بالنسبة لموضوع الشحن

[leavemealone]

السلام عليكم يا شباب
بداية قبل اي حاجه
ال عندو كلمة مفيده اهلا و سهلا و ال عنده انتقاد بناء اهلا و سهلا برده
غير كده بنستسمحه ميردش

كلامي مش قرآن و يمكن اكون فاهم غلط بس انا هعرض شوية حاجات كده

بداية انا من اول الناس ال استخدمت البوت... من قبل ما gasman ينطرد ومن قبل ما المانجر يتعمل
من ايام ما الناس كانت بتكدب و تقول ان البوت ده بيقلب الشخصيات
انا هكتب كل المعلومات ال عندي ده بغرض الافاده العامة و مشاركة المعلومات
بداية البوت كانت من موقع projecthax و ده كان موقع زباله ولا له اي تلاتين لازمه غير انه كان تقريبا عامل لودر كده زائد انه كان مستضيف الآي بوت عنده في المنتدى
weeman ده شخصية غير طبيعية و للعلم فهو صغير السن و توقع منه اي حاجه و ال يعتمد على العيال .....
و ده كان واضح من قراراته التعسفية في المنتدى و الطرد ال عمال على بطال .... و تأخيرة في تنزيل الابديت بحجة انه في المدرسة و حاجات تانية كتير " طفل " اتفاجأ مره واحده انه بقى شخصية مهمه و بدا يحاول يمارس اقصى سلطاته و يتكلم مع الناس بطريقه مش كويسه.... ده بس انا بحاول احطكم في الصورة
بعد فترة كل يوم و التاني كان يشتغل نفسه اكتر و يتشاكل مع اصحابه و يطردهم من المنتدى... بس البوت فضل كويس و ده كل ال كان يلزمنا منه .....
بعد فترة كده بعض الناس الزباله المصريين ال فاضحينا في كل حته بدأو ينزلوا في المنتدى باتشات مشفرة و يحاولوا يعملوا هاك عليه ..... و ناس تانية للاسف يعني معفنه و اقسم بالله معفنه كانت تدفعله الاتنين دولار عن طريق بنك الاليرت باي و ترجع تعمل شارج باك للفلوس و حساب الاليرت باي بتاعه اتقفل اكتر من مره على حد ما قالي و كمان كانوا نص ال بيشحنوا عن طريق البنك ده بيعملوا الحركه دي و طبعا من المعروف ان الاليرت باي ده بيدعم مصر فمعظم ال بيشحنوا من البنك ده مصريين
و كمان شوية اطفال من عندنا يدخلوا يعملوا سبام في كل حته و يحطوا مواضيع في غير مكانها لحد ما الطفل وييمان جاب اخره و عمل حجب لاي اي بي مصري "و سمعت انه بيسيب ناس معينة"
شوية عالم تعبانة نفسيا فاكره نفسها هاكرز + شوية عالم معفنة اوي بتعمل شارج باك + شوية اطفال بيعملوا اسبامر = قلة قيمة للمصريين بطريقة بشعه
المهم كنت بعدت شوية كده و رجعت لقيته عامل سيرفرين واحد للعالم النظيفه " ده من وجهة نظره "
وواحد للعالم ال مش نظيفه "ده من وجهة نظره"
و لغى الاليرت باي لانه كان بيقف عليه بخسارة و بقى الشحن عن طريق الباي بال
و كان طبعا الاسعار خيالية عند الوكلاء و اظن من حقي اني اوضح النقطه دي الاتنين دولار ال كانت قيمتهم لا تتعدى 12 جنيه كانت الناس بتشحنهم ب 25 جنيه و بتلاتين جنيه يعني مكسب اكتر من 200%
و سيبك بقه من ال يقعد يقولك ده في عمولات الباي بال و بتاع اقسم بالله انا كنت بشحنه من بيتنا وانا قاعد قدام جهازي باتناشر جنيه و يتبقى في حسابي 20 سنت كمان ايامها كان الدولار ب 5.5 جنيه
و ربنا ميرضاش بالاستغلال ده ابدا و عشان كده مباركش
المهم مش موضوعنا
كلامي ال فوق ده كله ميمنعش انه وييمان ده شخصية مش كويسه و عنصرية بحته بس من الواضح ان المصريين كانوا عاملين معاه اكبر نسبة مواقف زباله
و عشان كده الشخص ده كان دايما بيتعامل مع المصريين بكل حقارة
المهم نوصل للمشكله الحالية
المشكله دلوقت انك لو جيت تشحن لازم تشحن من على السرفر بتاع projecthax ال هوا محجوب عن مصر
من نحية الشحن انا مش هغلب اني اشحن و بدون اي مليم اضافي زي زمان بالظبط و ليا طرقي الكتير
بس الفكره بعد ما اشحن السرفر مش هيبقى محجوب عن مصر برده بمعنى ان البوت مش هيقدر يعمل اتصال بالسرفر !!! دي حاجه انا مازلت مش متاكد منها و ده ال مخليني مبشحنش حاليا

و ال حارقني في الموضوع ده ان حتة عيل عايز يدوخنا السبع دوخات
بس انا اقسم بالله العظيم لو في مزاجي اني استخدم البوت ده والله هستخدمه وعندي الف طريقه و طريقه اني استخدمه .... بس الفكره ان ده شخص زباله و تصرفاته طفولية بحته و توقع منه اي حاجه كانه ييجي في يوم و ليله و يقفل البوت نهائيا مثلا .... طفل يا جماعه والله طفل

انا شايف ان ال يكلمه و يتحايل عليه يبقى طفل زيه هوا من الاخر مش عايز مصريين يستخدموا البوت معرفش ايه السبب بس بغض النظر عن انه احنا كمصريين كان فينا ناس وحشة اوي بتدي فكرة وحشة للناس و دي النقطة ال كلنا لازم ناخد بالنا منها


و ال عايز طريقة يستخدم بيها البوت و هتبقى مكلفه ممكن ادله عليها بس انا عن نفسي لو سرفر الاولاني ده محجوب عن مصر فعلا فانا البوت ده ميلزمنيش في حاجه و في الف وسيلة تغنيني عنه

دي حبت نقط حبيت اوضحها او بمعنى اصح حبيت اوضح وجهة نظري و زي ما قلت الكلام ده مش قرآن وارد جدا ان يطلع في معلومات خطا
الموضوع ده مش محتاج كلمات شكر ابدا فياريت الناس متدخلش ترمي كلمات الشكر المتينه لانها بتستفزني
و في الاخر انا قلت "ياريت" و من حقك تقول ال انت عايزه طالما في حدود الادب و مضمون الموضوع