سعد الصغير ينجح فى جمع 55 ألف توكيل للترشح للرئاسة

[CHeeToS]

أكد المغني الشعبى سعد الصغير انه سيتوجه الثلاثاء المقبل لسحب أوراق ترشحه للانتخابات الرئاسية المصرية بعدما تمكن من جمع 55 ألف توكيل سيقوم بإظهارها بنفسه توكيلا توكيلا يوم سحب أوراق ترشحه.
ففى حوار له أكد الصغير إنه لا يجد عيبا في ترشحه، وسط الكم الهائل من المرشحين الذين قاموا بسحب أوراق ترشحهم خلال الفترة الماضية.
وأشار أن هذا العدد الهائل من المرشحين قد أساء لكرسي رئيس مصر، وبالتالي وجد أنه لا يقِل شيئا عن هؤلاء المرشحين، بل بالعكس هو مشهور عنهم ويعرفه الناس جيدا.
وأوضح سعد ان الحظ قد خدمه حينما قرر دخول مجال الغناء، وربما يلعب الحظ دوره للمرة الثانية بفوزه في انتخابات الرئاسة في مصر خاصة انه استطاع جمع كم هائل من التوكيلات.
وبخصوص عدم إلمامه بخلفيات الأمور السياسية -كما صرح فى أكثر من مناسبة- قال إنه سيستعين ببعض السياسيين المحنكين لكي يساعدوه في الإلمام بكل التفاصيل السياسية.
ووعد سعد الصغير بتفجير عدد من المفاجآت خلال الأيام القادمة، حيث سيكشف ما الذي جعله يجن في عقله -على حد قوله- لكي يقدم على تلك الخطوة، وكيف استطاع جمع هذا العدد الكبير من التوكيلات.
وكشف سعد عن استعداده لتسجيل أغنية جديدة ستكون بمثابة أغنيته الدعائية لحملته الانتخابية، تعاون خلالها مع الشاعر بهاء الدين محمد والملحن محمد عبد المنعم.
وتقول الأغنية: "أنا واد جدع وطيب وعارف ظروفكوا كويس.. ماشي بما يرضي الله ولا بعط ولا بهيس.. جد مليش في الهزار أخدمكوا ليل ونهار.. من الآخر باختصار أنا عايز أبقى الريس".
وفي مقطع آخر يقول سعد الصغير: "هدي كل واحد شقة وتوك توك مرخص.. وإذا كان على الإنجليزي وأنا رايح لأوباما.. هاخد معايا مترجم ونرجع بالسلامة".
وفى النهاية أعلن سعد الصغير اعتزامه اعتزال الغناء فى حال فوزه بالرئاسة لكي يتفرغ لأحوال المواطنين الغلابة -بحسب كلامه- الذين سيكونون على رأس أولوياته؛ حيث سيقرر علاج جميع المواطنين مجانا، كى لا يضطر أحد لمخالفة القانون من أجل الحصول على مصاريف العلاج.



الفيديو لتأكيد الخبر


المصدر


هاااااااار اسود

أنا بحب سعد جدا

لكن لحد كده هنفخك ياض انت

[winnie]

ههههههههههههه

سعد الصغير كان مرشح نفسة ......... خربت

[HoaxBoii]

لو المنتدى هنا بيسمح بالكلام الغير لائق كنت كتبت كلام يانهار اسود
بس يلا ماهو فاضل ابويا يرشح بالمره
احيــــــــــــــــــــــــــــــــــــــــــــه

[Kemo Eagle]

المشاركة الأصلية كتبت بواسطة CHeetos

وأشار أن هذا العدد الهائل من المرشحين قد أساء لكرسي رئيس مصر،

هــو مــش هيسئ للكرسى

اه صحيح هيطلع يغنى عليه الحمر الحمار الحمار

انا شايف ان الشعب ماسك فى الكرسى اكنو سبوبه ع رأى محمد باكوس المُرشح المحتم
لرئاسة الجمهوريه !!

[™_Ramses_™]

حسبي الله ونعم الوكيل

مش ناقص غير مروة هي كمان ترشح نفسهل ماهي خلاص بقت كباريه مش دولة محترمة ليها تاريخ

[Metro]

ودة هيعمل اية ان شاء الله هيطلع يغني شعبي علي كرسي الرئاسة

حازم ابو اسماعيل رئيس مصر الجاي ان شاء الله

[CrazySoraqa]

بالمره يجيبو هيفا ونانسى وروبى عشان البلد تووولع بينا ويجيبو دينا ترقص

[Wally]

الكوسة وصلت بنسبة 90%

ناقص ايه تانى ؟ هيفاء وهبى >.<

[Delivery]

ولسه الجاي احليييييييي
تامر حسني قريب ههههههه

[Mr.D3MO]

نياهاهاهاهاهاهاهاه



خربت -.-

[Sky_AnGel]

هية نقصة طب سؤال بس هو عيحكم الشعب ولا حيرقص الشعب تفرق بردو

[m_mm622]

سعد الصغير هيرشح نفسه للرئاسه

ع الواحدة كــــــــــــــــله يرقص ....

[ALEX_MOON]

انا مش مستغرب من ان هو يترشح انا اللى مستغربله مين ال 55 الف اللى صقفولوا قصدى صوتولوا ^^

[DeMooN_Hell]

خربت

[elhaidi]

للدرجة دى رئيس مصر بقا مالوش اى لزمة و توصل بواحد زى سعد الصغير و غيرة انهم يقدمو نفسهم للرئاسة دة على اساس لو كان ابوتريكة رشح نفسة كان زمانو اكتسح

حد فيكم كدة يقول الكلمة دة كدة و يفكر فيها

حكم مصرر
فكر فى الناس
فكر فى ال85 ملليون و اكتر الى هتكون مسؤل عنهم
فكر فى مشاكلهم
فكر فى همهم
فى هتقدم بلدك ازاى
فكر هنكون بلد اقتصادية و زراعية ازاى
فكر فى اهم حاجة انت ناسيها انك هتتحاسب على المسؤولية الى هتمسكها
الخ الخ الخ الخ .......

خود لك بقا جنب و فكر هتتعب والله شوفت بقا

لسة ماوصلناس للمرتبة االولى للوعى و الفهم لسة الجهل مغطى علينا

ولو فى الفاظ تتقال فى المنتدى كان زمان كل كلامى الى فات TeeeeeeeeeeeeeeeT