ادخلو مش هتخسروا

[bahysaid]

يا جماعة قبل ما ابدا الموضوع احب اوجه شكر وتقدير واحترام للعضو سامح (saddam) كينج سيرفر برشيا على فكرة الموضوع الرائع الاكثر من رائع . يا جماعة الموضوع دة منقول من العضو سامح فى قسم برشيا ومن العضو السويفى بس انا حبيت اجيبو هنا عشان حسيت ان السيرفر محتاج الموضوع دة اكتر وانا بقول تانى يا جماعة الموضوع دة منقول واتمنى ان الموضوع يعجبكم ونوصل للغرض المطلوب

علاقات المصريين ببعض فى اللعبه و ليه كل الناس ليها خلافات مع بعض رغم ان دى لعبه و كل الناس داخله علشان تتسلى مش اكتر وكمان احنا مصريين و المصرى معروف عنه انه عشرى طبعا مش كل المصريين بس اغلب المصريين طيبين و بيحبوا الخير
كفايه ان سيدنا محمد عليه الصلاه و السلام قال على المصريين خير اجناد الارض و اظن دي لوحدها كفايه دى شهاده المفروض نعتز بيها ميهمنيش بقا راى اى حد تانى من اى دوله تانيه

ليه بقا تعاملات الصريين فى اللعبه بالشكل ده رغم ان هيا بره اللعبه فى الحقيقه مش كده خالص

السبب ان كل واحد قاعد ورا جهاز كمبيوتر و بيتعامل مع الناس على حسب اللفل بتاعه مش على مستوى سنه او فكره و تعليمه

يعنى لو واحد لفل 90 وعنده 11 سنه هتلاقى الناس بتقوله عامل ايه يا باشا و ايه اخبارك و يكلموه فى قمه الاحترام

و لو واحد تانى عنده 35 سنه و لفل 20 هتكلمه تقوله يا نووووب يا ابن ال

وممكن تلاقى واحد جاهل مش متعلم و بيشتغل ميكانيكى وانتا دكتور او مهندس اصلا تيجى تتعامل معاه هيعملك على البيئه بتاعته مش على البيئه بتاعتك و هيقولك انتا ياد يا ابن ال كذا معاكش رجل ارمور لفل 60 +5 لو قلتله لا هيسمعك شتايم عمرك ما سمعتها قبل كده

و ممكن يكون فى 2 محترمين يعملوا بعض بقله ادب من كتر اللى شافوه من المصريين رغم ان لو نفس ال 2 اتعاملوا مع بعض فى الحقبقه هيكونوا محترمين جدا

فى النهايه كل واحد ورا جهاز كمبيوتر ومش عارفين شخصيته الحقيقيه عنده كام سنه - بيشتغل ايه - بيدرس فى سنه كام - حالته الاجتماعيه ايه - متزوج - مطلق - متفرغ - مشغول - ساكن فين - بيلعب فى السرفر امتى - اسمه فى اللعبه ايه و لفل كام - شكله ايه

يرين كل واحد يعرفنا بنفسه فى الحقيقه اظن الموضوع ده هيعرف الناس ببعض اكتر و يحبوا بعض اكتر و يسهل التفاهم بين الناس و كل واحد يتعامل مع التانى على قد سنه و عقله

و كان الافضل للناس تكتب البيانات دى فى التوقيع بدل ما تكتفى بكتابه البينات فى اللعبه بس

اتمنى كل واحد يكتب باللغه العربيه بس البانات الشخصيه بتاعته و بالتفصيل الممل و ميسبش ولا حاجه منها و لو فى حاجه مش عايز يقولها يكتب فدمها خاص ودي القايمه ممكن تعمل منها نسخه و تكتب فيها


الاسم :
السن :
العنوان : (محافظه - مدينه - حى )
المهنه او الشهاده : (اكتب المهنه و الشهاده و لو طالب اكتب فى سنه كام )
الحاله الاجتماعيه : ( متزوج - اعزب - خاطب - متزوج و عنده اولاد )
الاسم فى السرفر :
اللفل :
الجلد :
بيلعب فى السرفر من انتى : ( جديد - قديم - شهر - 5 شهور )
بيانات اخرى : ( لو فى حاجه تانيه ممكن تكتبها هنا )
صوره شخصيه : ( لو فى صوره ممكن تتكرم علينا و تحطها )
امنيتك فى السرفر: ( نفسك فى ايه )