The Guild WAR .. System & Time

[Al.Qanas]

السلام عليكم ورحمة الله وبركاتة ..

لأول مرة أمبارح يوم الخميس 11/9/2009 جربنا أول Guild War بين جيلد PuNiSh3rZ وجيلد EGYPT
الوار كانت جميله بصراحة جدا مع اننا انهزمنا بس كان فيه فرق قدرات والجيلدين لعبوا حلو بصراحة
علشان كدة حبيت احط الموضوع دة النهاردة علشان افهم الناس اية الحكاية وبنلعب ازاى ونظام اللعب اية .

وكمان بعد كدة هيكون هنا اتفاقنا على اى حرب بين اى جيلد والتانى وميعاد الحرب والمقومات ونتفق هنا على كل حاجة بإذن الله .
بعد اول تجربة أمبارح الحمد لله بين الجيلدين اكتشفنا وفهمنا الحرب كويس . ودة النظام بتاعها طبقا للعبه :-

- الاول لازم الجيلد يكون مش فى اليونيون وعلشان كدة لو جيلد هيحارب جيلد تانى ومعاه فى اليونيون بيخرج لحد بعد الحرب ويرجع اليونيون تانى زى ما عملنا امبارح

- الاتفاق بيكون بين الماستر بتاع الجيلد فقط وهو الوحيد اللى ليه الحق انه ينهى الحرب او لاء بس وقت ما تنهيها قبل ميعدها بيتحدد مين اللى كسب حسب البوينت اللى جمعها وهفهمك دلوقتى موضوع البوينت دة برددو .

- الحرب بتكون محدد ليها وقت معين او نقط معينة او الاتنين مع بعض . يعنى ممكن تحدد الحرب لمدة ساعة واحدة بس . وممكن تحدد الحرب ان الجيلد اللى يحصل على 10.000 بوينت يكون كسب . وممكن تحدد الاتنين مع بعض بمعنى انك تعمل الوقت ساعة . والبوينت 10.000 . يعنى لو جيلد جاب ال 10.000 بوينت قبل ما الساعة تخلص هيكسب . ولو محدش جاب ال 10.000 قبل الوقت ما يخلص . بعد ما ينتهى الوقت بتتحدد النتيجة على حسب البوينتات اللى اتجمعت ف الساعة دى واللى جمع اكتر يكسب .

- البوينت دى اللى بتاخدها لما تموت اى واحد من الجيلد الخصم . وعلشان تجيب بوينت حلو مش تموت واحد اقل منك بكتير . يعنى انا امبارح كنت ليفل 85 وللاسف كان بيجي قدامى كتير ناس ليفل قليل وكنت بموتهم طبعا من غير ما اكتشف موضوع البوينت دة ومسكنا الحرب لفترة طويله لدرجة اننا فكرت انى هكسب الوار لكن اكتشفت ف الاخر انى مش جمعت غير 450 بوينت بس . على الرغم من ان ناس تانية موتت اقل منى بكتييييييييير لكن جمعوا 3000 بوينت بس دة لانهم بيموتوا ناس من الليفل بتاعهم او اعلى كمان او اقل منهم بليفل او اتنين .

- الحرب دى ممكن تكون على فلوس او جولد يعنى وممكن تتعمل مجرد حرب يعنى مش على جولد زى ما احنا عملنا امبارح . فى حاله تحديد الجولد فأنتم بتحددوه واللى يكسب بيروح للجيلد مانجر وياخد منه الجولد " Recive Guild War Award " وبياخدوا الجولد اللى كسبوه .

- الحرب بتتعمل فى اى مكان خارج المدينة . يعنى مجرد بدأ الحرب .. اى واحد خارج المدينة من الجيلدين يحق للخصم اللى ف الحرب قدامه انه يضربه ويموته وياخد بوينتات عليه طبعا .

- عيب الحرب هو خسارة فى ال EXP .. اللى بيموت فى الحرب بيخسر كمية بسيطة من ال EXP مش بتزيد تقريبا عن 00.08 او ممكن اقل او اكتر بحاجة بسيطة جدا جدا يعنى .

- تانى عيب هو انك لما بتموت ممكن ودة فى قليل من الاحيان انك يقع منك ايتمات .. علشان كدة ياريت اى واحد فى الحرب مش يشيل فى شنطتة غير الاتش بى والام بى ولو معاه سكرولات هيستخدمها وبس . وسلاح الصب كلاس طبعا لو هو اوربى .

- تالت عيب هو انك لما بتموت ومفيش حد عملك Res لازم ترجع المدينة وتيجي من الاول وفى الحاله دى بتبقى مشكلة لو مكان الجيلد وار بعيد عن المدينة زى ما احنا عملنا امبارح .

- رابع حاجة وياريت كله يخلى باله منها .. فى حاله انهاء الحرب بيكتب على الشاشة ان الحرب اتقفلت او بمعنى اصل اتلغت وجارى قفلها فى خلال دقيقة .. محدش يهاجم اى حد لما يشوف الرسالة دى .. لانها حصلت امبارح لما لغينا الحرب واتنين من الجيلد بتوعى بقوا ميردر .


دة اللى عرفناه واستفادنا منه فى التجربة بتاع حرب امبارح وكانت فعلا تجربة شيقة جدا وعجبتنى اوى بس محتاجة شوية تنظيم كمان وتبقى زى الفل ونحدد ليها ميعاد ثابت ونلعب فيه ونظبط مع بعض كدة ومسلية جدا على فكرة .

اى حاجة هفتكرها او اكون مش ضيفتها او حد عرف حاجة عن قوانين الجيلد وار مش مكتوب ياريت يقولها وانا هعدل الموضوع واضيفها

دة كان نظام الجيلد من اللعبة نفسها وقوانين اللعب فى حرب الجيلدات
لكن لسة احنا محتاجين نظام بينا وبين بعض نتفق عليه اثناء اللعب زى تحديد المكان وتحديد الليفيلات اللى هتلعب ومدة ووقت الحرب وتوافق القوى بينها وبين بعض وتقسيم اماكن لكل مجموعة ليفيلات علشان البوينتات تتجمع صح ومش يبقى فيه ظلم او لخبطة .

دة اللى انا محتاج اتناقش معاكم فيه وكل واحد يقول رأية ونجمع دستور كامل لحرب الجيلد ونحطها فى الموضوع علشان يبقى سهل بعد كدة نلعب واحنا متفقين ونبدأ بسرعة ..

شكرا لكل اللى قرا الموضوع
وشكرا لكل اللى شارك معانا فى الحرب امبارح .
وشكرا لجيلد ايجبت وباجى اللى شاركونا فى الحرب امبارح

اشوفكم على خير ..
باى