♥°• ♫°♥ ازاى تبقى شاب رومانسى ♥°• ♫°♥

[ToxiCity]

يللا بقا اعرف ........ازاي تبقا رومانتيكي !



1-
لما تكون شريكة حياتك مسافره كده او رايحه مشوار بعيدشوية(يارب تروح المشوار البعيد اللي في دماغي) تقولها وانت بتسبل بعينك كده: حبيبتي انا قلقان عليكي من المشوار ده وعلشان كده انا جيبتلك بودي جارد يحرسك
وتبتسم ابتسامة حلوة كده وتطلّعلها دبدوب صغير من ابو 15 او 20 جنيه(وبعدين ابقا اخصمها من نفقة الطلاق)


2-
فى اي مناسبة عاطفية كده عيد الحب مثلا اشتري كام ورده حمرا بس تكون حقيقية يعني 10 او 20 كده وهات واحدة بلاستيك وحطها في النص وكارت صغير من المكتبة اللى على اول شارعكم واكتب: هافضل احبك لحد ما الورد ده يدبل(بس يارب تفهم)


3-
طبعا اكتر الطرق لاسعاد حبيبتك لو بتشتغل ابعتلها في مقر شغلها باقة ورد كده جميلة وكلمتين حلوين برضه في كارت
اكيد طبعا في الشغل بقى زمايلها هيقولوا شوفتوا الحب يا ولاد وتعليقات حلوه كده هتخليها تحبك اكتر(ويمكن السر الالهي يطلع من كتر الفرح ويبقا قضاء وقدر)



4-
لو حبيبتك عندها قطه صغيره بتحبها(هما بيحبوا الحاجات الهايفه دي) وكل ما تيجي تقولها كلمتين حب تقولك اسكت ده القطه بتاعتي عملت كذا النهارده يبقى انت في عيد ميلادها وانت جايبلها هدية هات للقطه الغلبانه ده هدية كمان وياريت يكون فار ميت ومشوي ع الفحم..


5-
طبعا معظم البنات مش بيعرفو يطبخوا
يعني احتمال كبير مراتك تكون زي الفل فى الطبيخ وتقضوها تيك اواى المهم في مرة وانت بتطلب بيتزا مثلا اطلب منهم يقطعوها على شكل قلب
احتمال تقف في زورها...

6-
يعني لو مراتك تعبت في البيت كده دور برد خفيف.. بس همه بيحبو يتدلعو .. خدلك انت اجازه من الشغل وخليك جنبها واعملها شوربة.. لو بتعرف.. وشغلها فيلم رومانسي كده وطبعا متنساش شوية عصير ليمون او برتقال(وطبعا متنساش حقك في الغدا اخرها ساعتين تعب وبعد كدا خلاص تقوم تعمل الغدا) خليك واعي ....

7-
في يوم اجازه كده هاتلك شوية بالونات من اللي بيطيروا لوحدهم دول.. فيهم غاز الهيليوم.. واربطهم في شنطة العربية من جوه طبعا واطلع انت ومراتك رحلة رومانسية كده.. يعني شوفلك مكان رومانسي هادي.. وانزلو من العربية واعمل نفسك مشغول في اي حاجة واديلها مفتاح الشنطة بتاع العربية قولها هاتي الجاكيت بتاعك ولاّ اي حاجة.. طبعا هيّ اول ما هتفتح البالونات هتطلع على طول وياسلام لو كنت رابط كارت كبير(قالب طوب يعني) شوية كده مكتوب عليه بحبك

وفي النهايه ...

ربنا يستر علينا ...مش عارف قلبي مقبوض ليه ...!!!