الوحده 52 - قصه بوليسيه من تأليفي " الحلقه 3 ( و تظهر الحقيقه ) "

[super_man619]

بسم الله الرحمن الرحيم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
شريف : ساااااامح ,, هاتلي راني

سامح : فيه حاجه اسمها لو سمحت ,, ده تقرير مفصل عن الزيارات الي جت للمجني عليه

شريف : انا مبحبش الراني الي بالبرتقال

مصطفي : فاهمك انا ,, اابو مانجه اهوو

شريف : حبيبي يا تيفا

مصطفي : واضح انهم كانو بيدورو علي حاجه

شريف : و ملقوهاش

مصطفي : ليه ؟!

شريف : عشان دورو ف كل الاماكن الممكنه ,, خليني اشرحلك .. لو انت عندك 100 مكان مختلف تدور فيه علي حاجه
و دورت ف الميت مكان .. يبقي فيه احتمال 1 علي 100 انك تلاقيها و 99 علي 100 انك متلقيهاش

سامح : ورينا عبقريتك

شريف : احنا هنا عندنا 3 مشتبه بيهم ( نيرفانا أبو المجد - ألاء محمد البدراوي - بسنت هشام )

اللواء حسن : أشمعني

شريف : انت مش ملاحظ ,, اولا الاليكترك .. و بعدين الضوافر الطويله .. و البرفان الحريمي الي علي السرير .. غير المسافه القصيره الي بين اثار الايدين علي الرقبه .. الي عمل كده اكيد انثي

مصطفي : ده تخمين بس

شريف : 200 جنيه مني علي انها واحده ست

مصطفي : وانا موافق

شريف : تقدر تستدعي المشتبه بيهم

------------------------------------------------------------------------------------------

سامح : اهلا يا بسنت

بسنت : اهلا بيك يا باشا ,, ايه الي حصل

شريف : تعرفي دايفد صفوت

بسنت : لاء يا باشا

شريف : متأكده

سامح ل شريف سرا : مين دايفد صفوت ده

شريف : ولا اعرفو

,, بسنت .. تقدري تروحي

سامح ل شريف : انت بتهزر

شريف : سيبني اكمل شغلي

------------------------------------------------------------------------------------------

مدام نيرفانا .. قالها سامح جالسا علي ذا الكرسي امام طاوله التحقيق
حضرتك محاميه المجني عليه .. سبق و اتصلتلي بيه مرتين مدتهم تترواح مبين الساعه و النصف للساعتين
ممكن اعرف السبب

شريف مقاطعا : تعرفي دايفد صفوت

نيرفانا : لا

شريف : متأكده

نيرفانا : ممكن يكون واحد من الموكلين بتوعي زمان ,, بس انا معرفوش

شريف : اها ,, كمل يا سامح

نيرفانا مقاطعتا : فاروق كان عنده أملاك كتير متشعلقه ف المحاكم و انا كنت بتكلم معاه عنها

شريف : تقدري تتفضلي


------------------------------------------------------------------------------------------

سامح : يابني فيه معلومات كتير ممكن نعرفها منها انت مشيتها ليه

شريف : لان انا حليت القضيه .. ألاء البدراوي .. سيبني احقق معاها لوحدي

------------------------------------------------------------------------------------------

شريف : اهلا يا الاء

ألاء : اهلا بيك

شريف : تعرفي دافيد صفوت

ألاء : لا

شريف : متأكده ..

ألاء : اه

شريف : انتي بنت اخت فاروق صح .. كنتي عنده محتاجه فلوس صح

ألاء : عرفت منين

شريف : و أنتي شيفاني قاعد اشوي دره ,, تقدري تتفضلي


------------------------------------------------------------------------------------------

شريف ممسكا بهاتفه المحمول : عماره 22 شقه 3 ف المنشيه .. هات سامح و مصطفي و اونكل حسن و تعالو

شريف : اتفضلو اتفضلو ... البيت بيتكم

عبد الله : احنا فين دلوقتي ..

شريف : ف بيت دايفد صفوت

أللواء حسن : انت بتهرج صح

شريف : سيبني اشرحلك كل حاجه عن القضيه دي ....

صوت طرق الباب ..

شريف : أهو .. القاتل وصل اهو

شريف : هاهاهاأأ .. بسنت ,, مبتجيش ليه يا بسنت .. مش تبقي تيجي ,, أديك علي الـ200 جنيه ياض

مصطفي : انت هتبيعني هدومي بعد كده ياعم شيري

بسنت : أااا يييي هه تتت ..

شريف : بس بس .. عمري ما توقعك انك تكوني بالغباء ديه

أمام زهول المستعمين ,, يبدأ شريف ف شرح تفاصيل القضيه

انا من اول ما دخلت و شفت مسرح الجريمه عرفت ان كان فيه حد بيدور علي حاجه و ملقهاش عرفت ان القتل كان بدافع السرقه .. و سرقه حاجه كبيره بطبيعه الجهد المبذول لاخفاء الادله .. رغم ذلك الي عمل كده مكانش محترف
و الجريمه كلها حصلت صدفه .. أولا اتضح من تحرياتي الشخصيه ان فاروق كان عامل مشكله ضخمه مع عيلته و باع شركه كبيره من شركاتهم و خد الفلوس و هرب و ده الي يفسر عيشته ف مكان مش قد كده .. رغم ذلك عادته و لبسه متغيروش حتي مجوهراتو و عربيتو .. و ده الي اكدلي انه محتفظ بفلوس .. و كمان كان بيصرف علي بنت اخته المتوفيه ,, نيجي هنا بقي لبسنت .. عشيقه فاروق ,, الي سممعته بالدفه بيتكلم مع المحاميه بتاعتو و هو سكران
و اكيد جاب سيره الفلوس .. الي ولا هيا ولا المحاميه تعرف مكانهم .. غبائها صورلها انها لما تحاول تعذبه شويه ممكن يعترف بمكان الفلوس .. استخدمت الاليكترك الي هيا شايله معاها تحسبا ل حالات التحرش " الي من الواضح انها بتتعرضلها كتير " و قتلت المجني عليه .. دلوقتي بقي وقت الاجابه علي السؤال الي بيدور ف دماغكو " ازاي جت هيا برجلها هنا ,,, فاكريين دافيد صفوت .. انا اتصلت بسمسار يشوفلي شقه فاضيه ف المنطقه ديه ,, جت معانا الشقه ديه .. اسم صاحبها دايفد صفوت .. انا سالت كل الاشخاص المشتبه فيهم بالجريمه عن دايفد صفوت ,, الي هو اساسا مش موجود و مالوش علاقه بالقضيه .. اكيد القاتل عقله هيصورله ان دايفد يعرف مكان الفلوس و بذلك هيدور عليه و يسأل عن مكانه .. و اما يكتشف ان فيه 15 كيلو بينه و بين الفندق شكه هيزيد انه يعرف مكان الفلوس .. و هيجي علي هنا برجله .. يلقينا ف وشه .. القضيه اتحلت

أللواء حسن : انت ملقي القبض عليكي بتهمه قتل المدعو فاروق البدراوي .....

سامح و عبد الله : انت غريييييب
مصطفي : انت ازاي بتشوف الحاجات ديه
شريف : انت بتشوف كل حاجه يا تيفا .. بس مش بتستنتج حاجه من الي بتشوفو
اللواء حسن : انت اه مستهتر و مش بتاع شغل .. بس بصراحه وفرت علينا تعب كتير .. اشكرك
شريف : ماشي يا أونكل
اللواء حسن : متقولييش يا أونكل
شريف , مصطفي , سامح , عبد الله : ههههههههههههههه