|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
19-10-2012, 11:27 AM
|
#1 | ||||||||||
  
|
قصيدة لى نشرت بجريدة اللواء المصرى و الحائزة على أفضل قصيدة بالقاهرة لمسابقة الأديب القصيدة من الشعر العامى قصيدة علم و قلم علم وقلم و قلب إنصدم و إللى قالى فيكِ يا بلدى أنا محترم كام فقير فى إيده إنفرم ؟؟ لإمتى إحنا إللى نشكى ! لإمتى إحنا إللى نبكى ؟؟ إمتى يحل عنا الصمم ؟ شوفتى يا بلدى أخويا القتيل ؟ قتلوا حاميكى و قال عميل حسبى الله و نعم الوكيل فى *** الحكم *** إسرائيل قولنا وطن !! قالوا إلعبوا بعيد قولنا لعب إيه ؟ دا فى دم و شهيد . مين جواكِ حمالك ولد ؟؟ مين من حرسك شافك بلد ؟؟ عدى و قولى منافق إتنين عدى و قولى كام العدد ! قولى يا بلدى حبايبك فين ! عدى حبايبك إن إتوجد ! عدى حروفك دول أيامى . عدى ساعدتك دول أحزانى . أسف لو كان كلامى جرح ياما إنجرحت عملتى فرح مين من حرسك شافك بلد ؟ لا يا مصر .. م أنتيش وطن لما يهون عليكِ الدم لما تقولى عليا هم أسف مصر م أنتيش أم ديما ترمى همومك فيا ديما تقسى إنتِ عليا ديما كل أحزانك ليا تدينى المر و تقولى هدية ؟ لو وقف العدل ما الظلم وراه كلام العدل الظلم نهاه أيوا أنا بعاتبك يا آماااااه مش عيب إنى أعاتبك يا آماااه صرخت فيكِ بألف آااااه حمتينى ؟؟ لا و الله إذاى أعيش جواكِ ؟؟ و فيكِ سفاح قتل كرامتى ب 100 سلاح و قال إن أنا السفاح طب مش مرتاح م أنتيش أم لما إبنك عايش جواكِ مش مرتاح ! خلاص أنا أسف يا مصر و أدينى بحيى العلم خلاص أنا أصف يا مصر و أدينى رميت القلم أبويا هيفرح ؟؟ لأ مش هيفرح أخويا إللى مات هيرجع ؟؟ لأ مش هيرجع يحيا العلم قطع القلم لو كان دا ينفع هسكت كرامتى تتهان أتكلم أبقى عدوان أرجع ثروتى تتخان يعنى أنا هشحت وطن ؟؟ معرفش غيرك مكان يا أم الأوطان معرفش غيرك مكان كفايا ذل كفاية إهانة كفاية جراح لازم أعيش جواكِ ملك أعيش فيكِ مرتاح أدينى أهو قولتلك أنا هعمر الإصلاح أسف يا مصر لو كنت جرحتك أنا إبنك .. عاملينى براحتك مهما كان الحب إللى فى قلبى ده ليكِ لوحدك بس أنا من ساعة ما إتولدت جواكِ و أنا عايش صابر ! و عارف إنى هفضل صابر لحد ما أخش المقابر عارف إن جيلى دا جيل نحس جيل ملوش خاطر عارف إن جيلى دا جيل نحس جيل كله مخاطر بس صابر ! فمتوعدنيش من إنهردا كانت إيه لزمة وعودك غير إن يظلمنى حكامك و يدهسنى جنودك و إحنا إللى تحت ولادك و إحنا إللى تحت عيالك ظلمنا حكامك و مجيناش على بالك أنا كل ما أسأل إذاى أحيى العلم يقولوا بإحترام و إنس أى هم إترسم نسونى إن فى إيدايا قلم يوصف حالى بشعرا و ينصر فقير إتظلم يكتب كلام يدمع و يجعل للظالم ندم إذاى أنسى القلم أنا لو هنسى .. هنسى قلم قلبى و من إنهردا ما هشيلش غير همى مش دا دستورك إللى كتبتية غصب عنى ولا يهمك يا بلدى أأمرى إنتِ بس و إتمنى و لو وصلت بيكِ حتى إنك تاخدى قلبى منى ولا يهمك يا بلدى يحيا العلم رمز الحياة يحيا القلم رمز النجاة واليسقط دكتاتور الطغاة فهذا نظاما فى منتهاه سأحاكم بنقسى الفاسدين و أحارب بسيفى الغزاة و أقتل بعزمى نظاما ما زال فى صباه و نسير معا صفوفا محاربين مقاتلين و دعاة و أعود و أعاتبك يا وطن ما هذا الوطن وما دهاه لا أخشى على حياتى أبدا فأنا عبد الله فوعزتك و جلالك هذا نظاما فى منتهاه فعلم و قلم و كرامة تترسم و شعبٌ ينتصر و نظامًا يُنهَزَم علم و قلم تحياتى الشاعر أحمد جلال |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| قصيدة حب | The_Run | بـعـيـدآ عـن سـيـلـك رود | 5 | 08-06-2014 09:21 AM |
| قصيدة ترحيب | _SheriL_ | قـسـم الـتـرحـيـب و الـتـعـارف | 6 | 29-11-2013 06:11 PM |
| قصيدة انا الجندى | ST0P_IM_T0P | بـعـيـدآ عـن سـيـلـك رود | 6 | 11-09-2012 05:33 PM |
| قصيدة في (nuker) | amrhulk | مـنـاقـشـات عـامـة حـول سيلك رود أون لايـن | 12 | 11-05-2008 03:39 AM |
.gif){kind=icon}
العرض الشجري