هل يوجد من هم أخطر من الـ Scammers ! شاركنا لتعرف

[Al.Qanas]

السلام عليكم ورحمة الله وبركاتة .

ف البداية انا قبل ما اكتب الموضوع وانا محتار احطله عنوان اية او اسم اية بالظبط
بس ملقتش غير العنوان اللى انتوا شوفتوه قدامكم

انا حطيت الموضوع دة لما فعلا الشكاوى من الناس دون المستوى من المصريين ف اللعبه زادت اوى
اللى فعلا لسانهم بيدل على اخلاقهم والبيئة اللى خرجوا واتربوا فيها
واللى دايما بيخلوا شكل مصر وشكل المصريين وحش جدا واكتر من وحش قدام اى حد تانى
اذا كان عربى او اجنبى
اللى بيقولوا الفاظ غريبة وكلام برئ منهم ميحبش اى حد يسمعة او يشوفوه
اللى واخدين اللعبة والنت وسيله لتخريج عقدهم النفسية ورغبتهم ف الافصاح عن البيئة اللى خرجوا منها ومقدروش يستغنوا عنها .
واخدين الكمبيوتر كشاشة قاعدين وراها محدش شايفهم يبقى يشتموا براحتهم ومن غير سبب
ناسيين ان كل كلمه بتتكتب وكل حرف بيتسجل وهيتحاسب عليه
وناسيين ان الناس بتشوفهم بشكل تانى شكل فعلا مقدرش اوصفه
الناس بتخافهم وبتتجنبهم
بس مش بتخاف منهم
بتخاف تسمع كلام مؤذى من لسانهم اللى مش بيبطل قله ادب وكلام مش محترم

الشخص اللى يبقى كدة اخطر بكتير من 100 سكامر
لما اسمع شتيمة ليا أو لأهلى بدون اى ذنب
ولما تسمع انت شتيمة بأهلك واحيانا بالدين والعياذ بالله علشان معروف قدمتة
مهو الزمن دة اللى بيقدم فيه معروف مش بياخد قدامة غير العكس !

قبل ما اكمل اى كلمه فى الموضوع احب اوضح ان مش من حق اى انسان انه يشتم اى واحد تانى شتايم زى دى مهما كان السبب . خصوصا لو كان على لعبة حتى لو نصب عليك او موتك او عمل اى حاجة مش ليك حق انك تشتمة بأهله بالشكل دة لان انت مش ترضاها على نفسك .

لما اسمع وتسمع كلام من دة افتكر اهون ان الاكونت بتاعك يتقلب او واحد ياخد منك فلوس تاكسى ويخرجك
لكن ان الواحد يتشتم وعلشان لعبه او نت او جهاز كمبيوتر الواحد بيتسلى عليه
يبقى بلاه الكمبيوتر وبلاها لعبة واى حاجة تهون ف سبيل ان الواحد يعيش مبسوط وحاسس بأحترام الناس حواليه مش بالناس الغير محترمة اللى محاوطينة من كل اتجاه وبيسمعوه كلام مش يرضية .

افتكر دة يصنف خطر رقم 1 عن اى سكامر.
الموضوع دة اكيد كله لاحظة بشكل عام على مستوى اللعبه او على مستوى المنتدى والمواضيع اللى نزلت بالشكاوى دى .
والموضوع فى زيادة مستمرة طول ما فى اساتذة ف قله الادب وتلاميذ بيسجلوا كل يوم ف السيرفر ومسيرهم يوصلوا ليك ويطلعوا المكبوت جواهم يمكن يخفوا من المرض اللى فيهم .مرض قله الادب !

مش هطول عليكم بس انا حسيت انى محتاج اعمل الموضوع دة علشان اى انسان مش كويس ف اللعبة
غير انه سكامر .
بمعنى ان لسانة متبرى منه وبيقول الفاظ وقحة وبيشتم وبيسخر من الناس
لازم يكون ليه حد ووقوف عند الحد دة مش يتخطاه
لازم الناس تعرفة وتتجنبة وتبتعد عنه وتبطل تكلمة علشان ترحم نفسها من قله الادب وتلعب وهيا مبسوطة

الموضوع دة خاص بكدة
خاص بكل واحد بيقول كلام فعلا مش كويس . اللى المفروض الناس كلها تبطل تتعامل معاه .

اى حد مر بموقف وشاف بنى ادم بالشكل دة ف اللعبة ياريت يقول عليه للناس وياريت اللى عندة الدليل يكون احسن
بس ياريت اى واحد هيحط صورة يحاول يمسح الشتيمة القبيحة اللى فيها او ع الاقل يشخبط ع الكلمة القبيحة اوى بس .
وهو الكلام بيبان لوحدة من طريقة الكلام ومتابعة الكلام
علشان الموضوع والقسم مش يبقى مركز للناس اللى مش محترمة دى

اتمنى الموضوع فعلا يكون حاجة نلم فيها الناس اللى مش المفروض اننا نعرفهم ف اللعبة علشان كلنا نبعد عنهم

واتمنى من اى حد من الادارة يثبت الموضوع.
فقط علشان الناس تتابعة وتهتم بيه لانه اخطر بكتير من مواضيع الاسكامر .
واتمنى ان جميع الاقسام والمنتديات الخاصة باللعبة او بأى لعبة تانية اونلاين اخدوا فكرة عن الموضوع دة ينفذوه
لان فعلا انا شايف الموضوع اخطر بكتير من اى حاجة تانية تخص اللعبة . " دة من وجهه نظرى مش اكتر "

وياريت محدش يحط اى موضوع يتعلق بواحد سكامر الا اذا كان سكامر وكمان قليل الادب والفاظة وحشة
دة الموضوع الخاص بالاسكامرز . عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أسف للإطاله .
تحياتى