~-.¸¸,.-~'¨ يـوميات هوراي و خالد ¨'·~-.¸¸,.-~'¨ متجدد يوميا

[Un_Wanted]

,, الحلقة الاولي ,,






هوراي مذاكر جدا








الأثنين




19/12/2006





يا نهااااااااااااار أبيض ايه ده يا هوراي


ايه اللي بيحصل


انت كنت في غيبوبة ولا ايه يا هوراي


فاضل اسبوع واحد بس على الأمتحان


نهارك مش فايت يا هوراي


انت لسه فيه مواد ما فتحتهاش من اساسه


ولا تعرف عنها حاجة يا وقعة مش معدية ...


خلاص يا جماعة انا حاسس إن انا ضعت .. ضعت ضعت ..


لكن لأ يا هوراي مش انت اللي تضيع


لو انت اللي تضيع يبقى مين اللي ما يضعش وكما قال الشاعر




لو ضاع هوراي فمن ذا الذي ليس بضائع

كل البشر ذهبوا في داهية لوضع هوراي الرائع




خلاص يجب أن اعلنها عالية مدوية مذاكرة حتى الموت هو ده شعار المرحلة ..


مذاكرة حتى الموت





- ياهوراي ..




مين اللي بينادي من الشارع ده ..

هو ده وقته ده صوت الواد خالد





- أيوا يا خالد ..

- مش هاتيجي تتفرج على الماتش عندي في البيت ولا ايه

- لالالا .. انا ورايا مذاكرة

- يعني هو من أمتى انت بتذاكر من أساسه يا عم فكك يلا بس

ماتش يفوت ولا حد يموت

- لا لا يا هوراي شعار المرحلة دلوقتي مذاكرة حتى الموت ..

- مرحلة ايه ؟؟ ومذاكرة ايه ؟؟

انت حر يا عم موت انت براحتك وانا رايح اتفرج على الماتش






أي.. أي .. ايه اللي بيوجعني ده .. ضميري الكروي بينغز عليا يا شباب





- طيب آآآآ...آآآ أستنى يا خالد آآآآ أنا جاي معاك

- طيب وشعار المرحلة يا فالح ؟

- ممكن أجراء تعديلات بسيطة عليه ..

- أزاي يعني يا عبقري زمانك

- ممكن نخليه مذاكرة بعد الماتش








الثلاثاء





20/12/2006




خلاص النهاردة يوم الحسم النهاردة يوم الخلاص .. خلاص يعني خلاص


بس طبعا لازم الشغل يكون على مية بيضا لازم جدول مذاكرة وحبة شغل كده في الأوضة


أعملك جدول مذاكرة كده .. ولازم يكون حاجة محترمة بقى ..


طيب أيه رأيك يا واد يا هوراي تكتبه كمبيوتر وتعلقه شكله حيبقى شيك أوي


وبعدين انت عايزلك كده تعلق كده كام ورقة علشان ترفع همتك


يعني تكتب كده ورقه مكتوب عليها سبعة أمتياز إن شاء الله ..


وكمان ورقة تكتب عليها الراجل العادي يبذل مجهود مش عادي ..


حاجة تقوي نفسيتك على المذاكرة


يااااااااه الكمبيوتر بايظ صحيح ..


خلاص أنزل أكتبه في السيبر اللي على اول الشارع






جاتلي فكرة جهنمية ..




عقبال ما ابراهيم اللي شغال في السيبر يخلصلي الجدول والورق


أقعد على النت ساعة كده علشان أشوف طرق المذاكرة العلمية الحديثة


واتصفح المواقع النفسية اللي فيها وصفات مجربة عن الكيفية الصحيحة للمذاكرة


أهو كده يبقى الشغل على مية بيضة ..


وبالمرة أشيك على الأيميل يمكن في جديد ..


وكمان شوية سلامات على حبايبي في الماسينجر ..


ويا سلام كمان يا هوراي كده لو ايميلين تلاتة محبة للناس اللي بقالك كتير ما شوفتهاش ..






إلا أخبار الآي سي كيو أيه ..

بيقولوا بقى يبعت ماسيدجات لموبايلات فودافون كمان


يا سلام كده لو كام ماسيدج


للحبايب تطلب منهم يدعولك ربنا يوفقك السنة دي ..


ويا سلام كمان يا هوراي لو تروح تنام علشان تصحى بكرة بدري وتذاكر من أول اليوم









الأربعاء





21/12/2006





الساعة 12 ظهرا



بس كده خلاص جينا للشغل الصح ..


وضعنا شعار المرحلة ..


وحطينا خطة خمسية كده يبقى نشتغل على مية بيضة


لكن مش عارف ليه حاسس أني تعبان ومرهق كده ومش في " المود "


يمكن علشان ما فطرتش


طيب أقوم أفطر وبعد كده حبقى في " المود "









الساعة 1 ظهرا




فطرت اهو يا عم الحاج ملكش حجة بقى ..


لكن مش عارف ليه لسه مش في " المود "


طيب ساعة كده أروح عن نفسي


ما هو لازم الترويح عن النفس ده


يعني هي المذاكرة حتبقى 24 ساعة


ده حتى حرام وظلم وربنا ما يرضاش الظلم







الساعة 2 ظهرا ..





مفيش مشاكل كمان ساعة ترويح علشان انا حاسس أني مش في المود







الساعة 3 عصرا ..





كمان ربع ساعة بس ترويح عن النفس ..




( تم تكراره اربع مرات )







الساعة 4 عصرا





الغدا .. أكيد الغدا هو اللي هايخليني في مود المود ..








الساعة 5 المغرب





ساعة تمشية لتصريف الغدا وبعدها ابقى في المود ..









الساعة 6 عشاءً ..





المود مش موجود






الساعة 7





مفيش مود





الساعة 9 ليلا





مفيش مود




الساعة 12 ليلا




مود يا حمار ..







الخميس 22/ 12




مصدع




الجمعة 23 / 12




زهقان




السبت 24/12




تعبان





الأحد 25/12




ورمان





الأثنين 26/12




الأمتحان




انتظرونا في باقي الحلقات

__________________