الرد على الاسئله الشائعه و الكل يشترك معانا فى حمله فيد واستفيد

[EYES1985]

بسم الله الرحمن الرحيم

يا جماعه انا لاحظت انى فى ناس كتير بتسئل عن البوت وكل واحد عنده سؤال بيعمل موضوع مستقل عشان كده انا قررت انى اعمل موضوع انشاء الله من خلاله اقدر ارد على جميع الاسئله
قبل ما ابداء على الرد على اى سؤال ياريت تشوف شرح البوت فى هذا المنتدى من خلال هذا الرابط

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

و بعد ما تشوف الشرح لو عندك اى سؤال انا تحت امرك مع ملاحظه انت تكون الاسئله بالغه العربيه او اللغه الانجليزيه وسوف اتجاهل اى سؤال بالفرانكو عرب



*******أولا الاسئله الشائعه ******


س/ البوت ده فيه هاك وممكن اتسرق بسببه ؟

ج/ البوت ده فيه تورجان ولكن مفهوش الكى لوجر او اى فيرس متخصص فى سرقه الاميل او الباص و لكن التورجن الى عليه زيه زى اى تورجن موجود على اى بوت مثل ( Stealthexbot-AGbot)
يعنى هو فيه تورجانات وانا لا انكر هذا لكن مش تورجن ضار التورجن الى فيه بيخترق اللعبه زى برنامج سيرفرليست لما بيخترق موقع rev6


س/البوت ديه بيجيب بلوك ؟

ج/ بالنسبه لموقع وتعلمات شركه جوى ماكس فالمفروض انى اى بوت بيجيب بلوك سواء بفلوس او مجانى بس احنا سيبنها على الله اشحن سيلك وخليها على الله وعلى فكره البوت ده يعتبر من امن البوتات عشان انك بتدخل من اللعبه نفسها وبتعدى على silkroad game garde وديه الى بتظهر اول لما تدخل بعكس اى بوت تانى لازم يكون بالودر عشان الجارد بتاع الجيم هيمنعه انه يدخل بيبوت


س/طيب انا البوت عندى مش شغال ياريس حتى لما ادوس على زرار end الى فى الكى بورد عشان البوت يظهر برده مش بيظهر ولاه كائنى مشغله اصلا ؟؟؟؟؟

ج/ اكيد انت عندك انتىفيرس avg لو عندك avg امسحه ونزل انتى فيرس Avira و بعد كده امسح البوت الى عندك ونزله من جديد وخش البوت البوت هيظهر معاك جوه اللعبه ......
طيب انت عاوز تعرف ايه السبب انك تغير avg اوكى انا هقؤلك انت لما تشغل البوت وتدوس على كلمه استارت بتاعه اللعبه لازم تستنى شويه عشان تجيلك صفحه اسمه log in الصفحه ديه ملهاش لزمه انت بعد كده بتقفلها وبتكتب الاميل والباص وبتدخل عادى avg بيمسك الصفحه ديه وبيعتبرها فيرس عشان كده الى عنده انتى فيرس ايه فى جى الصفحه ديه مش بتظهر عنده واللعبه بتشتغل عادى وهو طبعا يدخل اللعبه بس بعد كده بيكتشف انى مفيش بوت وليه تنزل نسخه جديده عشان الانتى فيرس ايه فى جى بيكون بالفعل مسح الملف ده من جو فولدر البوت وبدون الملف ده البوت ميشتغلش جوه اللعبه




س/معلش لو سمحت انا عاوز ادخل بتنين اكونت و الاثنين يكونو بوت واحد يكون مبوت فى الكهف القديم و واحد يكون مبوت فى الكهف الجديد ينفع ؟

ج/ ان شاء الله ينفع انا هؤلك على طريقه سهله ومش معقده لو عملتها ممكن تفتح 5 اكونات وكلوهم بوتات فى نفس الوقت وعن طريف برنامج بوت واحد ونسخه واحده فقط من اللعبه اتبع الخطواط ديه

اولا نزل اللودر الجديد الى يدعم اخر ابديت للعبه وطبعا يكون اللودر الكبسوله جوه ملف العبه

ثانيا فى ملف جوه فولدر اللعبه اسمه silkroadonline luncher الى هو لما بتدوس عليه اللعبه بتتفتح شايف الملف ده غير اسمه على سبيبل المثال سميه sun

ثالثا ارجع تانى للودر الى فى اللعبه وسميه silkroad
وبعد كده يا معلم افتح البوت مره واتين وتلاته مش هيقؤلك لا ^^



س/طيب انا عندى مشكله البوت كل شويه بيهنج معايا انا اعمل ايه انا بجد اتخنقئت ؟

ج/ بص ياصحبى البوت ممكن يكون بطيىء بسبب حاجت كتير على سبيل المثال نك يكون عندك فيروسات كتير عشان كده انا انصحك انك تنزل انتى فيرس avira وتعمل ابديت وتعمل اسكان هو هيطلع التورجنات الى اغلبها مش هيكون فى الوندوز الى انت كل شويه عمال تنزل واحد جديد لا التورجنات مصدرها هيكون فى البرامج الى على جهازك / وممكن يكون بطيىء بسبب الوندوز وعموما البوت بيشتغل سريع مع وندوز xp -sp2و يارت تفكك من الكرستاله والشمعدانه ده كل سيمزات /وممكن يكون بسبب اعدادات كارت الشاشه والرمات بتاعه جهازك / هتقؤلى انا عندى احسن جهاز فى العالم هقؤلك طيب ممكن بسبب الفير وال بتاع الوندوز او بتاع الانتى فيرس الى بتستخدمه وعشان كده انا على طول بنصح ب انتى فيرس خفيف مثل avira وعلى فكره لو انت فاكر انى افيرا برنامج هلس عشان كده مش بيمسك الفيروسات طبعا ده كلام مش صحيح فيرا تانى احسن نسبيه تحميل ومبيعات فى العالم الان بعد برنامج avg ولو مش مصدق ادخل موقع عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وانت هتشوف بنفسك




س/ طيب معلش سؤال تانى انا عارف انى برخم انا عندى مشكله فى ام الشات مش عارف اتكلم الكلام مش بيظهر انا بكون زى الاخرس فى الزفه اعمل ايه ؟

ج/لا حول ولاه قوه الله يابنى يا حبيبى انت عندك حاجه من الاتنين اما الوندوز عندك شبه ضارب اما حضرتك منزل خمسين نوع جافا على الجهاز ويعملو كلهم كونفلكت مع بعضهم وطبعا اكيد انت مسطب الجافا الجيوانه الى اسمها jer والى على شكل فنجان او شعلها المهم ديه جافا حيوانه كبيره وكانت بتهنجلى ام الشات من ايم ما كنت بلعب بليردو على الياهو فى جا فات تانيه اخف بكتير و افضل مليون مره بص ياصحبى انت شيل امها خالص من على الجهاز ومتنزلش اى جافا احسن ولو مفيش فايده معلش انا اسف سطب نسخه جديده ومتنزلش برضه الجافا الحيوانه ديه ولو انت مكنتش مسطبها و عندك نفس المشكله يبقى بخر الجهاز وربنا يصبرك عشان انا بصراحه معندش فكره انا حصلت معايا بسبب الحيوانه الى اسمها jer ديه جافا بنت *******




اسئله انا معرفش اجبتها وياريت الى يعرف ميبخلش علينا


س/ فى اسكيلات جديده ظهرت بعد لفل 90 بس البوت لا يدعمها

ج الله اعلم لازم نستنى لحد ما البوت ينزلها بعد اى ابدي


س/ازاى اخلى البوت يستخدم زجاجات السرعه لوحده وازاى يشتريها ؟

ج/ الله اعلم لازم نستنى لحد لما يدعموا الخاصيه ديه





اخر حاجه يا جماعه انا هرد على جميع الاسئله بس هتجاهل الاسئله الى اجبتها موجوده فى الموضوع بتاع شرح البوت بالصور الى انا كتبت الينك بتاعه فوق فى اول الموضوع وزى ما قؤلت انا هتجاهل اى سؤال باللغه الفرانكو عرب اتكلم عربى ولو انت مثقف كلمنى انجليزى وانا ارد عليك ...


ارجو ان يكون هذا الموضوع الغرض منه ان الكل يتسفيد بطريقه منظمه و متحضره وان كل يستفيد ويفيد يعنى لو فى حد من الاعضاء قراء سؤال و هو عارف الاجابه يرد عليه يمكن تكون انت اجبتك احسن منى يمكن انت تشرحها بطريق مبسطه اكتر منى ياريت الكل يشارك فى الرد مش انا لوحدى عشان نقدر كلنا نفيد بعضنا وانا هستنى الاسئله