رخامة جولد بوتر !!!

[mido963214]

رخامة جولد بوتر

كنت عاوز أعمل round academy للاكونت بتاعي ، وفعلا دخلت 5 أكونتات ليفيل واحد ودخلتهم الأكاديمي بتاعت الاكونت بتاعى ، وأخدتهم ألفلهم عند الأونج الأوروبي في Samarkand ولما جابو ليفيل 30 ، أخدتهم وروحت بيهم عند مكان علطول بخرج فيه الاكاديمي بتاعتي ، المكان دا في هوتان عند الـishade ، وفي شجرة معينة بحط وراها الاكونتات بتاعتي علشان المكان دا Save Zone ، بس المرة دي لما روحت المكان دا ورا الشجرة لقيت اللى إنتو هتشوفوه في الصورة دي :-



طبعا ، حاجه تقرف و تغم الواحد ، حوالى 25 او أكتر أكونت جولد بوتر ورا الشجرة ، بيتم تلفيلهم عشان يببقو جولد بوتر كبار
طبعا انا شوفت المنظر دا دمي إتحرق
وقولت للجولد بوتر الكبير اللي واقف جنبي في الصورة ، انا هقتلهم كلهم دلوقتي عشان هوا كان لسة بيجيب باقتهم من هوتان
وبالفعل روحت لبست تريدر وجبت تريده 1 ستار ، ولما ثيف Light نزل ، سحبتو ورا الشجرة وبالتالى كانت النتيجة :-



وطبعا موتلو كل الاكونتات اللي كانت ورا الشجرة ، 25 أكونت او اكتر.
طبعا الكل إفتكر إن الحدوتة كدا خلصت :D
دا الحدوتة بدأت من هنا بقى
المعلم الجولد بوتر جابلي أكونت من أكونتاتوه الكبيرة
جابلي جولد بوتر اوروبي ليفيل 79 ، و الاكونت دا عامل الكويست اللي بيخليك تنزل موبات ليفيل 85 Wing Tribe في أي مكان انتا عاوزو (وأنا لحد إنهارده دايخ ورا الكويست دا ومعرفش هوا بيتعمل منين ونفسي اعملوه -_-) ، وكان يجيلي جنب اكونتات الاكاديمي و ينزل واحد يموتهوملي كلهم
دا غير ان الاكونت اللي كان بيلفلي اكونتات الأكاديمي كان ليفيل 76 ، يعني لسة نونو ، يقوم جاي جنبو بردو وينزل موب ليفيل 85 ويموتهولى ، موتو حوالى 15 مرة .

المهم الزبون كان ينزل الموب ويختفي علطول عشان هوا ميموتش والموب يجي عليا انا
فانا عملت اية بقى ، سبت السلاح من إيدي و بدأت اعمل عليه PK وهوا مختفي ، ( طبعا انا شايفو وهو مختفي علشان الـS-bot بيخليك تقدر تشوف الناس المختفية ) ، فكنت بضربو بإيدي عادى ، فيظهر هوا وأخلي الثيف اللايت يضربه ، فهوا يموت
الرخم ، مكنتش فرقه معاه اي حاجه موتو حوالى 5 مرات ويفضل يرجع المدينة ويجيلي تانى وبكلمة في الشات يقول Rush , Smile :) بيغيظني يعني
المشكلة بقى اللى زعلتني ، إنو راح كمان لأكونتات الفارم بتاعتي ، كنت بفرملهم في منطقة جنب الشجرة دي بالظبط كان يرحلوهوم بردو ويموتهم بالموبات ليفيل 85 اللى بينزلهم ،
أرس بتوع الاكاديمي يموت بتوع الفارم ، أرس بتوع الفارم يموت بتوع الأكاديمي



المهم انا زهقت ، قومت قالع لبس التريد ، وفتحت أكونت ليفيل 88 جليفر ملوش لازمة عندى وجبتوه ، وقلبتو مردر على الجولد بوتر دا ، قام رايح بقى جايبلي جولد بوتر صيني ولابس طقم كويس وفول فارم ، جولد بوتر عفي من بتوع ايام زمان ليفيل 88 ،
والمفاجاة إنو لبسو تريد و جاب تريداية واحد ستار وجالي عند الاكونتات وبدأ يسحب الثيفات الـLight على الاكونتات الفارم بتاعتى ويموتهوملى زي ما انا عملت في أكونتاتو اللى كانو واقفين ورا الشجرة في الأول خالص ، بصو الصورة



بعد كدا ، جبتلو بقى الاكونت اللى انا فتحتو الجليفر ليفيل 88 ، قعدت أضرب فيه ، مش قادر اموتو عشان انا مش لابس اى حاجه وهوا ليفيل 88 وضارب سنو وطقمو جامد ، دا غير انو تريدر وانا بضربو كدا ، يعني ببقى PK عليه وأول ما لون إسمي يبقى Pink بيموتني علطول ، بس الحمد لله قدرت أموتو مرة
قام رجع تانى وجاب تريده تانى واحد ستار وجابلي ثيفات Light تانى وموتلى الاكونتات تانى
فجيت أموتو تانى بالاكونت الجليفر ، قام اللون الـPink بتاع الـPK خلص وهوا بيضربني وهوا إتقلب Murder بالغلط طبعا انا قعدت أضحك عليه وأقولو يا نووب وكدا :D بصو الصورة



وأخيرا زهق ومشي

طبعا القصة دي ملهاش اي لازمة انها تتذكر

بس أنا كنت حابب اوريكم إن مش بس الجولد بوتر بيملو السيرفرات ويخلوها ترافيك ومزدحمة ، لأ وبيحاربونا كمان ومش عاوزنا نعمل فارم او أكاديمي

فعلا تحيا الـGM Masters وأصحاب اللعبة ، إللى خلونا ندمن اللعبة دي أكثر من إدمان الشخص للسجاير