نصيحة مع تحدي

[silkroadd]

السلام عليكم

يا شباب انا هتخصر الكلام
نصيحة من اخوكم ، انا من اقدم اقدم لاعبي سيلك رود وياما شفت منها وياما اخت بلوكات

وانا مش بكتب الموضوع ده عشان اكرهكم في اللعبة
اللعبة مسلية جداً واحلى ما فيها جو الصحبة

بس المشكلة اننا فهمنها غلط ، كل واحد فينا للأسف عايز يعلي لفله وخلاص ،
العبة للتسلية مش للأدمان

للأسف الحقيقة اللي احنا مش عايزين نصدقها ،
ان اي مستخدم لأي برنامج بيتصل بالكلينت هياخد بلوك مهما مرت الأيام والسنين
واتحدي اي واحد يجيب لي اكونت قديم ولعب بالبوت ومازال يلعب بيه ومخدش بلوك
اتحدي اي حد
عاجل ام اجل صدقني اللي بيلعب بوت هياخد بلوك ومحدش يرجع يعيط بعد كده

المشكلة اننا بنتذاكى على صحاب البيت !
يعني الناس دي هي اللي مصممة اللعبة ولو عايزة تجيبك وانت بتلعب بوت هتجيبك غصب عنك ولو عملت ايه

والناس اللي ليها في البرمجة هتفهم الكلام ده كويس

والعامل الفارق في الموضوع انك لما بتستخدم اي برنامج مخالف بتستخدمه كل مرة بتفتح فيها اللعبة !
يعني ياريتك بتستخدمه مرة ولا اتنين بالكتير كل فترة ، لأ انت كل مرة بتفتح اللعبة بيه اللعبة بترسل ان في بكتج بترسل غير البكتج المعتادة وهما بسهولة بيعرفوا انك بتعمل حاجة غلط.

فنصيحة بلاش بلاش بلاش عشان محدش يرجع يندم ويقول يارتني
ولو حتى شاحن سيلك وبتلعب بوت هتاخد بلوك ولو كنت اشتريت البوت نفسه
لأن ده ممنووووووووووووع في اللعبة وبدون استثناء
ودي الشروط اللي احنا وفقنا عليها عند الأشتراك

ودلوقتي طرق الشحن بقت سهلة وكل شهر ممكن تحصل على برميم وتعلى براحتك

ده غير اصلاً ان البوت بيضيع لذة اللعب

دي اعتبروها نصيحة من اخوكم وربنا يوفقنا جميعاً