حلم المصريين & Egyptians Dream

[DarK_AnGeL]

الموضوع عبارة عن مناقشة
كل الناس تتكلم فيها براحتها وتقول رأيها بكل صراحة
واكيد بدون اى كلام مش كويس

المهم نرجع لاسم الموضوع ,,, حلم المصريين ,,,

حد عارف ايه هوا ، اكيد كنا زمان واحنا نوبز لفل قليل
نقول ياااااااه لو كل المصريين اتجمعوا فى يونيون واحد ، والكبير ساعد الصغير والحوارات دى
دلوقتى كبرنا ولفلنا وكل ما شاء الله يعنى بقى ..... هممم بيقولوا عليه ايه ... اه جامد

الأول هنبدأ الموضوع بكام سؤال كدة ، علشان الناس تتكلم على أساسهم ؟

من وجهة نظرى الشخصية طبعا وانا مسئول عن كل كلمة اقولها !!


السؤال الأول : احنا قليلين فى السيرفر ؟

الجواب : أكيييد لا طبعا :D ، احنا كتير جدا زى الرز وجامدين جدا جدا وناس بدات تفهم الجيم وبقى ليه خبرة جامدة
واكبر دليل ان الفورتريس اخدها 3 جيلدات بس واتنين منم مصريين والتالت تركى اخده وفضلت معاه شهر واحد
انما المصريين فضلت معاهم كتير وحاليا معاهم

السؤال التانى : الألمان أو الأتراك أحسن مننا ؟

الجواب : أكيد لا طبعا احنا اقوى منهم واحسن منهم هما بس منظمين شوية وعارفين راسهم من رجليهم ومفيش حد بينطط على حد زى ما احنا بنعمل وبيقفوا مع بعض فى الكبيرة والصغيرة

السؤال التالت : هما احسن مننا فى حاجة ؟ ايه هيا ؟!!!

الاتراك : برغم ذكائهم المتناهى وقوة ملاحظاتهم القوية وعبقريتهم الشديدة قدروا انهم يجمعوا نفسهم فى يونيون واحد مع بعض يتكلموا تركى براحتهم ، وكلهم ايد واحدة

الألمان : نفس النظام عاملين يوينون مع نفسهم وبيتكلموا دلوقت كأن السيرفر بقى بتاعهم ومحدش قادرهم وهما التوب والكلام ده

المصريين : حبايب قلبى الفراعنة ، اللى بنوا الأهرامات ، هيههيهيهييه عاملين ايه فى السيرفر :

1- يشتموا فى بعض .... اقل واجب
2- بغيروا من بعض .. ياااه مووت :eek:
3- بينططوا على بعض . خبرة فى الحوار ده
4- بيسرقوا بعض ... دا الطبيعى ;)
5- ممكن يكون ليهم قائد واحد .. اكيد لا طبعا انت بتتكلم فى ايه
6- ممكن يتجمعوا فى يونيون واحد .. ينفع توم وجيرى يعيشوا فى بيت واحد
7- بيعايروا بعض ... تخصصهم اوعى وشك محدش يقدر ينافسهم فى الحوار ده
8- ممكن يتفقوا مع بعض ... استحاااااااااااالة
9- طيب نعمل يونيون مع بعض طيب .... معتقدش كله هيطمع انو يكون الماستر والكل فى الكل
10- موقفنا فى السيرفر دلوقتى .... هممم موقفنا مش لذيذ خالص شوية هنا وشوية هنا وشوية مش هنا :(
ومن كتر شتيمتنا فى بعض والفضايح والمهازل الى بنعملها معتش حد بيثق فينا وكله بيقول علينا جهله ومتخلفين ونصابين وحرامية ومش بنفهم حاجة

السؤال الأخير والأهم : نعمل ايه عشان نكون أحسن من كدة؟

.................................................. .................................................. ...............
انا مش عارف

انا بتكلم بصفة عامة ومش اقصد شخص بعينه ، بس اكيد الناس اللى عايشة فى السيرفر عارفين انا اصدى ايه ومين
وبعدين انا بتكلم هنا كأنى مشرف او عضو المنتدى مش دارك العضو فى NightHawk


مستنى آرائكم واقتراحاتكم كمان
كلمونى على 0666666666 :p