دية مش جيم

[DarkAngiI]

اللى تخلى الواحد يتغير بالشكل دة تبقى مش جيم

اللى تخلى الواحد يبعد عن ربنا تبقى بردوة مش جيم

اللى تخلى الواحد يخرج عن شعورة وتفلت اعصابة ويلاقى نفسة بيغلط فى الناس بردوة متباقش جيم

اللى تخلى الواحد يحاول يبقى عايز ينتقم من واحد بشكل مفزع تبقى بردوة كش جيم

اللى تخلى الواحد تفكيرة يقف وضميرة ينام ويبقى عايز يتصرف تصرفات مش كويسة بردوة متبقاش جيم

حاجات كتير اوى بنعملها غلط من ساعة ما عرفنا حاجة اسمها سيلكرود

ومن غلط لى غلط لى غلط اكبر والمشكلة انها جيم

طيب يا ترى فية جيم تخلى الواحد يعمل كل دة ؟ اة فية سلكرود .

بجد انا باقيت احس ان اللى عمل اللعبة دية شيطان كان كلة قصدة منها انة يبعدنا عن ربنا ويضيع وقتنا فى كلام فارغ

ويضيع فلوسنا . ويخلينا نكرة بعض . يشيل الحب من جوانا ويزرع مكانها كراهية ..

قولولى مين فيكم اللعبة دية مغيرتهوش .. ؟ قولولى مين فيكم مغلطش من ساعة ما عرف سيلكرود ؟..

على فكرة انا النهاردة بس اكتشفت حاجة واحدة بس

اكتشفت انها جيم بس بدل ما احنا اللى بنلعبها لا هيا اللى بتلعب بينا ... تخيلوا لعبة بتلعب بينا احنا

حولتنا كلنا وخلتنا كلنا نكرة بعض .. ونشتم ونغلط فى بعض .. ونقف على الواحدة لبعض

لغينا حاجة اسمها تسامح .. ومحبة لبعضنا ...

انا اسف يا جماعة ومش عيب الواحد لما يغلط يقول انا اسف ..

اسف علشان فكرت انى اذى واحدة ماذتنيش فى حاجة ولا عمرها غلطة فيا ..

انا مقدرتش اعمل حاجة .. ومقدرتش ااذيها وبردوة بقول اسف ..

اسف لمجرد انى فكرت فى كدة اصلا ازاى اقبلها على نفسى .. ازاى احول حياة بنت لجحيم فى ساعة عصبية

وكل دة بسبب الجيم .. بذمتكم تبقى دية جيم ؟؟

ناقص بقى انى اتكلم على دارك المشرف ..

مع انك اللى وصلتنى للحالة اللى كنت فيها وانك السبب الرئيسى لكدة بسبب ردودك المستفزة ..

عايز افهمك حاجة يا دارك انت مشرف يعنى المفروض تكون قدوة للناس ولما تكون فى مشكلة يكون دورك انت

تحل المشكلة بين الطرفين لكن ان المشكلة تكون مع المشرف نفسة ... طيب مين ساعتها اللى هيحل

حاول تغير من نفسك يا دارك حاول تكون محايد ومش مستفز ...

وعلى العموم انا بقولك انا اسف على اى حاجة قولتلهالك ..

انا عن نفسى خلاص مبقيتش طايق اللى انا فية اخر يوم هتشوفنى فية فى المنتدى هيكون النهاردة

مش هدخل تانى خلاص كفاية كدة ..

وكمان فاضلى حوالى 10 ايام والاكونت بتاعى يكون فول فارم وابيعة وارتاح من القرف اللى احنا فية دة

مش هاسيب حتة جيم تتحكم فينا ..

على العموم انا بقول الكلام دة لا هو ندم ولا هو ضعف ؟؟ اوعى تفتكروا كدة

انا بقولكم الكلام دة نصيحة مش عايز حد يتفاعل مع الجيم لحد ما يوصل زى ما انا وصلت كدة

انا النهاردة كنت ممكن اعمل حاجة اندم عليها طول عمرى ....

بس الحمد لله رجعت عنها فى اخر لحظة اولا لان ربنا مكانش ممكن يسامح غلطة كبيرة زى اللى كنت هعملها ..

تانى حاجة مكنتش حابب اخسر اتنين من اعز صحابى بجد اتنين محترمين جدا جدا روكر وستايل بوى ..

تالت حاجة علشان عندى اخوات بنات وبخاف عليهم اكتر من نفسى ...

انا قولت كل اللى عندى ناس كتير ممكن تفهم كلامى دة صح وناس تانية ممكن تفهم كلامى بشكل تانى ..

افهموا زى ما انتوا عايزين انا خلاص مش فارف معايا لانى لا هدخل اشوف ردود ولا هدخل ابص على حاجة خلاص ..

هنسى حاجة اسمها منتدى . وهحاول ابيع الاكونت وانسى حاجة كمان اسمها سيلكرود ..

اتمنى اى حد كان زعلان منى فى كلمة قولتها لية فى ساعة عصبية ميزعلش ويعرف ان دية جيم متستاهلش

وعلى فكرة يا دارك هقولك على حاجة مش هتحس بيها دلوقتى هتعرفها بعدين .. اكيد هتوحشك رخامتى

وغلاستى معاك هههه مش هتلاقى واحد زى يعرف يغلس عليك او يرخم عليك قدى انا :d


احب اقولكم اشوف وشكم بخير ومتنسوش حاجة مهمة دية مجرد جيم