الشتيمة

[_Nabil_]

بسم الله الرحمن الرحيم

السلام عليكم ورحمة الله وبركاته

انا عضو جديد فى المنتدى وممكن ميكونش فى كتير سمع عنى لكن انا فعلا حبيت المنتدى ده وده اول موضوع ليا فيه وعشان مطولش انا حدخل فى الموضوع على طول
انا يا جماعة حتكلم فى الموضوع ده عن حاجت معينة حرام ان احنا نشتمها (نسبها) ورغم ان المفروض يعنى ان الشتيمة عامة حرام إلا ان دى حاجات خاصة وانا اللى خلانى قررت انى اكتب الموضوع ده هو ان معظم الناس بيشتم الحاجات دى وهو مش حاسس وبيفتكر ان ده عادى وفعلا لما تشوفو الحاجات دى حتستغربو وانا قولت بلاش ابخل على أحلى أعضاء لأحلى منتدى بالكلام ده :)
يلا بينا نبدأ ...
طبعا فى حاجات معروفة جدا زى سب الأنبياء وسب الدين والملائكة وكده لكن الجديد (بالنسبة للى ميعرفش) :
سب الزمن : اللى هو الوقت يعنى لان طبعا كلنا بنلاحظ انى فى ناس كتير بتقول (ياه ده الوقت سريع اوى وابن كذا) وطبعا حاجات تانية كتير انتو اكيد عارفينها .
سب الرياح : زى ما فى ناس بتقول الهوا جامد اوى الهوا مش عارف ايه وبتاع ... برضو حرام .
الحاجة التانية اللى ممكن ناس كتير تستغربلها هى سب الشيطان .... ايوة سب الشيطان حرام متستغربوش .
سب الأموات : وبالمرة كده اقرا الفاتحة لأرواح اخواتك فى فلسطين .
سب الموت .
وعشان محدش يتوه انا حجمعهم كلهم :
1- سب الأنبياء. - - - - - - - - - - - - - - 2- سب الدين.
3-سب الزمن . - - - - - - - - - - - - - - 4- سب الشيطان .
5- سب الرياح . - - - - - - - - - - - - - - - 6- سب الموت .
7- سب الملائكة .
وبصراحة كده انا ممكن اكون نسيت حاجة بس انا اتمنى انى اكون افدتكم زى مانتو فعلا افادتونى ^^
واحب اختم بقول الله تعالى

أعوذ بالله من الشطان الرجيم

"ما يلفظ من قول إلا لديه رقيب عتيد"

ولو الموضوع ده عجبكو ان شاء الله حعمل موضوع تانى عن تفسير ظاهرة انك تشوف حدث معين وتحس انه حصل معاك قبل كده .

وفى الآخر أتمنى انى أكون افدتكم زى مانتو فعلا افدتونى يا أحلى أعضاء وشكرا