|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
07-12-2010, 04:47 PM
|
#1 | ||||||||||
  
|
عارفه انا بكتبلك ليه النهارده اصلى بصراحه نفسى اقولك انى بحبك اوى انا بحبك من الزمان ...ومش عارف انتى حاسه حبى الكبير ده ليكى ولالا عارفه انا اوقات كتير اوى بكون زعلان منك بس عمرى فى يوم مالقتنى بكرهك كنت ببقى هتجنن لو اسمع حد يقول عنك كلمه مش حلوة انا مكنتش بسكت على كده بس عارف الصعب لما كان حد يقول عنك كلمه وانا مقدرش ارد غيبتك انتى مش غريبه والحال على يدك وكله ادامك انا متهيلى انتى كمان بتحبينى صح ولا انا بيتهيقلى انا دايما بقول انك بتحبينى بس فى ظروف كتير بتمنعك انك تقوليلى انك انتى كمان بتحبينى اوى بصراحه بحاول دايما الاقيلك الاعذار اللى تخليكى حلوة فى عنيا بالك لو الف مليون حد غيرك واحلى ممكن اروحله ابداااا حتى لو كان مين انا بحبك بكل مافيكى بحبك لما كنت اصحى الصبح على صوت بتاع اللبن وهو بينادى ويخبط على الباب وافتحله وانا عرف ان هو وامدله ايدى بالحاجه اللى هيحط فيها اللبن ويدينى اللبن ويمشى ولا اعرف حط اد ايه ولا قالى هات الفلوس وبعدين يجى يحاسب بحبك اما اصحى الصبح واسمع اغنيه ياصباح الخير ياللى معانا انا دايما عندى احساس انى احسن من ناس كتير اوى لانك انتى حبيبتى ولا رمضان اللى بيجى قبل معاهد بشهرين ونبقى فرحانين دايما ونعلق الزينه واللمض نعلقها فى الشارع ونلعب كوره لحد السحور ونكسر اللمض اللى لسه معلقنها امبارح والناس تزعق ان هما صدعوا ولما نقولهم معلش يسيبونا نلعب ساعتين كمان بحبك وانتى بتضحكى بلاقى وشوش الناس كلها هم وشقى وفى نفس الوقت بيضحكو كنت دايما بحس ان الناس دى بتخانق ا لهم والهم يخانقهم ومعرفش يغلبهم ولا هيعرف باذن الله . عارفه انا لما كبرت شويه بشويه ودخلت الثانويه وخلصتها ودخلت الكليه اللى مبحبهاش وقولت انت اللى مزاكرتش هى مالها وذنبها ايه وخلصت الكليه وعارفه كان عندى امل انى اقدر اعملك حاجه كنت دايما بقول لاصحابى اللى نفسهم يسافرو ليه نسافر خلينا هنا البلد محتاجانا كنت بقولهم ان لو كل واحد كبر واتعلم ورجلته شالته قال هسافر مين اللى هيفضلها انا عمرى مازعلت منك علشان حالك على قدك لا كنت راضى دايما وبقول الحمد لله مش ظروفك اللى تخلينى اهرب منك وارميكى وكنت بحاول اصبر معاكى بس لما تضييقيها اوى اوى كده انا هسافر انا اصلا مقدرش ابعد بس هروح اشتغل واتعب واعمل قرشين واجيلك اعمل مشروع وربنا يكرمنى عارفه بعد ماسافرت وسيبتك انا عرفت قيمتك كنت بحس انك قاسيه عليا بس اللى يشوف مرات الاب يعرف قيمه الام هنا العيشه حلوة وفى فلوس والشوارع نضيفه والناس بتلمع بس حاسس انى مخنوق حاسس اننا فى حوض سمك او اننا فى زهريه فيها ورد بلاستك وحشتينى ياما ونفسى ارجعلك وانا هدومى نضيفه وحلوة افتكرتك افتكرت امال لعبت فى الشارع وكنت لسه مستحمى وكنت خايف اطلع البيت وكنت باخد علقه دايما بس كله يهون فى حبك وفاكرك اما كنت اجيب الهدوم الجديده بتاعت العيد ومكنتش الفرحه ف الهدوم كانت الفرحه فى اللف ع الهدوم والدنيا زحمه بس كلهم بيضحكو ومبسوطين وكنت بشوف نظرة امى وابتسامتها ليا بعد ماتجيبلى البس اللى عجبنى وتسالنى مبسوط ؟ اقولها ربنا يخليكى ليا وحشتنى دوشه العتبه وزحمه الموسكى من كتر الناس اللى فيه وريحه الحمزاوى والحسين وحشتنى الغوريه ووحشنى باب الشعريه والخرنفش ووحشنى الناس اللى هناك عارفه انا نفسى ارجع عيل صغير واجرى فى شوارعك من تانى وهدومى تتبهدل بس بلاش علق المرادى بلاش اوصفلك احنا عاملين هنا ازاى مفيش حاجه خالص ليها طعم ولا اعياد ولا اى مناسبه خالص ومحدش له دعوه بحد نهائى انا حتى واما كبير فى مصر فاكر اما كنت اصلى العيد واخلص ويبقى جايا فرحه الدنيا كلها وكانى عندى 8 سنين وعايز احضن كل اللى يقابلنى واقوله كل سنه وانت طيب عيد سعيد عليك وابقى مش عايز الوقت يمر واقول فى نفسى فعلا العيد فرحه بس هو الحقيقه الفرحه كل دقيقه بقضيها معاكى وفى حضك طب انا اما ارجع وجرى عليكى هلاقيكى فاتحالى حضنك وعايزانى ومشتقالى بردو ولا الزمن غيرك يا ما نفسى الحب اللى بقنع نفسى انك بتحبينى ده الاقيكى بتعبرى مرة وتضحكيلى يابلادى ياغاليه ياقاسيه يامراكب الحب الراسيه وملامح الهم الكاسيه اوعى تكونيلى ناسيه انا قصه حب الماضى وغرامنا ف بيت القاضى تشهد عنه شوارعنا انا يمكن بزعل منك انما انا بردو بحبك نفسى ارجعلك واحكيلك ومن مر الغربه اشكيك ومن اخر الدنيا اناديلك والاقيكى فاتحالى حضنك سيد شعبان - كاتب مصري ساخر |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| كلمـات ذهبية .. حطها حلقة فـ ودنـك :) | ™_MoameN_™ | بـعـيـدآ عـن سـيـلـك رود | 24 | 09-02-2012 03:16 AM |
.gif){kind=icon}
العرض الشجري