ارجو الدخول للاهمية القصوى

[Achilless]

يا جماعة انا شايف ان الناس منتظرة اللعبة حوالى 18 ساعة من ال 24 ساعة
طب مانحاول نعمل حاجة مفيدة
بدل ما انت قاعد اول ماتسمع الاذان روح صلى
الفرض بياخد 10 دقايق مش مضلعة يعنى
ما انت قاعد قدام الجهاز فى ملل مستنى
فيها ايه اما تبقى بين ايدين ربنا


وثانيا الناس اللى مش عرفة تنظم وقت الدراسة مع اللعب
يعنى فيها ايه اما تذاكر فى اليوم من 3-4 ساعات
وتقعد مع اصحابك ساعة ولا اتنين
وتقعد تلعب 4 ساعات وتبقى قاعد وانت مستريح مخلص كل اللى وراك مفيش حد يقدر يقولك زاكر لآنك مخلص اللى وراك
وفيها ايه ياعم لو حد قالك روح هات حاجة مش ذنب هو ولا جريمة اما تسيب الجهاز 10 ولا 15 دقيقة
بس المشكلة ان كل واحد بيفكر فى اللعبة طول اليوم وفى مننا بيحلم بيها ودا لآن عقله الباطن بيفكر فى اللعبة
على فكرة لو نظمت وقتك هتجمع بين حاجات كتير انت بتحبها ومحدش هيزعل منك
واهم حاجة الصلاة عشان ربنا يبقى راضى عنك فى كل حاجة بتعملها
وربنا يهدينا ويهديكم

وكمان الناس اللى بتخسر صحابها بسبب لعبة دى فى الاول والاخر سبب من اسباب التسلية والصداقة
بتعلمك ازاى تبقى متعاون مش انانى تخسر اصحابك عشان حاجة تافهة
ثم اصحابك هما الى هيقفوا معاك فى اول محنة

صدقونى لو حد عمل اللى انا قولته دا
هتلاقى كل حاجة سهلة قدامك لآنك راضيت اهلك وربك وكمان مزعلتش اصحابك منك ولا الناس اللى بتحبك