ضحكنا واحكيلنا اجمد موقف حصلك

[7amaki_lover]

السلام عليكم رحمه الله وبركاته

من زمان اوى معملتش مواضيع وفكرت اعمل موضوع كل واحد يحكى فيه اكتر موقف مضحك حصله اه نضحك ونتسلى من غير زنوب ... ويارب ميبقاش الموضوع مكرر او مخالف

هبدأ انا

كنت من كام يوم مسافر القاهره نزلت من الاتوبيس لقيت تاكسى قديييييييم سايقه راجل عجوز معندوش ولا سنه ... المهم قبل ما اشاورله كانت بنت لحقت قبلى وشاورتله ... فالراجل وقف ادامى وقالى اركب قلتله .. مينعش البنت وقفتك قبلى .. قالى لا انتا الى هتركب قلتله مش عاوز انا اركب البنت هتركب ,
كانت البنت سامعه الكلام دة شاورتلى انه مجنون ووقالتلى مش هركب ... قلتله خلاص ياحج توكل على الله ... قالى اييييييييية وراح نازلى لقيته طول بكار كده وجيلى ... انتا هتركب غصبن عنك و فضل يشتمنى بالام والاب وانا اضحك واقوله خلاص ياحج حقك عليا يقولى حقك مين يابن التييييت يلعن ابو تيت ابوكو وانا اضحكككك والبنت تضحككك .. طيب تعالى خلاص هركب تركب فين اركبك على تييييت واقولوا ياحج اناعمرى ماحد كلمنى بالطريقه دى امشى بقى واطبطب عليه اقولوا حقك عليا يشيل ايدى ويقفولى انتا هتضربنى يابن المره ال تيييت ..... وفى الاخر جم السواقين شالو شييييل وركبوا عربيته ومشى ... بس طبا كانت كل الجماهير من كل المحافظات اتفرجت عليا وانا بترووق

يالا عاوز اضحك على مواقفكوا