حكايه و روايه

[osama_husien]

هههههههههههههههههههههههههههههههههههههه

أنا حكايتي بقه تفطس من الضحك مع ان الحكايه دي بقالها تقريبا 4 سنين او اكتر

بس وربنا كل افتكرها افطس على نفسي من الضحك


الحكايه ان واحد صاحبي جالي السايبر بيقولي فى لعبه عاوزين ننزلها عشان كان عاوز يجي يلعبها عندي فى السايبر

قولتلوا ومالوا ننزلها ( طبعا اللعبه دي Silkroadonilne ) طبعا انا ماكنتش اسمع عنها ولا اعرف اي حاجه عنها

المهم بعد ما نزلتها لاقيت نفسي فاضي ومش لاقي حاجه اعملها قولت ادخل ألعبها شويه

المهم عملت اميل ودخلت ( طبعا مكنتش فاهم اى حاجه فى اى حاجه )

جه واحد إبن حلال قالى اعمل ايه واخرج اضرب الـ Mobs ازاي و عرفني ان الـ Mobs بتوقع هدايا المفروض ان اخدها

عشان ابيعها بـ جولد وكده يعنى وراح سايبنى ومشي وهنا بدأت الحكايه

طبعا انا لسه lvl 1 وعمال يوقعلي هدايا كتير وانا عمال اخدها لحد ما نزلي هديه بس كانت كبيره شويه ولونها مختلف

المهم انا عمال ادوس عليها عشان اخدها مش راضيه ادوس مسطره او space مش راضيه برضه فضلت اشد فى شعري

هاتجنن وأخدها لكن مش راضيه المهم جات فى دماغي فكره قولت انا هاروح فوقيها بالظبط وادوس حرف ( N ) و

اقعد عليها عشان محدش يشوفها واقفل الـ Acc لحد ما يجي الواد صاحبي يعرفني اخدها ازاي وفعلا عملت كده

ولما جه الواد صحبي وبحكيلوا لاقيتوا وقع على الأرض من كتر الضحك وماكنش قادر يمسك نفسه

وانا عمال اتفرج عليه واقوله يبنى مالك بتضحك ليه وهو مش قادر يرد عليا من كتر الضحك

المهم بعد ما ربنا كرمه وقدر يمسك نفسه من الضحك راح مفهمنى إنى مكنتش عارف اخد الكنز او الهديه دي عشان

الشنطه او الـ inventory عندي مليانه ( Full) وإن اللى وقعلي ده كان حاجه اسمها sos بس ماقدرش يفهمنى او

يقنعنى ليه لما هافتح الـ Acc مش هلاقي الـ sos ده موجود زي مانا سيبته

وفتحت الـ Acc على امل انى هلاقي الـ sos ده لكن ملاقيتش حاجه وفضلت مش فاهم طبعا

لحد بقه لما ادمنتها وفهمت ان الـ item بيفضل مده ولو محدش خده بيختفي ومن ساعتها كل ما أفتكر الموقف ده

اموت على نفسي من الضحك

أنا عارف ان حكايه بايخه بس فعلا انا كل ما بفتكرها انا والواد صحبي نفضل نضـــــــــــــــحك وده بجد أكتر موقف عجبني فى الجيم دي وأســـــــــــــــف على الإطالــه :D:D