ايه اللي بيحصل في القسم... ارجو الدخول والرد

[ahmedienoo]

اولا قبل ما ارد احب اوجه شكر وتحيه لمأمون
انه جاب الموضوع ده من علي لساني بجدالموضوع بقي ممل قوي
انا سافرت 4 شهور رجعت لقيت القسم بقي صحرا والمواضيع مخالف وفرانكوا وقلق
والمشرفين مش بيدخلوا وكان فيه قله تنسيق وتنظيم
بس الوقتي الوضع ابتدي يتظبط عن الاول لما مسك ياسر اشراف القسم
بس الي ناقص يبقي فيه تفاعل من الاعضاء ويبقي فيه شويه دعايه للقسم
انا فاكر زمان وبالزات في الدراسه القسم ده كان نااار واعضاء وردود ومواضيع ومشاركات وتحدي
وبجد انا كنت بقضي في القسم ده احلي وقت بالزات مع الناس المحترمه
حتي الواحد كان عنده روح الابداع وكنت احب اعمل مواضيع بطريقه جديده والناس كانت بتشارك
وغير ده ود ناس كتير كانت ليهم بصمنه في القسم سابو الجيم والي سافر والي راح الجيش والي والي
وحتي الناس الي ما سابتش الجيم لما بقت تدخل المنتدي في الشهور الي فاتت بتلاقي مفيش تجديد ولا تنظيم اكيد بيمل مش بيدخل تاني بس اكيد مع الوقت ومع حسن الاداره يمكن نقدر نرجع الكلام ده تاني
والله بجد انا حزين علي الوضع الي القسم بقي فيه
ده احنا كنا من الاقسام المتميزه في المنتدي كله وكان بيشارك ناس كتيير من بره القسم من حلاوه المواضيع والاستفسارات والاسئله
بس ان شاء الله احنا الاعضاء ومع ياسر في الاشراف نحاول نرجع كل ده تاني
بس ننوي
وشكرا يا مأمون علي الموضوع الجميل ده بجد انت من الناس الي الواحد يتشرف بمعرفتك :)