مــذكــرات شــاب " الــحـــلــقـــه الـــرابـــعـــه "

[super_man619]

بسم الله الرحمن الرحيم
26 يناير 2011

انا هسيبلك الحكم النهارده كان شكله ايه بس هوه عاجبني للغايه ...... روحت الشغل مبهدل و صاحي متاخر المختصر المفيد اني وصلت و فيه بنت دخلت المحل ........
انا حسيت انها عماله تلاغيني ... و انا اتبعت نصيحه الواد مصطفي النسوانجي " التقل صنعه " و ياما سمعت منه امثله من نوعيه " اتك علي الصبر " و " حبها تقرفك و تتف عليها تقرفها " و حجات كلها قرف كده .... المهم كنت بكتبلها اسمها علي الوره الي هتيجي تستلم بيها الصور كان يومين
قامت لقت ورقه فاضيه علي المكتب .... كتبت فيها نمره الموبايل .... امبسطت اوي و قلت " مرسي ابن المعلم الزناتي اتعاكس يا رجاله " .... قلت اشطه اوي و " اتكيت علي الصبر " ( تلت سعات قاعد فيهم متوتر ) ... قاعد اقرقض في ضوافري " لدرجه ان عم يوسف لاحظ " وقال : يا ابني ده الاصافه اليومين دول بخمسه جنيه ( هزار تقيل من بتاع زمان ) ....... فاضل ربع ساعه و يخلصو التلت سعات الي حطيتهم تحدي لنفسي .... " سنين رايحه و سنين جايه بشوف احلـــــ ... " رنه الموبايل بتاعتي ... بفتح اشوف المتصل لقيته " جون " اعز صحابي تقريبا ...
جون : شريف ... بعد ما تخلص الشغل تعلالنا علي القهوه
" حكيتله علي الي حصل ... و قتلته شكلي مش هاجي النهارده "
جون : والعه معاك ياعم " بتسيبنا علشانها يعني "
شريف : سلام يا ابن القراره
و قلت خلاص هكلم البت و اشوف ايه حوارها ......

شريف : الو
الصوت : دخله
شريف : ايه
" صوت في الخلفيه بيقول : هات هات يا عمر التليفون ده علشاني "
صوت انثوي : الو
شريف : دخله " قلت اعملها فيهم بقي "
الصوت : نعم ..
شريف : لا لا مافيش
شريف : هو انتي الي جيتي النهارده الاستوديو
الصوت : ايوه ... ده انت عارفني بقي
شريف : ( مجموعه كبيره من السباب و اللعن في سري علي ام تقل البنات ) .... اه عارفك .... و عايز اتعرف
الصوت : عايز تتعرف ليه بقي
شريف : هو الناس بتتعرف ليه ... " غباوه بقي "
الصوت : انت اسمك ايه
شريف : شريف ... شريف خالد " علي طريقه جيمس ... جيمس بوند "
الصوت : و انا منه ... منه هشام ( علي نفس الطريقه )
شريف : اه الحمد لله " حبيت استعبط بقي
الصوت : نعم ... ( اتعودت انا علي الرد ده )
" كان نفسي اطلعلها سيموفونيه جميله من مناخيري علي ام الرصيد الي بتخلصه "
شريف : انا بهزر معاكي بس مالك
الصوت : انا عايزه اشوفك
" هنا و قلت ابو ام اي حظر تجول هشوفها يعني هشوفها "
شريف : و انا كمان " بس فين و ازاي و امتي و الاهم من ده و ده ... ليه "
الصوت : ايه رئيك في المريلاند
شريف : حلو اوي ( جتلي في حتتي )
اتشيكت و اتبرفنت و لبست و اتظبطت و خدت ميت جنيه من المرتب الي بيكح اهو بعد ما قبضته بيومين .... و روحنا " بعيد عنك فضلت مستني نص ساعه علي ما جت "
( واحد منكم هيسائل سؤال : عرفتو شكل بعض ازاي ..... هقوله نبيه اوي يا تيت )
ماهي جاتلي المحل الصبح ......
تحسبا للظروف قالتلي استني جنب بتاع البلالين الي عند البوابه ... " قلنا ماشي اوي اوي
روحت وقفت جنب بتاع البلالين و سلمت عليه بكل عشم لدرجه ان البلالين كانت هتطير
لا و ايه اشتريت منه بالونه هيلوم عربون صداقه " طول عمري نفسي اشتري بالونه هيلوم اشتريتها و سبتها في الهوا " ... في الحقيقه هيا طارت من ايدي مش انا الي سبتها
المهم بسبب طول المده الي استنيتها لازم اسئل بتاع البلالين شويه عن مهنته
شريف : ازيك يا حج ... ممكن اتشرف باسمك
الحج جداوي : محسوبك جداوي
شريف : ربنا يخليك ... بقولك يا حج هيا شغلانه البلالين ديه مكسبها حلو "
( و حكالي حكاوي كتير بتبين قد ايه هوه بيكسب و اما سالتها البلالين بيجبها منين قالي بكل اسي ان هوه بيسرح بيها )
" من الحكاوي الي حكاها كان نفسي اقوله لولا العيبه كنت وقفت ابيع جنبك "
في هذه اللحظه تاتي الشخصيه الي كنت مستنيها !!! منه هشام !!!!
" سلمنا علي بعض و بوس و احضان و تيييييييييت و كده "

المهم دخلنا و اتكلمنا سوا شويه و قالتلي بعد ما رغينا شويه .... يا ريت نبقي صحاب
قلتلها و انا كمان نفسي نبقي صحاب ... انا حاسس اني ارتحتلك ... قالتلي و انا كمان حاسه اني اعرفك من زمان
رديت : مممممم
و فضلنا نتمشي " و ركبنا الفنجان و السيموليتور و ظبطتها من الاخر " ( كله علي حسابي هه )
عدا اليوم الحمد لله و اظن " منه هشام " هيتذكر اسمها في معظم الحلقات الجايه .. ادعولي يا رجاله