ليه المصريين عمتا بتوع مصلحتهوم

[meme2005]

السلام عليكم و رحمة الله و بركاتة
اول شيئ انا برحب بى الاخ صاحب الموضوع الجميل دة و فعلا الموضوع دة يستحق التثبيت
تانى هام تعالو بقة و انا اضحكم على الى اتعمل معايا انا .
انا و لله الحمد مصرى و من الاسكندرية و عندى 39 سنة و بلعب فى الجيم دة من زماااااااااااااااان اوى و بجد مش عايز اقول انى مشفتش واحد مصرى عمل معايا الصح علشان فعلا فى ناس و هما قلة هما الى عملو الصح معايا و وقفو جنبى ودول طبعا من اقدم الناس فى الجيم.
انا معايا اكونت لفل 97 و معايا اكونت تانى صغير و بلفلو بى الكبير علشان بفرم و كدة المهم قلت اعمل تاكسى فرى برضو علشان الناس الى لسة طلعة و اهو كدة كدة انا مشغل البوت و مش مهم .
دخلى واحد مصرى اول كلامة هاى مان قلتلو هاى قلى ممكن تاكسى بعتلو الرقم و جة معايا فى التاكسى طبعا التاكسى كان فرى قلى شكرا يا مان انتا فعلا راجل جدع و نادر ان الواحد يقابل زيك رديت علية و قلتلو شكرا يا قمر .
قلى ممكن طلب ؟ قلتلو اتفضل . قلى انا عايز 2 مليون دة لو معاك علشان انا نو جولد خالص . بعتلو الى طلبو والله . قلى ممكن طلب تانى قلتلو اتفضل قلى عايز امسك التاكسى طلما انتا مش على الجهاز و مشغل بوت.
و فعلا مسكتو التاكسى و رحت الشغل و لما رجعت لقيتة مبنش الاكونت بتاعى الى انا بلفلو و عامل تاكسى الساعة 500k و لما دخلتلو و كلمتو و قلتلو لية كدة و لية بنشت املى ؟ قلى معلش اصل انا عايز جولد علشان اجيب دجرى 6 رحت مبنش نفسى من البارتى و دخلت الاكونت بتاعى تانى فى البارتى راح شتمنى هوا و الى فى البراتى و كتبو فيا جلوبل شات . يبقى عايزين اية تانى بقة و مفيش واحد اجنبى او عربى بيعمل كدة ولا بيشتم فى الجيم الا المصريين .
برجاء يا اخوانى الاعزاء من كل شاب مصرى بلاش نتعامل مع بعض بى الطريقة الغلط دى علشان عيب اوى نفرج الناس علينا كفاية ان مفيش حد بيحترمنا يبقى لازم احنا على الاقل نحترم بعض علشان نغير بصت المجتمع العربى و الغربى لينا