برجاء المساعده نقط حمراء بالشاشه

[kojo]

بسم الله الرحمن الرحيم

كل عام وانتم بالف صحة وخير

انا محتاج لكم اليوم ضرورى اوى اوى وانا مجتش ليكم غير بعد معاناة شديدة من البحث على حل لمشكلتى وهى :

انا هوضح لكم المشكله بالتفصيل الممل

انا بيظهر عندى فى الشاشة اربع نقط لونهم احمر واماكنهم غير ثابته يعنى مرة فوق على الشمال مرة تحت على اليمين مرة فى النص بس ترتيب الاربع نقط ثابت يعنى الرسمة بتاعتهم ثابته مش بتتغير اللى بيتغير اماكنهم بس لاكن الرسمه اللى بيظهروا فيها ثابته مش بتتغير والنقط دى مش عيب من الشاشه نفسها لانهم لما بيظهروا بحط سهم الماوس عليهم بلاقى النقط تحت السهم مش فوقيه يعنى لو كان العيب من الشاشه نفسها كان سهم الماوس اخد نفس اللون لاكن الماوس بيغطى على النقط دى حاجة الحاجة التانيه النقط مش بتظهر غير وانا فاتح لعبة سيلك رود بس يعنى اى لعبه تانيه لا مش بتظهر على فكرة انا بلعب فى اكتر من برايفت سيرفر والنقط بتظهر فى سيرفرات وسيرفرات والنقط دى مالهاش مواعيد يعنى ممكن تقعد يوم من غير ما اشوفها ومرة واحدة تطلع وهكذا بحالات يعنى مع العلم ان عندى اصدقاء كتير فى نفس السيرفرات معندهمش اى مشاكل زى اللى انا بعانى منها دى وللعلم انا عندى كارت ستالايت لما بكون مشغل الدش مع اللعبة والنقط دى بتظهر برنامج البروج دى فى بى كمان بيتاثر بالنقط دى يعنى بيظهروا كمان على القناة اللى شغاله ولو كمان فاتح فاير فوكس بيظهروا عليه بس لو جيبت سطح المكتب بتروح تماما ولو رجعت تانى لاى حاجة من الثلاثه دول اللى هما سيلك رود او فاير فوكس او بروج دى فى بى يظهروا تانى وفجاة تختفى تانى مش عارف لهم اسباب مش عارف لهم اوقات وراقبت نفسى كتير فى الوقت اللى بيظهروا فيه بحيث يكون فى حاجة معينه انا بعملها هى اللى بتخليهم يظهروا مش بلاقى اى حاجة متشابهة للى قبليها وتقل اللون الاحمر مش بيكون تقيل على طول مرة بيكون تقيل ومرة خفيف

تنبيه بقا ودى الحاجة اللى هتجننى اكتر لو اخدت برينت سكرين للنقط واللعبة شغاله وفتحت فولدر البرينت من اللعبة هتلاقى الصورة موجوده من غير النقط لاكن لما تفتح برنامج الباينت وتعمل لصق للبرينت اللى انت اخدته تلاقى النقط موجودة فى الصورة زى ما هتشوفه قى الصورة اللى انا هحطها فى الموضوع دلوقتى

ودى معلومات الجهاز بتاعى

شاشه سامسونج ال اى دى SyncMaster BX2031
كارت الفيجا msi nvidia GeForce N430GT 4GB
المازر بورد Asus AMD M4A78LT-MLE
البروسيسور AMD Athlon X3 2.9
الرامات 8 جيجا
الهارد تيرا بايت
كارت الستالايت KWorld DVB-S100SE
باور سبلاى جاما 350W للعلم انا جيبت الباور سبلاى دة قولت ممكن يكون العيب من الباور سبلاى القديم ممكن يكون هو اللى عامل المشكله دى وبرضه نفس المشكله بعد تغيير الباور سبلاى

انا عارف ان فى معلومات انا كتبتها عن الجهاز ممكن ميكونش ليها علاقة بالمشكلة بس برضه للعلم

برجاء الاهتمام بمشكلتى والمساعده لانى بجد زهقت

وادى صورة للنقط اللى انا بعانى منها


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فى انتظار ردودكم وحلولكم لمشكلتى