يوميآت Noob .. أحكى حكآيتك .. EOS

[P.HaCkEr]

الموضوع دة شوفته ف منتدى تانى لسيلكرود بدون ذكر اسمه ..
كفاية انى اذكر اسم كاتب الموضوع للأمانه : Tbot
انا اخذت فكرة الموضوع مش أكتر ..

عايزين كل واحد يحكيلنا ازاى دخل الجيم ..
واكيد لما دخل مكنش فاهم حاجة واى بتنجان ف البطاطس :D
بيدوس هنا وهنا
وفيه اللى عملوا 500 اكونت وبوظوهم لحد لما استقروا ودخلوا بيت العدل :D
كدة يعنى
مواقف غبية كتير واحنا لسة بنبدأ :D
عايزينكم تضحكونا معاكم بقى وانا هبدأ ..

حد عنده طوله بال يقرى ؟!

بسم الله توكلنا على الله :D

الاول انا عرفت اللعبة عن طريق واحدة صحبتى
عرفت اللعبة مجرد اسم لكن بتتلعب ازاى ؟ شكلها اية ؟ اى حاجة زى دى لاء
نزلت اللعبة من على النت وشغلتها وعملت اكونت ودخلت اول حاجة على سيرفر Rome
دخلته مرة واحدة وبعدين معرفتش ادخله تانى لحد ما اتخنقت وقررت امسح اللعبة :d
كان تقريبا لسة سيرفر Eos مفتوح بقاله فترة صغيرة جدا .. دخلته وانا مش عارف دخلته ازاى اصلا
تقريبا كانت صدفة او فتحت الليست وكان السيرفر الوحيد اللى مش زحمة روحت داخله ..

اول ما دخلت مكنتش بشوف اى مخلوق مصرى ف اللعبة :D
كنت يوم ما الاقى واحد مصرى اغنيله النشيد الوطنى ههههههههههههههههه

المهم بدأت زى أى واحد دخل سيلك رود او اقل كمان
معرفش اى حاجة ف اى حاجة ولا كنت اعرف اى منتدى للعبة وقررت اتعلم لوحدى
وعينك ما تشوف الا النور

اول شخصية بأسم XGeNiUsX
لعبت بيها جليف ولابس معاه Armor :D
والديجرى اللى بعده اقلع اللبس كله والبس Protector :d
كنت بنقى اللبس الشياكة
شوية العب Glaive وشوية العب Spear :D
اكتشفت موضوع الاسكيلز دة بعد ما لعبت شوية وطبعا بدأت اعمل ليفل اب
مسبتش اى جروب او بف الا لما زودتها
ف سكيلات البو والبليد والجليف وكل حاجة :D
وعمال اجرب وطبعا نصهم مش بيضرب وانا فرحان بأشكالهم تحت ف الارقام بتاع الاختصارات :D

جيت وانا بشترى الاكسيسورى بتاع الديجرى الجديد ..
لقيت الكاب بتاع ال PVP
وانا اصلا معرفش اية ال PVP دة
روحت اشتريتها بعد تفكير عميق
كانت غالية اوى 500 جولد

لبستها وكان شكلها شيك
اركب الحصان .. اخرج من الباب واحد يضربنى انا والحصان نموت
ليه معرفش :D

لحد بعد اسبوع ما اكتشفت انها بتاع ال PVP :D
وشكرا

طبعا كنت فرحان بنفسى وكل ما البس لبس جديد اعمله برنت :D
ولما جمعت 100 الف جولد يا سلاااااااااام
برنتات وكلام بقى وايه :D

بعدين بدأت اشوف ناس تانية بتلعب بقى
الويزرد والنيوكر

وانا هموت واضرب زى الويزرد وانا مش فاهم هو اية
انا من الاول مش فاهم اية الفرق بين الاوربى والصينى اساسا :D
دخلت هنا ودة اول منتدى دخلت فيه وفيه ليا هنا مواضيع تدل على انى كنت نوب فعلا :d
بس الكلام بالعقل يعنى بسئل بأستفسار مش عبيط زى ناس :P

هموت واضرب زيهم مش عارف :D
ولما واحد صاحبى عمل ميردر يا سلام ولا كنت فاهم اية دة ولا هو كمان
لاننا لعبنا مع بعض ومكناش فاهمين حاجة
ومرة هو سافر دونهانج ومعرفش يرجع وتاه يا عينى
وراح عامل شخصية جديدة هههههههههههههههههههههه علشان معرفش يرجع جانجان تانى :D

وصلت ليفل 24 وبدأت افهم انى غلط وان اليوزر مهيبر وانى المفروض اعمل اكونت جديد
ف نفس الوقت اتصاحبت على صاحبى الانيخ ف الجيم KING_EGY
اجدع واحد بصراحة عرفتة ولعبت معاه ف الجيم ولو بطل يلعب انا عن نفسى مش هلعب تانى

عملت معاه الاكونت وهو كان فاهم الجيم وبدأ يفهمنى حاجات انا مكنتش فاهمها عملت فارم صغير مش فل فارم وبدأ اعلى الاكونت الجديد اللى كان اسمة HaCk6r
لحد ما وصل ليفل 50 ماكس سكيلز واتبقى معاه 60 الف سكيلز تقريبا
وطبعا عرفت انهم مش هيكفوا واتخنقت بعيد عنك من الجليف ووقتها كنت عملت اول جيلد ليا
PuNiSh3rz
وكان اول جيلد يحط علم مصر قبل أى جيلد ف الجيم عن تأكيد يعنى :$
لانى عملت الجيلد دة وكنت بشوف المصريين بالعافية اصلا ف اللعبة ..

عملت اكونت جديد ويزارد وكنت بفرمة وانا مخنوق من اللعبة علشان الامتحانات وكلام من دة واتأخر أوى وطبعا اتخنقت منه ف الاخر بعد حوالى 200 الف سكيلز وفكيت الفارم وقررت اوصله ليفل 72 واعمل فارم ليوزر جديد .. وهيبقى فارم جامد ان شاء الله ..

دلوقتى انا بظبط الاكونت دة والحمد لله بقيت كويس ف اللعبة
انتقلت لمرحله حلوة ف وقت قصير :d
ظبطت نفسى صح وجهزت الايتم بتاعتى وكله تمام
لبسى ديجرى 6 و 7 فل بلو +4 +3 Full Sos Set
جارى البحث عن ديجرى 8 Full Sos :d
اسلحه كلها سوس لحد ديجرى 8 ومن بعدة كله Full Blue
كل الاسكرولات بكمية كافية علشان هتنفع بعدين
بحاول افهم اكتر واحط خطط للعب واعمل تيم جامد

دى القصة من البداية للنهاية :D
كنت نوب اخر حاجة
ودلوقتى مبقتش نوب
بس لسه مش محترف !

طولت عليكم بس انا قولت اللى ليه صبر بس اللى يقرى :D
احكى يا شهريار بقى ولا مش بتحبوا تكتبوا !

اشوفكم على خير ..
سلااام