لعله خير

[X_LeGand]

--------------------------------------------------------------------------------

قدر الله وما شاء فعل طبعا أنا بحاول اصبر نفسى و مش هقول لعله خير
لعله خير علشان لو كسبانه كان زمان الاسعار كله بقت الضعف على الساعه 12 و هيبقه حمل للغلبه يعنى المنتخب ياخد 4 مليون و الغلبه يلبسوا أسود
لعله خير علشان ممكن يكون مستنى للجزائر فضيحه فى كاس العالم وأحنا نجينا منها
لعله خير ممكن يكون الجزائرين هيشرفوا العرب أكتر مننا فى كاس العالم
لعله خير
لعله خير
لعله خير
و فالاخر سبب الهزيمه مش 50% شحاته و المنتخب و 50% الحظ
بالنسبه للمدرب كان غلط أنه يبدأ بمتعب كان لازم يبدأ بزيدان علشان أكيد هو عارف ان زيدان هيبوظ أعصابهم و كمان زيدان مبيطلعش منه شغل حلو غير فى المساحات فطبعا هو نزل وكان خلاص الجزائراييين كانوا قفلوا بطبه والمفتاح
و كمان منزلش بركات ونزل حسنى و المفرود أن أحمد عيد عبد الملك ينزله فى الاخر لكن تغير حسنى عبد ربه مش موفق فيه تمام و لا تغيير زيدان
وبالنسبه للمنتخب الواحد مينكرش همه لعبه بس تعالى قولى نتيجه اللعب ايه ماتش 90 دقيقه مفيش شوطه واحده على المرمى كان أعصابهم متلغبطه خالص
وطبعا أنت شايفين ولاد التيت دول كانوا بيلعبوا اللعبه الاسود اللى فى الخباثه و كانوا مستفزين جدا
و بالنسبه للحظ فكان عالى أوى معاهم وكان فى الحديد معانا
وكمان الضربات الركنيه اللى هو كان الامل الوحيد بتعانا مفيش ولا واحده اللى لم لازم تروح لاخر الملعب مش عارف ليه
بجد اللعيبه كانت خايفه أوى
بس قدر الله وما شاء فعل و لعله خير

و خلص يا شباب ده ماتش كاسبنا خسرنا أحنا اللى أعصابنا بتبوظ و اللعيبه تاخد الفلوس