مــــــــوقـــــف مــــوتـــنــــي مـــن الـــضــــحــــك . . .

[!! Prince World !!]

واحد صاحبي عجبتوا واحده معايا ف الكليه شكلها حلو اوى ومحترمه جدا وخجوله جدا وعمرها مامشيت مع ولاد قبل كده .. وعايز يكلمها اوووي .. طب انا اعمل ايه ؟؟

فى يوم لقيتها قاعده لواحدها فى الكليه .. حبيت اطبق قاعدة الصديق وقت الضيق .. كلمت عمرو صاحبى وقلتلوا صاحبتك قاعدة هناك وشاورتله عليها .. قالي طب انا عايز اكلمها ... قالتلوا ماتروح تكلمها يابنى حد ماسكك ؟! .. قالي لا اصل انا محترم ومبحبش اكلم البنات كده عينى عينك ف الكليه لأنى مارضهاش لأختي
.. قولتلوا خلاص خليك كده تأمل فى جمالها كل يوم وخلاص
- انت هتهزر يا احمد ؟ بقولك عاجبانى .. ايه الحل دلوقتى ؟؟
- قولتلوا تحب اروح اكلمهالك ؟
- لا يا عم انت عبيط .. كده هتستهفأنى .. ولا أقولك .. ماشى روح روح :D
-طيب يا عم .. استنى اما افكر ف طريقه حلوه افتح بيها كلام معاها ..

شويه كده ورحتلها ووقفت معاها وعمرو واقف من بعيد بيراقبنا و علي ناار ..
المهم انا حاصلي موقف و انا بكلمها كنت هعيط من كتر الكسوف
و شتمت عمرو صاحبي في سري بس قولت لازم انتقم منوا :D

شويه بعد ما خلصت معاها روحتلوا قولتلوا قشطه يا معلم دوس انت بقي انا ظبطهالك

- ازاى يعنى قولتلها ايه ؟؟

يا عم ملكش دعوه انت اهم حاجه تخش عليها بقلب جامد كده وتقولها انا صاحب احمد وهى هتفهم علطول

المهم سيبته ووشى احمر مع ابتسامة فرحه كدة
و هو راح مخجول ومشي نحيتها بخطوات ثابته ..
ولما وصل قدامها ...

- سلامو عليكم
-وعليكم السلام
-انا عمرو صاحب احمد اللى كان واقف معاكى من شويه
-اهلا بيك
- الحقيقه انا معجب بيكى جدا بس كنت محرج اكلمك الفتره اللى فاتت دى .. وبصراحه كده انا عمرى ماكلمت بنات قبل كده عشان كده هتلاقينى متلخبط ف كلامى بس معلش بقه :)
سكتت ....
و هو سكت ....
دقيقة صمت مابينهم كانها حداد على روح حد مات
وبعدين ..

قالها انتى ساكته ليه ؟؟ في حاجه ولا ايه
لا مفيش ..هو صاحبك ماقلكش ولا ايه ؟
- لا ماقليش .
-انا متجوزه !!!!&&&&!!!

(شكلة بقي بعد الكلمه دى) :
ازبهلال مع احمرار فى الوش مع سخونه فى جميع اجزاء جسموا ودخان وريحة شياط طالعين من شعروا .. مع ابتسامه صفرا مكتومه .. وبعدين قالها:
- والله ؟؟ :)

هى (وهى بتضحك) : اه والله ههههههههههه
هو( بيضحك برضه) : تصدقى ماقليش والله هههههههههههه
الف مبروك ههههههههههههههههههههههه
- الله يبارك فيك ههههههههههههههه

بص وراة عليا : شافني و انا واقف مع الشله بتاعتنا وكلهم بيبصوا علية وبيعيطوا من كتر الضحك :D

مشي من قدامها براحه و جالي انا بقي ... بس اهو الحمد لله رجلي خفيت شوية و فكيت الجبس :D

بيقولي اية بقي حسيت وانا ماشى انى مغيب ومش دارى بنفسى وافتكرت المقطع اللى بيقول ( ابص لروحى فجأة ... لقيتنى كبرت فجأء .. تعبت من المفجأه ونزلت دمعتى) :))