Ω۩Ω الحب عند جميع الاعمار Ω۩Ω

[WELFA]

بعد السلام
انا كنت لسة بفكر فى
ايه حكاية الارتباط للسن الصغير
( طبعا حيجى واحد يقول ايه ده بيفكر )

لا انا بتكلم جد يعنى تشوف الان واحد عنده بتاع 11 - 14 سنة
و يجى يئولك اما انا بحب بنت و هيا بتحبنى



اول حاجة يعنى ايه حب
و ايه الفايدة بيتاعت الحب
انا اءولك
او مش انا
بوص رأى الاطفال



بيئولو عملو دراسة عايزين يعرفوا الحب عند الاطفال يعنى اه




سارة ( 8 سنين )

لما جدتها جالها التهاب فى المفاصل ماكانتش بتعرف توطى عشان تحط طلاء المونيكير , فكان جدها هو اللى بيحط المونيكير للجدة , و بعد كدة الجد جالو نفس المرض بس فضل يحط المونيكير ليه بردو
و ده الحب من رأى ريبيكا


احمد – ( 4 سنوات )
لما شخص يحبك
تحس ان هو بينطق اسمك بطريقة مختلفة



اوركيد - ( 4 سنوات )

بتقول ان اختها بتحبها
لدرجة ان هيا بتيديها هودمها
و تروح هيا تشترى هدوم لنفسها



اندرو – 4 ( سنوات )

الحب هو اللى بيخليك تضحك و انت تعبان

خالد -( 6 سنوات )


عشان تعرف تتعلم الحب بجد
أبدا حب اصحابك اللى انت بتكرهم



و ده بئا الحب عند الصغار











طب الكبار


سألو ست عجوزة عن الحب آلت :

أول مرة سمعت الكلمة دى كنت طفلة صغيرة
وكانت من والدي الذي باسنى وقالى بحبك , فقلت الحب هو :

الحنان والأمان وحضن دافئ

لما بلغت سن الرشد لائيت رسالة تحت باب البيت
بعتها إبن الجيران عنوانها إسمي ومحتواها إنا بحبك فقلت الحب هو :

جرأة و جنون

لما اتخطبت لابن الجيران وتعرفت عليه
أول كلمة قالها ليا انو بيحبنى فقلت الحب هو:

طموح وعمل وهدف وإرادة

اتزوجت وفي ثاني يوم جواز بسني جوزي على رأسي
وقال لي إنو بيحبنى فقلت الحب هو:

شوق و وله و حنين

بعد سنة ولدت أول أولادي كنت تعبانة واقعة على سريري
فجه جوزي ومسك ايدي فقال إنو بيحبنى فقلت الحب هو:

شكر و تقدير و عطف و حنان

فاتت السنين شاب شعر الرأس واتزوجوا الابناء فبص جوزي
لشعرى و هو بيبتسم وقال لي انو بيحبنى فقلت الحب هو:

رحمة و عطف

طال العمر وبائينا عواجيز وفي كل مرة جوزي العزيز يقول لي انو بيحبنى
فأئولت الحب هو :

وفاء وصدق وإخلاص وعطاء

هذا هو الحب كلما زدنا في العمر كلما اكتشفنا أسراره
هذا هو الحب يبدأ صغيرا فيكبر شيئا فشيئا
الحب ليس تلك الجرائم التي ترتكب بإسمه









بس مش ده موضوعنا
الموضوع ان الواد ده يجي يقول ل واحد كبير ان هو بيحب واحدة
بس انا فى اعتقادى ان هو مش بيبئا حب هو بيبئا حاجة كدة زاى التعلق بالشىء
و التعلق غير الحب
و بجد انا مش بقول كده من فراغ انا بحق ربنا
جربت ده و جربت ده
انا باشوف ان التعلق الزايد عن حده بين الشاب والفتاه بيتحول الى حب مع الوقت
بس الحب ماعتقدش انو يتحول لتعلق
عشان هناك فرق انك تحب شخص وتعطيه الدفاء والحنان وتشاركه همومه
ويصبح الفكرعلاطول معه من خلال القلب والجوارح .
لاكن التعلق من وجهت نظري انك تتعود عليه سوى من خلال حديثك معه
او جلوسك الدائم معه


بس انا شايف ان الحب اللى بجد
اول يعنى اول لما الواحد يبئدأ تانية او تالتة ثانوى
لو هو بيحيب البنت دى بجد حبعمل المستحيل عشان يدخل احسن كلية
و عشان يشتغل احسن شغل
عشان لو جه اتقدم ليها يبئا ابوها ملوش حجة

بس للاسف مافيش دلوقتى الحب ده الا قليـــــــــل جدا
و ده بسبب ان الشباب اخدين البنات تسلية



ده رأى
يا ريت تشاركو برأيوكو


يا رب يبئا الموضوع حلو


تحيات
INK_BALL