شـريـط الاهـداءات | |
بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
أدوات الموضوع | انواع عرض الموضوع |
04-10-2009, 10:20 AM | #1 | ||||||||||
|
الجزء الثالث Ω۩ΩΩ۩Ω رباعيـــات صلاح جـــاهــين Ω۩ΩΩ۩Ω الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه ياهوه اللي يقولوه بيرجعوا يكدبوه عجبي !!! علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! - يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي !!! وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! سرداب في مستشفي الولاده طويل صرخات عذاب ورا كل باب وعويل .. وفي الطــــــريق متزوقين البنات متزوقـــــــــــــين للحب و المواويل عجبي !! الدنيا أوضه كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !! أيوب رماه البين بكل العـــــــــلل سبع سنين مرضان وعنده شلل الصــــبر طيب .. صبر أيوب شفاه بس الأكـــــــــاده مات بفعل الملل عجبي !!! نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!! يا طير يا عالي في الســــــما طز فيك ما تفتكرشي ربنا مصطــــــــــــــــفيك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي !!! تحيات007 |
||||||||||
|
يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
Ω۩ΩΩ۩Ω احمد حلمى ::: زغروطه وحشه Ω۩ΩΩ۩Ω | omar007 | بـعـيـدآ عـن سـيـلـك رود | 16 | 12-05-2010 08:47 PM |
Ω۩ΩΩ۩Ω المـــوســـوعـــه العــالميـــه Ω۩ΩΩ۩Ω (كـــنز مــن المعلـــومـــات) | omar007 | بـعـيـدآ عـن سـيـلـك رود | 108 | 07-11-2009 11:07 PM |