من إنهاردة مافيش سبام..من انهاردة مافيش شات في اي موضوع ...

[™Kamatcho™]

يا يتقرأ ويتعمل بيه يانقفل القسم احسن

الى هيطلع يعمل مشاركة سبام في اي موضوع مشاركة السبام هتتحذف
الى هيعمل موضوع ويطلب تثبيته لازم يكون متجدد وأكتيف يعنى فيه ردود ياما ويستحق التثبيت فعلا

الى هيطلع يعمل شغب وهيصة يطلع برا المنتدى مالوش غير كدا..

الى هيوقع بين عضو والتاني مالوش غير الطرد..

الى هيشتكي من الحذف والغلق يلتزم بالقوانين دي احسن ...

كل الى طالع بسم الله ماشاء الله
Say Gratz To Me
باركووووولي

مواضيع هايفة مالهاااااااااش اي قيمة

ثم ان انت وهو عارفين ان القسم دا قسم جايلدات وسيرفرات
يعنى ايه ياعمو؟..يعنى خاص بالسيرفرات والجيلدات واخبارها
مش خاص ان كل واحد يطلع يعمل شغب ومشاكل ويقول باركولي ومش باركولي

وأقسم بالله العظيم القوانين ادامكم ... في الموضوع المثبت وهقتبسهالكم كمان
عشان تبقى واضحة زي الشمس .. .. ....

القوانين معدلة بتاريخ : 11/5/2009

بسم الله الرحمن الرحيم..
حتى لا تحدث مشاكل بين الاعضاء تم وضع القوانين الآتية..:-

1-يمنع كتابة اي موضوع لإستغلال فرص المساعدات من اعضاء المنتدى (حذف)
2-يمنع كتابة اي موضوع يسئ لأي عضو بالمنتدى (حذف-طرد)
3-يمنع كتابة بلغة الفرانكو عرب ( حذف - انذار )
4-يمنع وضع مواضيع البيع والشراء فى القسم ( نقل - حذف )
5-يمنع منعاً باتاً وضع اي مواضيع تخص البرامج فى القسم (حذف-نقل)
6-يمنع وضع مواضيع تخص احتياج الجولد والمساعدات...هناك موضوع تم عمله من قبل(ي) يرجي وضع الردود به ( حذف )
7-يمنع منعاً باتاً كتابة مواضيع خاصة بـ(الإبتزاز) بين اعضاء المنتدى (طرد بدون مناقشة )
8-يمنع منعاً باااتاً وضع مواضيع تخص بيع الجولد او الايتمز (او الشراء ) (حذف نهائي)
9- ( قانون عام ) يمنع كتابة اي موضوع يسئ للدين الاسلامي (طرد بلا رجعه)

(تم وضع هذه القوانين لحماية الاعضاء ونظام القسم ..ليس إلآ)

مافيش عليا اي لوم اما احذف مشاركة حد ولا اغلق موضوعه ...

من انهاردة اي موضوع مخالف مش هيتحذف....هيتم اقتباس القوانين ووضعها جواه ويغلق ويمنح مهلة 3 ايام بعدها كالعادة ياسعادة (حذف)

ومن دلوقتي كمان اي موضوع فيه فرانكو او سبام هيتم حذف المشاركات المخالفة منه وتنظيفه تنظيف تام (التايد مافيش اكتر منه اليومين دول هو والبرسيل)

من انهاردة الى هيقول كلام عن المشرف انه بيحامي لصحابه وكمان مش مهتم بالقسم .. الدليل ادامك اهو يا حضرة العضو..زيك زي غيرك قوانين راسية عليك راسية عليا وصدقني مش انا الى حاططها دا مؤسس المنتدى يعنى مش انا الى هطردك ولو انطردت مافيش عليا لوم

من انهاردة اي عضو مخالف في القسم هيتم التبليغ عنه في قسم المشرفين وهناك عندكم احلى ناس بتطرد احلى طرد يعنى من بقك لباب المنتدى وانت طالع كدا..

وعشان نكسر القاعدة لو دخلتوا موضوع القوانين هتلاقوا كام مشاركة سبام..مش هحذفهم عشان تشوفوا السبام بيبقى ازاي وتحدوا منه اشد الحد والحذر...

من انهاردة الى هيطلع يكتب موضوع ويقول دا سرقني ودا عملني موضوع دا هيتحذف اصلا مش هيتغلق
ليييييييه؟

عندك موضوع فوق اسمه قائمة السكامرز

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

من انهاردة كمان مافيش واحد هيطلع يتهم حد انه سرقه في الموضوع دا من غير اي دليل..انسى ياتجيب دليل يا الا الواد دا يكون معروف انه سكامر فعلا ومشهور على اعلى مستوى..

حاجة كمان...الى هيكتب موضوع عن مساعدة او جولد او بيع اكونت هيتحذف الموضوع دون غلق عشان عندك موضوع تاني اسمه جمعية التكافل... وحرصاً على راحة سعادة سعادتك اللينك اهو ..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السبام القديم مش هيتحذف ... عشان مانظلمش حد ماكنش فيه قانون مانع السبام ساعتها لكن القانون صدر من دلوقتي بتاريخ 30/6/2009 والقوانين معدلة بتاريخ الشهر الى فات وهي هي لحد دلوقتي ....

تم ..