لا يلدغ المؤمن من جحر مرتين.....أرجو مشاركة الجميع

[medo9005]

بسم الله الرحمن الرحيم

كل واحد فينا تعرض في يوم من الأيام لموقف وحش خلاه يندم علي قرار هو خده قبل كده و يتمني ان الزمن يرجع و يغير القرار ده
لما بنتعرض لمواقف زي دي مبننساهاش أبدا ولا يمكن نقع في الغلط ده تاني
انما الاختلاف انهارده ان اللي وقع في الغلط مش هو بس اللي مش هيقع فيه تاني .....لأ...دا هينصح الأخرين علشان ميقعوش في نفس الغلط لأن في بعض الأخطاء لو وقعت فيها بنفسك مش هيفضل ليك فرصه انك تتعلم منه ومش لازم يكون كل واحد فينا ضحية علشان يتعلم من غلطه ....كفايه ضحية واحده
انهارده أنا جايب الموضوع ده علشان كل اللي وقع في خطأ و ندم عليه ياريت يترك مشاركه كريمه يكتب فيها ايه هو الخطأ ده و ايه هي النصيحه اللي يقولها لكل شبابنا علشان ميقعوش في الخطأ ده و ان شاء الله ربنا هيجازيك خير علي كل شاب قرأ مشاركتك و أتعلم منها .......شوف بءا هتنقذ كام شاب و هتمنع كام خطأ و كل ده في ميزان حسناتك باذن الله
و أنا هبدأ بسم الله الرحمن الرحيم
أنا كنت متفوق جدا في المرحلة الابتداءيه( و مش أنا اللي بقول كده )كل أقرباءي و أصحابي قالو لي كده... لحاد ما عرفت لعبة سلك رود و أخذت كل تفكيري و بدأ تفوقي يقل و تركيزي يقل و ذاكرتي تضعف بس الحمد لله ربنا ساعدني و سبت اللعبه قبل الثانويه العامه علشان أحافظ علي شوية التفوق اللي فاضلين
و اكتشفت ان سلك رود عامله زي الادمان لأني مقدرتش أسيبها مره واحده (وأنا دلوقتي في مرحلة النقاهه الأخيره .. بتكلم عنها لكن مبلعبهاش )
فأنا بقول لكل شاب (أدمن )سلكرود مثلي انه يختبر نفسه و يفتكر حاله قبل اللعبه و حاله بعد اللعبه و يحكم علي نفسه لأن في الأول و الأخر دي مجرد لعبه زيها زي (ماريو)
مش هتنفعك بس أكيد هتضرك ..شوف انتا صرفت عليها أد ايه و ضيعت من وقتك أد ايه
و مفيش حد هيقدر يخليك تبطل اللعبه دي الا لو كنت انتا مقتنع من قرارة نفسك بكده
و ممكن أكون أنا الوحيد اللي اتأثرت بيها أوي كده لكن في شباب بيلعبوها تسليه فقط من غير ما يسمحولها تأثر علي عقلهم.......
لو كنت مبتلعبش سلكرود خلص ..هقولك ربنا يكتر من أمثالك
لو كنت بتلعبها بس مسمحتلهاش تسيطر علي عقلك ..هقولك انت زي اللي بيشرب أول سيجارة بانجو علشان يجرب و انت عارف ايه الي هيحصل بعد كده
لو كنت بتلعبها و انت حاسس انها سيطرت علي عقلك ..هقولك ربنا يهديك و تبطل (الصنف)ده
أديك قرأت و القرار في ايدك و متنساناش بالدعوة...................done

أرجو مشاركة الجميع لافادة الجميع
و أرجو التثبيت لأن الموضوع جاد و هادف مش مجرد (برنامج disconnect);)
و شكرا