شرح عمل البوت بالنسبة للأى بوت (شغل برمجة)

[ahmedzizoa]

انهارده حبدا اشرح لكم ايه هو البوت من حيث اللغة البرمجية وطريقة عمله
بس الشرح حيبقى مبسط لأنى بصراحة مش عارف اوصل للبروجكت بتاع الاى بوت
فقلت نعمل بوت جديد يكون على نفس شكل الاى بوت ونسميه وليكن New Ibot S4A
بس لقيت الموضوع حياخد منى وقت اكتر من سنة شغل لوحدى
قلت استعين باعضائنا فى عمل المشروع ده
بس عشان استعين بيهم لازم يكونوا عندهم خلفية
فقلت اشرحه لهم بالبلدى وخطوة خطوة فى عمل البوت عشان نلاقى متطوعين
طبعا فى واحد سبقنى فى المنتدى وعمل شرح جميل قوى وده رابط الشرح
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


بس طبعا الشرح ده بيحدد طريقة عمل البوت انه بيحل محل الكلينت فى ارسال بيانات الى السيرفر
وكان الموضوع كله ايه هو الكود اللى انت بتبعته للسيرفر وبتحسبة ازاى بالارقام والحرف
يعنى بيعرفك لغة الحوار مع السيرفر مثال بسيط انه بعرفنا مثلا لو انت عاوز تروح عند النقطة X 133 و Y 92 بيكون الامر اللى بيروح للسيرفر من البوت بالطريقة دى 0x01001234020001855CDF066E007800
وقالك ان اهم حاجة فى الليلة دى كلها 01855CDF066E007800

طب هو كده احنا استفدنا ايه؟ اعتقد اننا حتى الان مش فاهمين ايه هى طريقة الربط ولا احنا حنعمل ايه.

من هنا بقى نبدا نقول بسم الله الرحمن الرحيم

اولا صاحب الأى بوت استعمل برنامج Autoit كبرنامج مساعد فى عملية برمجة البوت وده سهل عليه كتير فى عملية البرمجة
بس المشكلة ان شركة جوى ماكس بعد استخدامها لبرنامج هاك شيلد داخل اللعبة رخميت عليه فاضطر انه يخترع يخترع حكاية الانتى هاك شيلد اللى احنا عارفينها دلوقتى وعامله لينا مشاكل كتير


نيجى بقى لتكوين الاى بوت

برنامج اى بوت بيتكون من 5 ملفات اساسية ودى اسمها الداتا واللى هى بامتداد ديل 4 جوة اى بوت نيسيسورز وواحد بره اسمه اى بوت ديل
طب الملفات دى عبارة عن ايه؟

الاربعة اللى جوة دول عبارة عن ترجمة لأوامر اللى داخلة فى برنامج Autoit الى ارقام اللى بتروح للسيرفر وبتبقى بنظام جدول
يعنى مثلا لو دخلتم على برامج AGBot حتلاقوا ملف اسمه Data وجواه 8 ملفات
شوفوها كده !!!!

ايوه الملفات دى زى دى تقريبا بس كانت ببرنامج سيكول سيرفر وبامتداد ديل عشان محدش يعرف يعدل عليها
طب كده الاوتو اى تى Autoit بيعمل ايه؟
بياخد الاوامر اللى بتيجيله بلغة الامر مثلا
CHAR_CH_MAN_ADVENTURER","CHAR_CH_MAN_ADVENTURER",0,1,1,0,0,0
ويحوله الى 73070000 وباضافة بعض الاكواد الاساسية اللى بتبقى متبرمجة ومحفوظه جاهزة داخل البروجيكت الاساسى فى الفيجوال بيسك C++ VB ويبعتها للسيرفر

يعنى من الاخر مهمة الاوتو يوت يستقبل الامر من البروجيكت الاساسى ويترجمه ويترجمه عن طريق ملفات الداتا دى ويبعته للسيرفر والعكس ياخد الداتا من السيرفر ويترجمها ويبعتها للبروجيكت الاساسى
وطبعا الاوتو اى تى بيبقى مخفى تحت مظلة البروجكت الاساسى اللى هو VB اللى بيبقى ظاهر لنا


طيب نيجى بقى لملف الأى بوت ديل Ibot.del وده داتا زى الملفات اللى فاتت بس بترجم الاوامر اللى احنا شوفناه فى الملفات بتاعت اوتو اى تى الى اوامر فيجوال بيسك يمكن استخدامها خلال البرمجة باداة الشرط IF فى الفيجوال بيسك

طب نيجى بقى للملف الاساسى اللى هو بروجيكت (الفيجوال بيزك) وده اللى بيبقى ظاهر قدامنا ومش عارفين شغال ازاى
طبعا اللى شغال فيجوال بيسك حيبقى سهل عليه انه يعرف الباقى من غير ما اكمل او حيبدأ يلقط بسرعة
انما انا حاحاول افصل شوية على قد ما اقدر هنا
اولا لازم نكون عارفين انه فيه قاعدة اساسية وهى ان البروجيكت بيبعت امرين للأوتو اى تى وهما رقم ثابت دائما اللى بيبقى فى الاول وبيقى مثلا 0x010012340200
وده موجود فى شرح الاخ acer20006 اللى انا حاطط لكم رابطه فى اول الموضوع

والامر التانى بيبقى على حسب اللى انت معلم عليه وليكن weapon Durability


بيتكون ازاى ده فى الفيجوال بيسيك؟
ده اسمه بكون زر خانة الاخيار وبيتم التعديل عليه كالاتى
تضغط عليه مرتين داخل مشروع الفيجوال بيزيك وتيجى فى الاحداث بتاعته وتختار check changes وبعد كده بتضيف الامر البرمجى وليكن IF مثال
If Weapon Durability.text = Text2.text True Then
Gocity.text
End If
طب ايه اللى فهمناه من الامر اللى فات؟
حنفترض ان المربع اللى قصاد قوة السلاح (Weapon Durability ) اللى فيه القيمة الافتراضية صفرعاملينه فى البرنامج مثلا Text2
ده معناه لو ان الويبون درابيلتى بيساوى القيمة اللى فى المربع تكيست 2 صحيحة (True) بعد ذلك نفذ الامر التالى (Then) اذهب للمدينة Gocity
طبعا كل الوامر عملينها دوت تيكست لن دى لغة برنامج فيجوال بيسك


بعد كده نرجع تانى لملف الداتا بتاع البوت يترجم الاوامر دى لأوامر تانية تبقى معروفة لبرنامج اوتو اى تى وبعد كده يترجمها للغة الارقام اللى احنا شوفنها فى الاول زائد الرقم الثابت اللى بيبعته الفيجوال بيسك مباشرة وبعد كده يرسله للسيرفر

معلش انا تعبت يا جماعة دلوقتى نكمل بعدين