مهم لكل الاعضاء

[Moo_9aa7yy]

بسم لله الرحمن الرحيم يا جماعة الموضوع ده مهم ولله جدا لكل الاعضاء و بل ذات الادارة
انا شايف ان ادارة المنتدى مش مهتمة اوى بل مواضيع زى المنتديات دى للاسف الشديد و دى
الى مسهل عملية السرقة و النصب بين الاعضاء سواء كان فى العبة او فى الحقيقة و بجد الناس مبقاش عندها ضمير ولا فى العبة ولا فى الحقيقة و الجشع وصل الناس لحاجة غريبة جداً ولله العظيم السرقة بقت عاملة زى الادمان لو مسرقش ممكن يحصلو حاجة و كفاية فى العبة الى مش بنسمع غير مصريين نازلين شتمية فى بعض ده يقول ده سرقنى ده يقول ده سكامنى و مواضيع غريبة جداً الموقف ده حصل معيا و انا بجد زعلت انا سمعت عن
PowerRangers / Tarek zizo و هما دول اكتر ناس سمعت اساميهم فى المنتدى و عن ثقة و تجربة اصحاب
لقيت انهاردة واحد كاتب موضوع بس شكل الموضوع اتمسح او الاخ حذفو لله اعلم عامل ايميل بأسم
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] و منتحل شخصية الاخ tarek zizo و انا معيا ايميل طارق القديم بس حبيت اعرف اذا كان ده طارق بجد ولا نصابية المهم ضفت الايميل و اتكلمت معاة و طبعاً مع وجود ضحية جديدة الاخ بتجيلة طاقة رهيبة و سرعة فى الرد نبتدى الكلام و للأسف ولله ملحقتش اجيب الشات لان النت فصل و الياهو عمل Re-Connecte

الاخ : ايوة يا باشا انا طارق من سيلكرود 4 عرب

انا : اهلا سهلا اخيرا يا باشا عرفنا نتكلم ولله انا قلت مفيش أمل

الاخ : معلش بقى انت عارف انا مشغول اد اية و الزباين على راسى

انا : ربنا معاك و يكرمك يارب معلش بقى استحمل

الاخ : شكـراً المهم اى خدمة

انا : انا كنت عاوز 100 سيلك بس

الاخ : اكيد انت لو عاوز 50000 سيلك موجود

انا : ربنا يخليك يا جميل انا محتاج 100 سيلك

الاخ : اوك يا باشا مفيش مشاكل انا تحت امرك

انا : ربنا يخيلك المهم ممكن نتقابل

الاخ : للأسف الشديد انا مش بقابل حد غير لما يكون المبلغ فوق 300 جنية

انا : اووف طيب ازاى هنتعامل دى اول مرة

الاخ : انت ممكن تبعتلى رصيد 100 سيلك تمنهم 25 جنية ( موبنيل - فودافون )

انا : مش فاهم يعنى تبعتلى 25 موبينيل و 25 فودافون

الاخ : يعنـى تشحنلى رصيد و تشحن للأخ الى هيشحنلك السيلك لانو هيتعب

انا : بس كدا 50 جنية و ال 100 سيلك ب 15 جنية

الاخ : ما يا مان الاسعار طلعت اليومين دول كل سنة و انت طيب و مارى كرييسميس

انا : لا شكـراً يا جميل ولله انا كنت عامل حسابى على 15

الاخ : استنـى

الاخ : استنى

الاخ : استنى !!!!!!!!!!

انا : موجود ؟

انا : مالك

الاخ : خلاص اشحن ب 15 جنية بس دى اول و اخر مرة

انا : انت نسيتنى يا طارق انا مطصفى يا واد الى شحنت منك امبارح

الاخ : ما انا عارف اشحنلى بقى يا مصطفى و لو عاوز مليار ب 40 جنية معيا

انا : انا شحنت منك امبارح كام سيلك يا طارق ؟

الاخ : ياااة يا مصطفى خلص بقى ابعت الرصيد دولقتى علشان ال GM هينام

انا : مش مشكلة خلاص مش عاوز

الاخ : يلا يا ابن ........... و ابن ....... يلعن .... اهلك

انا : شكرا يا جميل



و الكل يخلى بالو يا جماعة علشان محدش يقع فى الفخ الى انا وقعت فية و انا الحمد لله مبعتش فلوس لانى

كنت زمانى لبست فى الحيطـة دولقتى

افضل طريقة للتعامل ( انك تقابل الى هبيع وش ل وش ) محدش يصدق اى حد

و لو حلف بالله او بل المسيح محدش يصدقوووو


خلى بالكم يا جماعة