أجــب عــن الاسـئلة الـآتـيــة ...

[!! Prince World !!]

السلام عليكم ورحمـة الله وبركاتـة



اجب عن الاسئلة الآتية :
******************




- لو فى شجرة وقعت ع الأرض فى الغابة .... هل بقية الشجر هيضحكوا عليها؟

- ليه فى شارع مراد حاطين يافطة مكتوب عليها "ابتسم انت فى الجيزة" هى الجيزة حاجة تضحك؟

- ليه بيقولوا الحب اعمى؟! وكل اغنى الحب عن العيون ..... نور العين وسحر عينيك وعينيك وحشانى وعينيك كدابين وحبيبى وعينيا ..... ولو كان الحب اعمى اصلا ليه واكلين دماغنا بالحب من اول نظرة؟!!

- لو اسمك "ماجد" وطلعت طيار هتفضل قد ايه مستحمل الناس وهى بتندهلك "كابتن ماجد" .. ؟

- الأخرس بيكلم نفسه ازاى؟!

- ليه البنات بتفتح بوؤها وهى بتحط "ماسكرا" ؟!

- ليه مقر النادى الأهلى موجود فى الزمالك؟

- ازاى تقدر تعرف المسند بتاع كرسيك فى السينيما؟

- ليه الناس بتقول لأى حد ماشى فى الشارع يا "باشمهندس" ماعدا المهندس فعلا
بيقولوا يا "دكتور" ؟

- لو كانت الأرض كرة زى ما بيقولوا ... طب الماتش هيبدأ امتى؟!!

- ليه هيفا وهبى بتقول "انا بردانة اح" ؟ ... مع ان "اح" بتتقال للحاجة السخنة المفروض تقول "انا بردانة بررررر"

- ليه بي***شوا العربية اللى واقفة صف تانى مع ان بعد ما بي***شوها الشارع بيفضل مقفول برضه؟

- هل حصل فى يوم من الأيام فعلا ان حد "ضرب عصفورين بحجر واحد" ؟

- ليه لما بسأل حد عن شارع او مكان معين بيقوللى "هما قالولك فين؟"
طب هما لو قالولى هسألك ليه؟! ... وبعدين مين هما اللى قالولى اصلا؟!

- ليه الشخص اللى بيسألك الساعة كام بيرفع ايده الشمال ويشاور على مكان الساعة؟
طب لو عاوز يسألك الحمام فين هيشاور على ايه؟!!!!

- لما البوليس بيهجم على شقة ويكسر الباب مين المسئول انه يصلح الباب ده؟

- افرض شوفت منظر مؤثر وانت تحت المية .... ينفع تعيط؟

- هل ممكن يتعمل جبنة من لبن الامهات؟

- ليه سوبر مان بيلبس "الاندر وير" بتاعه على هدومه من بره؟

- ليه بيقولوا هدية مجانية .... هو فى هدية بفلوس؟!!

- ليه الوجبة المفرحة "happy meal" بتبقى قليلة؟ مع ان المفروض الوجبة المفرحة تبقى مليانة بشكل يفرح

- ليه بنقول "باى باى" ومبنقولش "هاى هاى" ؟

- ليه يا قلبى كل يوم بتحب واحدة؟ ..... "عمرو دياب"
.
.
.
.
من كتاب " كابتن مصر"

ســـلامــوز ...