يآ جمآعه بليز مينفعش كدة .. دى مش طريقة !

[P.HaCkEr]

السلام عليكم فى البداية ..

معلش يا جماعة على أسم التوبيك بس انا بصراحة زهقت من الطريقة دى ..

دلوقتى انا الحمد لله بقيت اشوف مصريين كتير جدا ف اللعبة ويمكن بقابلهم اكتر من الاجانب ..
انا بعمل حاليا فارم ف الاونج للأكونت الجديد بتاعى .. ومعايا واحد صاحبى واحيانا كمان واحد صاحبى
هما Lord_Egy وكمان واحد احنبى ويزارد ليفل 73 ..

بيدخل البارتى 5 اكونت فارم واحيانا 4 .. يعنى يعتبر البارتى مليان وكمان عليه ضغط جامد جدا ..
وكمان مش بعرف ادخل ليفيلات قليله الا لما حد من صحابى دول يكون مش موجود ..

اكتر المصريين يشوفونى ف البارتى ماتش ومحتاج واحد ليفل قليل يدخل البارتى لان مش معقول هعمل فارم ل 6 اكونت يا جماعة حرام ..

انا كنت دايما بعمل الليمت ف البارتى ماتش لحد 10 .. لما لقيت مصريين كتير بيكلمونى عملته لحد 14 و 15 كمان ..
الاقى ناس بتعمل فارم وبتقولى خدنى معاك فارم .. طيب ازاى والنبى
اول لما اقولهم يا جماعة وافهمهم انى مش لوحدى وان احيانا بيبقى فيه 3 بوتات و ال 5 اكونت فارم ف البارتى ..
حاجة من الاتنين يا اما مش يصدقوا
او تلاقية بيقولى ونعم المصرييين فعلا .. ونعم الجدعنة ..

طيب اطرد الاكونت بتاعى يعنى علشان ادخلك واعملك فارم كمان ؟؟
دة حتى صحابى اللى هما صحابى ومش من الجيم حسيت انهم زعلوا منى ..

دة كله علشان كل واحد بيفكر ف نفسة وبيفكر ازاى يعمل فارم لنفسه وازاى يعلى الاكونت بتاعه
مش بيشوف اية ظروف اللى قدامه واية اللى هو بيعمله
كل اللى يهمه انه يلاقى تاكسى يلفله ولما يلاقى ويلاقى الرد سلبى
بدون تفكير ف ظروف اللى قدامة او كلامه تلاقية بيرد رد سلبى بردو
يقولك شكرا ياعم مش عايز حاجة او يرد بتريقة او استهتار او اى كلام من دة

انا بصراحة زهقت من كدة
انا كل اللى بقدر عليه مع اى واحد مصرى بعمله
انا مستعد ادخلكم اكتر من 20 واحد معرفهمش اصلا ف اللعبة
اعرف انهم مصريين وتقريبا ناسى اساميهم كمان ويقولولكم ويقولوا للناس اللى مفكرانى مش عايزهم معايا دول انا اية معاهم
انا ولا صاحبهم ولا ليا بيهم اى صله وبيدخلوا معايا تاكسى فيه وفيه منهم بدخله فارم لما يكونوا صحابى مش موجودين وانا لوحدى .. واللى بقدر عليه بعمله والله

ليه بقى الناس ردودها سلبية بالمنظر دة ..
ليه كل واحد بيفكر ف نفسه وبس ومش بيقدر اللى قدامة ..
طيب انا مش مشترى تيكتات لحد دلوقتى ..

تفتكر ممكن ابقى اطلع بقى اليوزر بتاعى وادخلهم واضيع التيكت مثلا او اى حاجة زى كدة
انا على استعداد ملعبش الجيم دة تانى طالما هيخلينى اخسر الناس بالشكل دة .

واللى بيطلب منى جولد واقوله انا محتاجة يقولى اوك خلاص سورى شكرا بكل تريقة على اساس انى بعز عليه الجولد

قدام الكل انا بقول انى معايا جولد ومعايا كتير لكن فعلا محتاجة انا كان معايا 600 مليون
دلوقتى 400 مليون ..

اقسم بالله ال 200 مليون دول ضاعوا ف يوم واحد وبدون تفاصيل
لان كله وكل صحابى عارفين انى بلبس فل سوس وكل ايتماتى جامدة وانا بحب كدة وبعملها بنفسى وكمان محتاج انى ازود الجولد دة مش انقص منه ..

واللى يضايقنى اكتر ان مرة واحد صاحبى طلب منى جولد وقولتله حاضر هبيع كام حاجة من معايا وهديك .. لانه كان اتسرق ومش معاه ولا 200ك على بعض ..

بالصدفة واقف ببيع ف الاستيل بتاعى سلاح فل بلو +4 ليفل 64 تقريبا وكنت حاطة ب 20 مليون تقريبا
بالصدفة من النيت ورك ستيل لقيته اشتراه ..

يعنى بيطلب منى جولد وهو معاه وانا كنت ناوى اديله وقتها لانى مكنتش ف حاجة للجولد ف الوقت دة ..
وال اية كان هيزعل منى علشان قولتله استنى بس يوم على ما ابيع شويه ايتمات من معايا ..

طيب ليه كدة يعنى
انا ولا بعز حاجة على حد ولا بتأخر على حد ف حاجة
مش معنى انى بكلم حد بصراحة وعلشان حاجة انا حططها ف دماغى وعايز اوصلها وبقوله مش ينفع تدخل بارتى او مش ينفع اديك جولد حالا علشان محتاجهم وعلشان عايز اجمع اكبر كمية سكيلز يزعل منى ويقولى كلام مش يرضينى يعنى
انا بشترى ف اليوم اكتر من 15 مليون MP و HP
يعنى على اخر الفارم دة مش هيتبقى معايا اكتر من 50 مليون

وواحد تانى بردو كنت بعمل لصحابى P.LVL فى السونار وكان معايا 3 صحابى رايحلهم مخصوص
لقيت واحد بيكلمنى مصرى .. انا اعرفه بس مش اوى يعنى
بيقولى تعالى لفلنى ف الاونج
قولتله سورى يابرنس معايا صحابى بلفلهم ف السونار
بيقولى اية بقى ياعم تعالى الاونج بس ولفلنى وزى سيبكم منهم كدة يعنى ..
يعنى كل واحد بيفكر ف نفسة ودة اللى يهمه

ياريت يا جماعة كله يقدر اللى قدامة ويحافظ على ردودة حتى لو كان مضايق يبقى يحكم نفسه
ومش يحسس اللى قدامه بأنه راجل مش تمام او مش جدع

واكيد اى واحد فيكم كان بيعمل فارم مر بكلام زى دة ولو موقف واحد وعارف هو بيضايق قد اية
لان كل انسان عارف اية هو من جواه واكيد بيزعل لما حد يوجه له كلمة مش من صفاته ولا من تعاملاته من الناس ..

انا حبيت اطلع اللى جوايا قدامكم وعلشان اعرف هو انا لما بكلم حد بصراحة دى حاجة تزعل
وهو انا كدة رخم ومش بساعد حد وغلطان ؟؟

سورى طولت عليكم ..
باى