۩۞۩ شرح الفروجتن ورلد d8 بالصور والفيديو ۩۞۩

[d0nm0d3l]

مساء الخير ياشباب ...
اخيرا وبعد عناء دام 3 ايام بالظبط جبت الصن ديجري 8



طبعاً فيه ناس كتير هتسئل تقولي جبته ازاى وناس عايزه تعرف معلومات اكتر عن موضوع الفورجتن ورلد (العالم المنسي)

وهقولكم وواحده واحده عشان الكل يفهم واللى حابب يجيب صن يجيب ...

انت بتجمع 8 تاليسمان (كتاب لونه احمر كدا) من الفورجتن ورلد
من اول ليفل 35 لحد ليفل 70 انت بتكون في التوجي فيلادج Togui Village لما بتدخل الفورجتن ورلد
وكل التاليسمان اللي بتجمعها مابتجيبش حاجة غير سلاح صن ديجري 8 يعنى سلاح ليفل 64 فقط وانت الى بتختارة لما بتكمل المجموعة
دي اسماء التاليسمان
1- Red Tears
2- Western Scriptures
3- Togui Mask
4- Red Talisman
5- Dull kitchen knife
6- Puppet
7- Spell Paper
8- Elder Staff

دا كلام مبدئي نبدأ بقي نفصل :
عشان تبدأ لازم يكون معاك حاجة اسمها Dimension Hole ودي بتلاقيها
عشان تجيب Dimension Hole بتلاقي جوهرة كدا لونها أحمر في اي مكان صدفة يعنى ودي مابتضربكش دي مجرد حاجة واقفة كدا زي الصورة



اول مابتضربها بينزل لك 8 من الوحش اللى صورته موجوده دا ( ديما بيكون Champion خد بالك صعب )
بعد مابتموت الوحش ده بيقع لك منه حاجة اسمها Dimension Hole ودي صورتها لما بتكون عندك في الشنطة



خد بالك :
بيقع نوعين من ال Dimension hole
اول نوع بيكون الفئة الأولى Grade 1 ودا بيكون سهل شوية وكويس لان بتكون كل المونسترز اللى فيه عادية Generals

وبيكون مكتوب عليه زي كدا



والنوع التانى بيكون الفئة الثانية Grade 2 ودا صعب عشان كل المونسترز اللى فيه Champion

وبرضو بيكون مكتوب عليه زي كدا



طبعاً أقصى عدد لاعبين ممكن يدخلو 4 لاعبين فقط

اما بالنسبة لـ Grade 3 ودي في ليفل 101 ممكن يدخل 8 لاعبين وبتكون صعبه جداً

كدا خلاص انت جبت البورتال ومستعد ؟
هتروح المدينة ( أي مدينة ) وتدوس كليك يمين علي البورتال اللى معاك هينزل ادامك زي كدا



بتدوس عليه وتدخل عادى

لو انت داخل في بارتي وعايز تجيب اصحابك معاك
افراد البارتي مش بيشوفو البورتال اللى انت نزلته بالتالى لازم تكون انت ماستر البارتي وبعد ماتدخل جوا هتعمل زي الفيديو دا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كدا كله تمام انت والبارتي بتاعتك جوا
دي بقي الخريطة يامعلم



ملاحظات هامـه :

1- لازم تموت كل المونستر اللى موجودين عشان اليونيك يظهر
2- كل يونيك بتموته بيفتحلك باب
3- بالنسبة للباب التالت والأخير ... لازم تكون مموت كل المونسترات اللى موجوده
4- بالنسبة لصناديق الكنز ( اللى شكل البنادورا بوكس ) دي بتوقع لك تاليسمان وساعات مش بتوقع حاجة انت وحظك بس غالباً بتوقع .
5- بعد ماتكمل كل التاليسمان بتروح للبتاع التريد اللى في هوتان اللى اسمه Asaman بتكلمة هتلاقي كويست اتفتحلك واسم الكويست فيه الكلمة دي (Collection) بين قوسين زي منا كاتب ، بتبدأ الكويست ، وترجع تكلمه تانى هيظهرلك صفحة فيها كل الأسلحة وانت تختار السلاح اللى علي مزاجك .
6- لو انت اوروبي اللى هيظهرلك كل أسلحة الأوروبي فقط
7- لو انت صيني هيظهرلك كل أسلحة الصيني فقط
8- السلاح اللى بتاخده بيكون 0 في كل حاجة انت اللي بتزوده بالاستون وتعمله +
9- السلاح ممكن يتباع عادي .

بالنسبة للمونسترات واليونيكات اللى جوا وليفلاتهم :
من ليفل 35 لحد ليفل 50 الموبس اللى بتظهر ليفل 37 و 38 واليونيك الأخير ليفل 39
من ليفل 51 لحد ليفل 60 الموبس اللى بتظهر ليفل 52 و 53 واليونيك الأخير ليفل 53
من ليفل 61 لحد ليفل 70 الموبس اللى بتظهر ليفل 62 و 63 واليونيك الأخير ليفل 63

ملاحظـــــــــــــة هـــــــــــــامة :
آخر يونيك دمة كتير جدا جدا وبياخد وقت ... لو انت جلافي او 2 هاندد او بليدر او واريور سورد وشيلد او اي بيلد يستدعي انك تقرب من المونستر وانت بتضرب ... بلاش تدخل لوحدك لان آخر يونيك له ضربتين .. واحده عادية وواحده بتجيب دمك كله .
يستحسن اللى بيضرب من بعيد زي الويزارد والبو والكروس بو والنيوكر
وقبل مايموت في التلت الأخراني من دمه بينزل معاه 2 يونيك تانيين و6 مونسترات (خد بالك)
ودا فيديو مختصر لآخر يونيك

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بالنسبة لآخر 2 تاليسمان اللى هما اصعب 2 ... انا هقول اللى عملته عشان يجولي
انا فتحت كل التاليسمان اللى جتلي وكنت واقف علي الاتنين دول بس
اول مرة دخلت بعد مافتحتهم كلهم اول تاليسمان وقعت هيا Paper Spell
تانى مرة دخلت اول حاجة وقعتلي Elder Staff
يعنى تقريباً المسئلة نسبية وبيقعولك حسب اللي ناقص لك
وفي كل مرة كنت بدخل ، كنت بروح لوحدي عشان فيه حاجة انا خدت بالى منها واللى هيا لو انت بتعمل كويست من كويستات الفورجتن ورلد العبيطة دي اللى بتديلك اكسبرينس بس مش بيجيلك تاليسمان خالص او بتكون نسبة الدروب بتاع التاليسمان قليلة جدا تكاد تكون منعدمه
وكنت كل ماخد حد معايا يكون فاتح كويست منهم ومافيش تاليسمان تجيلنا خالص .. نسبة الفقر بتبقي عالية حبتين
نصيحة .. في آخر 2 بالذات روح لوحدك او خد حد معاك فاتح نفس اللى انت فاتحة (طبعا هتقوم خناقة بعد مايجيلك التاليسمان عشان تشوف مين ياخدها )
وشكراً
أي إستفسار ... انا موجود

وأي حد عنده أي إستفسار انا موجووووووووود على طول ياشباب

الموضوع مش منقول ... الموضوع دا مجهود ذاتي وتم عمل الفيديوهات بإسم سيلك رود فور عرب
شكرا جزيلاً جزيلاً