثه تابته )
قعدت أعيط وأقول للدكتور غض البصر يا قليل الأدب
وشالتني النيرس على ايدها و لفتني .
ياسلاااااااام وأخيرا انتهت رحلتي في بطن ماما .

يا جايبلى المصايب