◄█▓▒░ رابطة مشجعى القلعة البيضاء Ű.Ŵ.Ķ﴾Ž’MAŁĘќ﴿ Fans ░▒▓█►

[GOOD_WIIZARD]

المشاركة الأصلية كتبت بواسطة strqueen

عـادى يا رجالة ماتلوموش حسن شحاتة دلوقتى
ممكن نقول انه لسه ما انسجمش مع الفريق

بقاله كتير برضه مع الزمالك يا بوب ... واللاعيبه اللي في الزمالك كانت معاه قبل كده في المنتخب
وكمان معاه فريق تقيل و جامد ... حرام بجد يخسر بالطريقه دي ... الناس كانت عايزه الكاس باي طريقه عشان المؤيه

[WadCool]

حرام بجد اي كلمه تتقال علي شحاته والجماهير امبارح نرفزتي بجد لما بتقولك الشعب يريد العميد

يا عم شعب مين انتوا مين اصلا ؟؟

شحاته تغيراته امبارح مكانتش الجامده اوي بس هو لعب حلو كل الماتشات اللي لعبها مع الزمالك لغايه دلوقتي معلش الدوري احلي اكيد ان شاء الله

[WadCool]

بالرغم من خسارة الزمالك للبطولة التى طالما اشتاقت لها جماهيره طوال الفترة الماضيه، وخطفها انبي من تحت أقدام لاعبي الزمالك في لحظات، إلا أن هناك إيجابيات كثيرة ظهرت خلال هذه المباراة، بصرف النظر عما وقع من سلبيات لم تكن مؤثرة، فإن الإيجابيات كانت أكثر وضوحا وتأثيرا.

1 – الجماهير:

رسمت جماهير الزمالك في مباراة أمس صورة إيجابية لم تحدث منذ سنوات طويله، فامتلأ استاد القاهرة عن اخرة بجماهير القلعه البيضاء في مشهد غير معتاد، لترسم صورة حضارية رائعه.

ساندت الجماهير فريقها حتى الدقائق الأخيرة من اللقاء بالرغم من تاخره بهدفين لهدف، وظلت تشجع حتى صافرة الحكم، ثم غادرت مباشرة فور انتهاء اللقاء ولم تحدث منها اي تجاوزات سواء داخل وخارج الملعب، إلا قليلا من الجماهير، وهذا أمر طبيعي، ولم يكن أحد يتخيل أن الأمر سيمر بسلام فى حالة خسارة الزمالك، ولكنه مر بسلام دون وقوع اى تجاوزات.


2 – الروح الرياضية للمعلم:


أعطى حسن شحاته مثالا واقعيا في الروح الرياضيه عندما توجه احمد رؤوف مهاجم انبي ولاعب المنتخب لمدربه السابق، والمدير الفني لنادي الزمالك أمام غرفة خلع ملابس اللاعبين، وقال لشحاته "هارد لك يا كابتن"، فقبل شحاته رأسه وقال له "مبروك يا رؤوف"، مع ابتسامه هادئه من المعلم، بالرغم من حزنه الشديد لخسارة البطولة التى تنتظرها جماهير الزمالك.


3 – الروح الرياضية للصقر:


عقب المباراة توجه أحمد حسن قائد منتخب مصر إلى عبد الظاهر السقا مدافع انبي أمام غرف خلع الملابس من أجل الإطمئنان عليه بعد الإصابة التى تعرض لها الأخير، ليعطي مثالا أخر في الروح الرياضية التى سادت القلعه البيضاء عقب الهزيمة.

ويرتبط أحمد حسن بعلاقة صداقه كبيرة مع عبد الظاهر السقا زميله في المنتخب، منذ ان كان الثنائي محترف في تركيا.


4 - أداء الزمالك المميز:


بصرف النظر عن الهزيمة إلا أن نادي الزمالك ظهر خلال اللقاء بأداء جيد ومتميز وكان الاقرب لتحقيق الفوز باللقاء لولا عدم التوفيق الذي صاحب اللاعبين وقاد الزمالك لخسارة الكأس.


5 - احترام وتقدير الجماهير:


خرج اسماعيلي يوسف مدرب نادي الزمالك بتصريح عبر أحدى الفضائيات يعتذر فيه لجماهير نادي الزمالك على خسارة البطولة ويحمل عدم التوفيق المسؤولية، دون إلقاء اللوم على اللاعبين أو حكم اللقاء، حيث أكد ان عدم التوفيق هو الذي تسبب في خسارة الزمالك.

وفي النهاية وبالرغم من وجود بعض السلبيات إلا أن الإيجابيات التى ظهرت خلال مباراة أمس كانت أكثر تأثيرا ووضوحا، وكانت جديده على الزمالك، سواء الجماهير أو الجهاز الفني او اللاعبين.


Zmlkawy 3ash2

[D3MoN]

المشاركة الأصلية كتبت بواسطة WadCool

حرام بجد اي كلمه تتقال علي شحاته والجماهير امبارح نرفزتي بجد لما بتقولك الشعب يريد العميد

يا عم شعب مين انتوا مين اصلا ؟؟

شحاته تغيراته امبارح مكانتش الجامده اوي بس هو لعب حلو كل الماتشات اللي لعبها مع الزمالك لغايه دلوقتي معلش الدوري احلي اكيد ان شاء الله

كلامك صح يا ريت الناس تهدى على شحاتة :disgust1:

[teto333]

انا اهلاوي بس كنت في الاستاد !!!

بس ولله حرام انا كنت بشجع من كل قلبي

وربنا كان اكتر من 100 الف متفرج حرام كل الجماهير دي تروح زعلانه

وقدر الله ما شاء فعل وحظ سعيد يا رجاله

[النجم21]

http://www.silkroad4arab.com/vb/showthread.php?t=392119

[GOOD_WIIZARD]

هو هتلاقي المشرف لسه مشفش الموضوع يا بوب
معلش اعتبروا مش موجود

[النجم21]

انا عايزو يشوفو

[DeViL_MaSTeR]

عارفين اللي حصل ده بيفكرني بايه
بالماتشات بتاعت المنتخب قدام البرازيل وايطاليا وامريكا الجنوبية
يعني تلعب ماتش روعة قدام البرازيل وتكسب على ايطاليا بطل العالم وتخسر قدام امريكا 3-0
هو ده اللي حصل مع الزمالك في الكاس
وبرضوا مختار مختار عمل ماتش روعة ودي تحسبلوا

[Born_2_Hit]

مع اني اهلاوى بس تسلم ياجامد

[_BlackHorse_]

المشاركة الأصلية كتبت بواسطة Born_2_Hit

مع اني اهلاوى بس تسلم ياجامد

الاخ من الناس اللى بتدخل تقرا الموضوع وتسيب الردود

لو شاف الردود والصفحات كان فهم ان التوبيك دة منذ ما قبل التاريخ

وداخل يشكر صاحب الموضوع :dizzy1:

[GOOD_WIIZARD]

مختار بامانه عالمي بعد اللي عمله ده ... انا لما اتفرجت على الاعاده الراجل ده دماغه جباره
حسن شحاته كفتجي احيانا بس برضه شايف انه هيعمل للزمالك شكل جديد والاهم الالتزام
جماهير الزمالك بجد احسن جمهور في العالم

[STRQUEEN]

انتبـاه يـا معلمين
المشرف الجديد وصـل
زمـن الــ خلاص انتهـى ^_^

منـورين يا رجالة :)

[GOOD_WIIZARD]

منووووووور يا بوب القسم

[Mysterious]

الحبس أسبوعًا لـ"شيكابالا وميدو" لتعديهما بالضرب على طالب بالزمالك

قضت محكمة جنح مستأنف قصر النيل فى جلستها المنعقدة اليوم السبت، برئاسة المستشار أبو بكر أحمد بحبس اللاعب أحمد حسام ميدو ومحمود عبد الرازق شيكابالا أسبوعا، وكفالة 10 جنيهات، لاتهامهما بالتعدى بالضرب على طالب بمنطقة الزمالك.

كانت محكمة أول درجة قد قضت بحبس شيكابالا وميدو شهرا إلا أن اللاعبين قاما باستئناف الحكم، الذى خفف مدة حبسهم إلى أسبوع.

كان كل من طارق علام، وعمر أحمد، ومصطفى حامد، قد تقدموا ببلاغ ضد كل من "ميدو"، و"شيكابالا"، اتهموهما فيه بتحطيم سيارتهم بشارع أبو الفدا بالزمالك، مؤكدين فى بلاغهم أنهم شاهدوا اللاعبين فى الزمالك، وطلبوا التصوير معهما، فوافق "ميدو" وبعد التقاط الصور، طلبوا من "شيكابالا" فرفض، فحدثت مشادة كلامية تطورت إلى مشاجرة، فتدخل ميدو، واشترك مع زميله وحطما زجاج سيارتهم الخلفى، ووجهت نيابة قصر النيل لهما تهمة الإتلاف العمدى، وأحالتهما إلى المحاكمة التى أصدرت حكمها بحبس كل منهم شهرا، والذى خفف إلى أسبوع وكفالة 10 جنيهات.