تاريخ الكمبيوتر!!

[egysaad]

بسم الله الرحمن الرحيم

نبدا بقي الموضوع الاول فى الكلام الجميل الى احنا قلناه فى موضوع عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

المراجع

- Introduction to computer science
By / Taher Hamza

احنا كل يوم بنستخدم الكمبيوتر بس هل حد فينا يعرف ايه هو الكمبيوتر؟؟
- الكمبيوتر عباره عن اله تقدر تقوم بالعمليات المعقده فى ثانيه الى الانسان العادي يعملها فى ساعات!!

طيب ياتري ايه هو اول تطبيق الكتروني فى مجال الكمبيوتر؟؟
- اول جهاز اقرب الى الكمبيوتر كان جهاز اسمه إنجما (Enigma machine) ودي كان بيستخدمها الجيش الالماني للتواصل اللاسلكي

ودي صوره للجهاز


تعالوا بقي نتكلم عن مجالات الكمبيوتر بقي :-

1- المنطق الرياضي

يا نهار اسود هو الراجل ده هيخش فى المنطق والفلسفه؟؟:eek::eek: لا احنا نخلع

لا يارجاله استنوا:p:p
المنطق الرياضي هو اللغه الى بيتعامل بيها الكمبيوتر وهى عباره عن 0 و 1 يعني المعلومات بتروح للكمبيوتر على شكل 0 و 1 بس ازاي بقي 0 و 1 ........... اقولك انا ازاي (زرار الكهربا بيبقي فيه On و Off صح؟؟ On هى 1 Off هى 0 ) يعني المعلومات بتبقي اشارات كهربيه
2- نظريه الارقام

نظرية من البراهين للعثور على أدلة في المجال بسيطة من الأعداد الصحيحة المستخدمة في الترميز(التشفير) ، وكذلك في مجال اختبار الذكاء الاصطناعي( الانسان الالى).

3- نظريه التخطيطات Graph theory

المخططات هى اساس الجرافيك وعلم المخططات هو اساس لهيكل البيانات والخوارزميات.

4- نظريه النوع
بتتكلم عن تحليل انواع البيانات وازاي نستخدم الكلام ده فى فهم خصائص البرنامج

5- التصنيف

وسيلة من وسائل جمع كل من الرياضيات و علم الكمبيوتر في توليفة واحدة او طريقه واحده

6- هندسه الحاسبات

عباره عن دراسه خوارزميات(Algorithms ) لحل مشكلات فى مجال هندسه الحاسبات


الكلام ده بقي كله كان كلام دش :D بس هنعرفه اكتير فى مواضيعنا الجايه انشالله

معلش انا عارف انكوا جالكوا صداع:(:( بس خليكوا معايا عشان الكلام الجاي والله زي العسل

Data Structure بناء البيانات



طبعا كلنا عارفين ان لعبه زي سيلكرود مثلا بتتعامل بالبيانات يعني لما تيجي تتضرب وحش مثلا وتتكي عليه الوحش ده ليه بيانات يعني اسمه - مستواه - بيدي exp قد ايه - شكله عامل ازاي - بيبقي موجود فين
بس دي طبعا بيانات خفيفه يعني لاتقارن بالبينات الى بيتعامل معاها الكمبيوتر
والكمبيوتر بيتعامل بالبيانات دايما ودائما وابدا يعني ...........ندخل فى المفيد!!!

فى علم الكمبيوتر , بناء البيانات هى طريقه لتخزين البيانات فى الكمبيوتر لكي يعمل بكفاءه, طريقه هيكله البيانات المختاره بدقه عاده تساعد فى استخدام اكفأ للبرنامج(على سبيل المثال)

وهيكله البينات تستخدم فى البرمجه....بحيث ان فكره البناء نفسها هى الخطوه الاولي فى بناء برنامج يعني لو فكرتك فى بناء البينات بطريقه معينه فكره جامده البرنامج هيكون برنامج جامد :p:p

وبما ان طريقه بناء او هيكله البيانات مهمه وحاسمه شركات كتير جدا عملت طرق Standard او اساسيه فى هيكله البيانات مثلا :-

-C++ Standard Template Library
- Java Framework Library
- Microsoft .Net Framework

دي كلها طرق لهيكله البيانات جاهزه عشان البرنامج الى احنا بنستخدمه او بنعمله يكون برنامج كفأ او بيشتغل بكفاءه

كفايه بقي كده عشان دماغكوا تستريح من الصداع

كده انا خلصت الموضوع
الموضوع الجاي انشالله عن

ياريت الى عنده اسئله تبقي فى الردود

لغات البرمجه و المترجم Programming Languages And Compilers