الى أخوانى اعضاء سيرفر Alps

[Adham SabrY]

بسم الله الرحمن الرحيم

السلام عليكم ورحمة الله وبركاتة

اليوم نتطرق الى عدة أمور عديدة واهمها تعيين مشرف على قسم السيرفر والسبب أننى ليس مشرفا على القسم ولا اسفل اسمى مشرف سيرفر Alps ولا لون عضويتى لون مجموعة المشرفين

لذلك بما ان تم فتح باب الترشيحات على المنتدى فكان لنا وجهة نظر اخرى هنا لأختيار مرشح يقوم على أدارتة القسم

وللاسف الشديد بعض الاعضاء تقدموا وعندما علموا بشرط المشاركات بدأت حملة سبام فى القسم

مواضيع غير هادفة

مواضيع خارجة عن سياق القسم

مواضيع اقل من ان يقال عليها تافهة

بجانب انهم مشاركتهم تضاعفت بشكل ملحوظ

ومنهم من زور فى سنوا من 14 سنة عمل عضوية جديدة وبقت للأسف الشديد 21 سنة ازاى معرفش

ومنهم من انتحل شخصيتى وكلم خالد على اساس انة انا

ومنهم من عمل دور بنت ودى كانت الكارثة الكبرى وادعت انها اخت عضو محروج يكلم خالد انة يتعين مشرف فعلا مهزلة


وللاسف كلهم اتعرفوا اللى انتحل شخصيتى وطلب من خالد الباص على اساس انى نسيتوا

واتعرف اللى انتحل دور بنت واسمها (بسنت ) اسم جميل فعلا محدش ينكر ما علينا يعنى من الأسم


المهم مش موضعنا

النهردة عايزين عضو يمسك السيرفر وطبعا للاسف الشديد ودة زعلنى فعلا

فى اعضاء بعتت وقالت احنا عايزين نرشح نفسنا بس أدهم لو عرف هيتلكك لينا

هو انا مفترى او وحش للدرجة دى و هاكلهم مثلا

يا جماعة احنا اخوات عيبى الوحيد انى مش بحب الهزار ورسمى جدا واسلوبى يمكن فعلا جاف

لكن دة مش معناه انى وحش على العموم النهردة بأذن الله

بقول فتح باب الترشيح للقسم واللى شايف نفسوا انة جدير بادارة القسم يتفضل يكتب اسموا

وهيتعمل تصويت جماعى وبرأى الأغلبية وبشكل شفاف بالكامل دون انحياز لأى مخلوق

والافضل هيتم تعيينوا على السيرفر

بحيث ان محدش يتفرض عليكم وانتم بنفسكم اللى تختارو الافضل منكم

الشروط بسيطة جدا

1- الا يقل عدد المشاركات المتقدم عن 800 مشاركة
طبعا اعضاء مشاركتهم كانت 200 بقت 600 فى يومين

2- الفئة العمرية لاتقل عن 18 سنة
يعنى محدش يكون 14 سنة ويعمل عضوية جديدة ويكتب 21 سنة :p

3- يجيد التعامل الحسن مع الاعضاء
مش زاى ادهم صبرى رخم ورزل

4- الا يكون مشرف فى منتديات منافسة اخري لمنتدانا
وطبعا الواحد موجود فى كل المنتدايات بصفة أدارية او شرفية يعنى هتعرف اذا كان ماسك ولا لأ

5- الامانة فى التعامل مع القسم المختص لكل مشرف وعدم الانحياز لاى مصالح شخصية
يعنى يكون القسم اسموا سيرفر البس مش جاست دريم خنقونا العالم دى بجد
6- يجيد اسلوب جيد فى كتابة المشاركات والمواضيع ولا تحتوي على نوع من انواع ال SPam
يعنى ردود ذكية و دبلوماسية يعرف يكسب بيها الأعضاء

7- الالتزام بالتواجد الدائم فى المنتدي واى تأخير فى الدخول او تقصير بدون اى سبب او عذر سوف يتم عزلة من الاشراف
طبعا مش على مصلحة جسدك وصحتك

8- من يجيد ويجد نفسة مناسب للشروط السابقة يتفضل بكتابة بياناتة فى الموضوع

1- الاسم
2- السن
3- سبب اختيارك لقسم البس بالتحديد و اهداف التطوير

طبعا انا و اخويا خالد اتكلمنا وطلبت منوا ان سيرفر البس يكون خارج موضوع الترشيحات بحيث الأعضاء هما اللى يختاروا المشرف

وكمان بقول اللى عايز يرشح نفسوا يتفضل والموضوع هيكون بحيادية

وعلشان نطمن الناس جميع اعضاء جيلد جاست دريم مستبعدين من الترشيح بحيث ميكنش فى اى عامل خارجى

يعنى الحزب الوطنى الحاكم مش داخل الانتخابات :D

المهم اللى رشح نفسوا حتى الان

اخونا asfora99 دة فى الموضوع الرئيسى طبعا

غير عضويين كمان مش هنتكلم عليهم دلوقتى لأنهم بقى فى تعداد البلاك لست :(

بس بعد الترشيحات علشان يبطلوا يعملوا فيهم شخصية بنت ويكلم خالد وطبعا حظوا ان خالد ملهوش فى الحوارات دى نهائىىىىىىىى وراجل عملى جدا جدا والتانى ينتحل شخصيتى وعامل أميل باسم ادهم وطبعا عرف نفسوا

طبعا عصفورة انسان محترم وعضو مميز ولا جدال علية واللى شايف انة جدير بالمنافسة وفية الشروط الموضوعة يتفضل يدخل فى منافسة شريفة

وبعد انتهاء الترشيحات وتقديم الأسماء هنتبدى نعمل تصويت وكل واحد يدخل يكتب اختار مين و كلنا هنعد الأصوات والأكثر هيتم اختيارة بالاجماع

طبعا التسجيل مقفول فى المنتدى علشان محدش يروح يعمل عضويات ويزود اصوات عضو معين ;)

وحتى الأن مفيش غير عصفورة حسب كلام أخويا خالد ليا فى رسالة خاصة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اما العضو اللى انتحل شخصيتى وكلم خالد على الياهو لأن اميلى على الهوت ميل من المستحيل تقليدوا لانة اميل رسمى لشركة فحب يلعب على الياهو طبعا خانوا ذكائة وللاسف حب يطلع ذكى على خالد بس طبعا خالد كشفوا من اول ما عمل الأضافة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اه ملحوظة نفس العضو عمل شخصية بنت يمكن كان طموحوا سورى يطلع بنت وربنا مأردش

طبعا دى محدثتوا هو وخالد وطبعا هنسيبوا فى المنتدى برحتوا خالص لان متعة القط فى اصطياد الفار واللعب معة وليس التهامة بشكل مباشر

بس هو كدة كدة موقوف موقوف لأسباب عديدة جدا غير انة حب يضحك على صاحب الموقع وانتحال شخصية ادهم صبرى و انتحال شخصية بنت لغرض التأثير على خالد غير سرقة اكونتات من سيبر ميدو وللأسف اكونتات اصحابوا وسبحان الله اضحك علية فيهم واتخدوا منوا ( كما تدين تدان )


ادهم اللى الناس بتقول علية وحش عيبوا الوحيد انة مش بيعمل صداقات والسبب ان سنى 30 سنة وللاسف اللى بيحب يتعرف مش بيكون عدى ال 20 سنة ويمكن 15 سنة

عيبى انى عصبى جاف فى معملتى بتعامل بعنف مع اى مشكلة

بس بقولكم ادهم مش ملاك دة بشر والبشر بيخطئ والكمال لله تعالى

فى الأول والأخر انا قولت عيوبى واكيد فى عيوب اخرى مشفهاش ابدا غير اللى بيتعامل معايا يقدر يحددها وفى ناس قربت منى وعرفت مين هو ادهم

هنبتدى صفحة جديدة يا رجالة السيرفر

وهنعمل الترشيحات و الفائز بأذن الله و كلوا قال على بركة الله هيتعين والكل يكون مرضى وفى نفس اليوم هيكون نازل مشرف على السيرفر

واى حد هيشك ان الأنتخابات فيها شئ غلط يقول بدون حرج ويهتم الغائها ومستعد اعدها الف مرة مدام فى الأخر هتختاروا انسان يمثلكم على اقتناع

اتفقنا يا رجالة الشروط موضوعة عندكم والله التوفيق

وعصفورة أول المرشحين وربنا يوفق الكل

معاكم ومتابع الموضوع لاغيت ما نعمل حصر للأسماء وتقولوا نبتدى التصويت يعنى بنفسكم هديروا الأنتخابات

دمتم جميعا فى امان الله تعالى

للسلام عليكم ورحمة الله وبركاتة


لى عودة للمتابعة