اسباب السرقه إلى من غير سبب ..

[Solitary]

من غير بدايات .. احنا موضوع السرقه الى قولتلكم عليه وصل ل 5 صفحات فى ريف 6 وانا متابع معاهم وبارد معاهم وباتناقش معاهم بمشاكلكم انتوا .. عشان انا ماتسرقتش

المهم

توصلنا لشوية اسباب او نقول شوية احتمالات من كل مشاركات الناس الى شاركت هناك وهنا .. وهى

1- اسباب اللعبه نفسها,

اول سبب وهو SQL injector زى لو حد فاكر ايام ديجرى 9 او 8 اما كان نفس الحوار حصل بسبب ان فى ناس بتعمل حوار برمجه كده وبتفتح لينك بينه وبين اكونتك وبالتالى بتعرف الباسورد ..
والحوار ده بيتم عن طريقين .. انك تدخل exchange مع حد ماتعرفوش او تعرفه الحقيقه مش بتفرق .. او تدخل stall من بتوع ( item free ) ويفضل يغير السعر من 1 جولد ل 100 مليون وفجأه يقفل ال stall .. او انك تكون فى ال stall وصاحبه يقفله فجأه من غير سبب .. او انك تشوف ايتيم واقعه على الارض فى المدينه وتجرى عليها تاخدها .. طبعآ مش كل الناس بتعمل كده بس اهو سبب ويمكن سبب رئيسى ..

تانى سبب من اسباب اللعبه هى ان فى هاكر ( database injector ) وده بيخلى الهاكر ببساطه يبدل الباسورد بتاعك بباسورد تانى والايميل لايميل تانى من غير مايعملك اى حاجه ولا لايميلك الضامن حاجه .. وده يمكن يكون سبب سرقة الناس الى قالت " الايميل الضامن ماتسرقش ولكن الاكونت نفسه اتشال من عليه الايميل الضامن ده ) طبعآ لو انت متأكد انك حطيط ايميل ضامن اصلآ .. وده ممكن بردو يكون غلط عشان لو ده حصل مش 10 ولا 20 ولا 90 حتى الى هايتسرقوا بس .. لا دول هايبقوا بتاع 100 ولا 130 الف لعيب واكونت ..

ثالث سبب هو انك تكون بتلعب سيلكرود ار .. وده برضو هانقول انه مجرد احتمال وان joymax بتسرقك فى سيلكرود العاديه عشان تروح تلعب سيلكرود ار .. وده سبب او نقول احتمال سرقة الناس الى اتسرقت فى الجولد واللبس بس مش الاسلحه او باقى الحاجات برغم انها ليجيند +12 زى _SomeOne_ فى تروى .. وزى ما thepowerlevel.com اتسرقت فى 30 مليار من كل سيرفر من كام اسبوع او شهر باين, وقالوا ان الموقع كله اتسرق وسرقوا اكونتات ناس بنفس الايميلات الموجوده على موقعهم دلوقتى برغم ان كلنا عارفين ان thepowerlevel.com بتدفع فلوس ل joymax وبتديهم نسبه من ارباحها ..

2- اسباب البرامج والهاكات وال keyloger والكلام ده

اول سبب طبعآ ان حضرتك نزلت برنامج مش موثوق فيه او دخلت موقع ( اباحى ) ونزلت فيديو منه او فلاشه فيها برامج متفيرسه او هارد او خدت برنامج من اى حد صاحبك من الياهو .. وده مش محتاج اشرحه لإنه ببساطه بينزلك keyloger وبيشوف باسورداتك كلها منهم باسورد الايميل الضامن وباسورد الاكونت .. وطبعآ انك تكون بتلعب سيلكرود ار او سيلكرود العاديه ونزلتلها باتش من اى حته غير هنا او الموقع الرسمى

ثانى سبب وهو الاسبوت والاى بوت وفيروسات برمجتهم.. معظم الناس هنا وخصوصآ الى شغالين بالاى بوت معندهمش antivirus او عندهم بس مقفول 24 ساعه عشان يقدروا يشغلوا البوت عشان طبعآ فيروسات البرمجه .. بس السذاجه بقى ان كل اصدار جديد للبوت انت بردو بتنزله وال antivirus مقفول او مش موجود وده غلط, انت بكده الفيرس القديم الى كان موجود لسه فى جهازك + الفيرس الجديد ومن كتير مانت بتفتح مواقع ويمكن بتفتح كمان مواقع اباحيه فى بعض الموقع بتحتاج التجسس عشان تعرف ال ip عشان تظبط لغتهم عليك زى جوجل نفسه .. فمن كتر المواقع دى نزلك malware و/أو spyware ومن كتر مانت بتعمل الغلطه دى الفيروسات دى عملت ( باب خلفى ) من جهازك وببساطه نزلك keyloger او حتى البوت نفسه بيبقى كده من فيروساته ومن فيروسات التصفحه .. نفس الكلام بالنسبه للاسبوت

ثالث سبب وهو غبائك .. او نقول سذاجتك عشان ماحدش يزعل, وهو ان حد يكلمك ويقولك الموقع ده بيدى سيلك وتدخل بال id,pw بتوعك .. او ان حد يكلمك ويقولك انه GM برغم ان لو كلامه ازرق وبتصدقه ولو طلب id,pw بتديهمله مع انه مش محتاجهم لو عايزهم هايجبهم وده عشان الى بيكلمك واحد لعيب عادى مش حرامى .. ودى بج هاوضحها فى اخر الموضوع .. او انك تكون بتلعب كروس فاير ولا ولف تيم ولا كومبات ارمز وتنزلها هاكات ضرب وكده و يا بيبقى هاك نضيف مع شوية فيروسات برمجه زى الى بتنزل مع البوت وقلنا عليها فوق يا بيبقى هاك بمعنى هاك = keylogger .. يا طبعآ اهم سبب انك مصاحب واحد وواثق فيه وظبطك تديله البيانات يسرقك .. ويقولك مش هو ( قالوا للمصريين احلفوا ) ..

رابع سبب هو انك خليت حد يشحنلك سيلك صاحبك ولا بتاع او اشتريت جولد بسيلك والى شحنلك السيلك طلب ال id,pw بتوعك .. او بتشترى الكارت وتروح سيبر تشحنه .. او بتدخل من سيبر على اكونتك وتلعب بيه او حتى بتدخل الموقع بس .. او حتى الويندوز يقع وتاخد الكمبيوتر تنزله سيبر وتقوله حطلى ويندوز ..

خامس سبب ان معظم او نقول اغلب الناس بتعمل ايميل ضامن على اكونتاتها .. بس الايميل ده مش بيبقى مجرد ايميل ضامن لا, دول بيستخدموه فى المحادثات واضافة الناس ألخ .. وده بيكون هدف سهل للى عايز يسرقك

وأهم سبب انك مخلى باسورد الياهو بتاعك على باسورد الاكونت او id الياهو على id الاكونت او باسورد الاكونت سهل جدآ او الفيس بوك يكون ب id الاكونت .. او حتى بباسورد الاكونت
واخر سبب
هو انك تكون فى شبكة نت ويكون فيها حد بيلعب سيلكرود ويبعتلك برنامج تجسس ويظبطك .. او حتى انت الى تاخده منه بكامل وعيك

طبعآ مش محتاج اقول ان الاسباب دى مجرد احتمالات .. الحلول تحت ..

• ماتدخلش exchange مع حد,
• ماتلمش حاجه من على الارض لو حد موقعها فى المدينه,
• ماتدخلش ستال مده طويله ولو دخلت وصاحبه قفله اطلع ,
• ماتنزلش برامج ماتعرفهاش,
• ماتدخلش بأكونتك اى مواقع من الى بتنكتب فى جلوبلات,
• ماتديش الباسورد لحد لو ابوك طلبه منك قوله لا,
• ماتعرفش حد ايميلك الضامن,
• ماتعرفش حد اذا كان ايميلك الى انت بتكلمه منه معمول ايميل ضامن لاكونت سيلكرود ولا لأ,
• ماتقولش لحد ال ID ,
• ماتستخدمش الايميل الضامن فى محادثات ولو انت بتعمل كده ادخل غيره وحط ايميل لوحده يبقى لسيلكرود بس,
• اى حد يكلمك يقولك هو GM بس لون كتابته ازرق اشتمه بالام وماتسمعش منه لو قالك ايه ولا تاخد حاجه منه ولا تديله حاجه,
• ماتفتحش اكونتك فى سيبر,
• ماتدخلش موقع اللعبه وتدخل باكونتك او تشحن عليه سيلك من سيبر,
• ماتفتحش سيلكرود ولا الموقع على جهازك لو مافيش عليه antivirus,
• ماتاخدش صور ولا فيديوهات ولا برامج ولا اى حاجه من اى حد من صحابك على الياهو خصوصآ لو بيلعب سيلكرود, ماتعرفش ال IP بتاعك لحد,
• ماتدخلش مع حد شبكة نت ولو انت فى شبكه فيها حد بيلعب سيلكرود سيبها,
• ماتحطش ويندوز مش معروف مصدره,
• ماتنزلش الكمبيوتر عند سيبر فيه سيلكرود وتقوله حطلى ويندوز,
• ماتشحنش سيلك بجولد من اى شركات جولد, ولو هايحتاجوا الid,pw بتوعك اعمل شخصيه لفل 1 وخد عليها السيلك,
• ماتنزلش ويندوز من اى سيبر, روح محلات صيانه او شركات صيانه كمبيوترات,
• ماتنزلش ويندوز من اسطوانه حد ولا فلاشة حد, ب 5 جنيه من اى محل صيانه يعملك اجدعها ويندوز,
• ماتخليش باسورد الياهو او باسورد الفيس نفس باسورد اكونت سيلكرود,
• ماتخليش اسم اكونت الفيس نفس id اكونت سيلكرود,
• ماتخليش جهازك من غير antivirus ولو بتزهق من التدوير على سريال وكده استخدم افاست او افيرا دول ببلاش,
• كل شهر مثلآ حط ويندوز جديد .. وكل ما ينزلك نسخة بوت جديده امسح القديمه واعمل سكان وامسح الفيروسات قبل تشغيل الجديده,
• لو انت شغال فاير فوكس ماتنزلش اى add-ons عشان بتعمل بجات فى الجهاز وفى التصفحه ومنها بيكون سهل اختراقه,
• ماتعرفش ال ip بتاعك لمخلوق ..
• يوم الاثنين الساعه 12 كده او 1 الفجر بتوقيت مصر, اطفى اعمل سكان على جهازك واطفيه ونام, منها تريح الجهاز ومنها مايبقاش فى مخاطره ان يجيلك بلوك بسبب البوت ( لو فى GM موجود يعنى ) ومنها ان ماتبقاش موجود لو فى هاكر بيدور على ضحيه ولا حاجه,

بالنسبه للبوتات .. ماتكتبش فى بحث جوجل اسم موقع البوت, لو عارفه اكتبه فى المتصفح مش عارفه تعالى هنا وادخل قسم البوت ونزل منه اخر اصدار او قولى وانا هارفعلك اى بوت على اى سيرفر ..

• موقع الاسبوت هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] او عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال Ibot هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال mbot هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال phbot هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] او التحميل هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال sroking هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال agbot هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
• موقع ال isrobot هو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وأهم سبب هو انكككككككك ماتصدقشششششششششش مصرىىىىىىى فى اللعبه دى

ولو حد عنده حلول تانيه ياريت يلاغينى ..

بالنسبه للحركه بتاعت الناس الى بتكلم الناس تقولهم انهم GM وهات بيانات الاكونت وبتاع .. فهنا هتلاقى الشرح

http://www.silkroad4arab.com/vb/showpost.php?p=3783638&postcount=1
و شوف دى كمان ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فى النهايه احب اوضح تانى .. ان دى مجرد احتمالات منى انا وkyle ادمن ريف6 ومن الشخص صاحب الحوار ده كله RedBlueGreen وده مشرف فى ريف6 وبيلعب معانا فى تروى باكرر تانى .. دى احتمالات مش حاجه مؤكده لسه ماحدش عارف السبب الرئيسى فعلآ ,,

تحذير بس بسيط ^^ .. إلى هايخرج عن نطاق النقاش هاياخد مخالفه, عشان الحكايه مش ناقصه:dots:

شكرآ للكل وربنا يعوض عليكم ياإلى اتسرقتم