~¤¦¦§¦¦¤~ نفسـك تلـتـــزم وتسـيب العـادة السريـة ؟~¤¦¦§¦¦¤~ أسهـل الطـرق للإلتـزام

[Mishary Alafasy]

أنا عـارف إنـك زهقـت من الدنيـا والكـلام ده ومش قـادر تعمـل حاجـة خالـص وأهلك منكديـن عليـك زى أنا ما كنت كـده

دا لإنك نفسـك تلتـزم ومش قـادر المـوضوع هنـا عايـز تركيـز شويـة لأنك لو عملـت بالآتـى إن شـاء الله حالـك يتحسـن وهتحـس بفـرق كبيـر زى ما أنا حاسس دلوقتـى بفضـل الله

أولاً : ما يمنـع الشبـاب من الإلـتزام :

1 - العـادة السرِّيَّة : بص ياسيـدى كل ما عليـك عشـان تقـدر تسيـب العـادة السريـة وترجـع أحوالـك كويسـة إن شـاء الله هو إنك ما تسيبش لنفسـك وقـت فاضـى ولو لقيــت نفسـك فاضـى إطلع على السطـح شويـة روح المسـجد شويـة إقعـد مع إخواتـك أو حد تحبـه، ولو لقيـت نفسك هتغلبـك قول : ربنا دلوقتى شايفنى لو مت دلوقتى هيبقى موقفى إيه من ربى سبحانه وتعالى وإبتـعد عن العـادة السريـة أشـد البعـد لأنها من المهلـكات وهى من أسبـاب الزنـا.

مـواضيع مهـمَّة للبعـد عـن العـادة السريـة إن شـاء الله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

2 - صحبـة السـوء : أنا كنت مثلك قبل كـده كان حالى يعنى ما اقولكش الله المستعـان كانوا مبوظنى تمـاماً وما كنتش بـاروح المسـجد خالـص رغم إن شيخـى كان يسـأل عليـا كتيـر كنت معاهم بقى ناسـى حـق ربنـا لا صلاة ولا طاعة ولا بر والدين ولا أى حـاجة، كل ما عليـك تعمـل زى ما بفضل الله عملـت أنـا سبتـهم تدريجيـا لغايـة ما يملُّوا منـك هتلاقى نفسـك ماشـى وسبتـهم من غيـر مجهـود ولو حتى لقيـت أذى منهـم هيقوللك " ايه يا عم الشيخ خدنا على جناحك " والكلام ده كلـه ^^ ما زال بيحصل لى بس عليك بالإستعـانة بالله كل اما تقابلـه إجـرى على المسـجد وما تبصـلوش فى المـدرسة روح إعمـل أى حاجـة وقوله استنى بس ثانية واحـدة هتلاقيه اتخنـق منك ومن نفسه هيسيبـك

3 - عـقوق الوالديـن : ما تسغتربش إنتـا تعـرف إنك لما تعق والديـك كده عملـت أكبـر الكبائـر والعاق لوالديـه لا يدخـل الجنة، فيها إيه يعنـى ياأخـى لو انتا قمـت دلوقـتى بعد ما تقـرأ المـوضوع ده وتنتفـع بيـه إن شـاء الله تقـوم تبـوس إيد أبـوك وأمـك وتقولهم أنـا آسـف لو عملت حاجة زعلـتكم قبـل كده والله والله والله هيدعولك ساعتهـا وهتحـس بأشـد الفرحـة صدقنـى وهتـحس بتغير كبيـر وإحسـاس بسعـادة فى قلبـك، هداكَ الله

4 - المذاكـرة : ههههه ايوه المذاكـرة تبقـى قاعـد تذاكـر طول الليل و " شوشو " ( الشيطـان ) ^^ يخليك قبل الفجـر بخمـس دقايق : نام ياعم وكمـان شويـة أصحيـك ^^ ليه بقى كـده إنتا تعرف إن وقـت بعد صـلاة الفجـر فيـه بركة، كما قال صلى الله عليه وسلم : (( وَجُعِلَ رِزْقُ أُمَّتِى فِى بُكُورِهَا )) يعنـى الوقـت اللى فيـه بركـة كثيـرة يكـون بعـد صـلاة الفجـر، وهاقوللك قصـة حصلـت فعـلاً لواحد طبَّق الحـديث ده، هو من الصحـابة عندما سمـع بهـذا الحـديث عمل به بقى يصلى الفجـر ويـروح على شغلـه على طـول حتى أصبـح من أغنيـاء الصحـابة تخيل بقى ياعم انتا لو نمت كويـس بالليـل، تصحـى الفجـر وانتا مستريـح وتصلـى الفجـر فى المسـجد لأن المسـجد هوا اللى هيـجددك من غيـره هتنـزل تحـت مش هتطلـع فـوق، تصلـى وتيـجى تذاكـر والله هتحـس بفـرق فى المذاكـرة وهتلاقـى نفسـك مركـز والحفـظ نسبته زادت فى دماغـك فى الوقـت ده.

كده خلصـنا من الأسباب الصعبـة اللى بتمنعـك من الإلـتزام ( بالله عليك لو فيه حاجة تانيـة إكتبـها فى الرد عشـان أشـوفها )

الأسبـاب التى تعيـن على الإلـتزام :

1 - المســــــجد : الصـلاة فى المسـجد مش بتأخد أكـثر من ربـع ساعـة والله، وعنـدى ليك مفاجـأة هتفرَّحـك جـداً جداً، مش إنتـا نفسـك تاخد براءة من النار وما تبقـاش منافـق ؟

تبقى لسه حى على الأرض وواخد براءة من النـار يعنى مش هتخـش النـار إن شـاء الله

إنـزل >>







كمـان ...



بص يـاعم

قال النبى صلى الله عليه وسلم : (( من صلى لله أربعين يومافي جماعة يدرك التكبيرة الأولى كتبت له براءتان براءة من النار وبراءة من النفاق )) صـدق صلى الله عليه وسلـم

الله الله الله فيـه أجمـل مـن كـده يعنى فـى إيـدك تنجـى نفسـك بأسهـل الطـرق أربعيـن يوم بس تلحق تكبيرة الإحـرام فى الصلـوات الخمـس فى المسجد فى جماعـة والجايزة ما فيـش أحلـى منهـا :

براءة .. براءة من النـار وبراءة من النفـاق

بعد ما تعمـل كـده هتلاقى نفـسك أوتوماتيك كده بتقـوم للصـلاة قبل معـادها وتروح المسـجد بدرى تلاقى نفسك أوتوماتيـك بتصحـى قبل الفجـر وتنـزل تـروح تصلـى

تخيل بالله عليك كده لو انتا فى اليوم الأربعيـن أهـو وخلصـت صـلاة العشـاء بعد ما أدركت تكبيرة الإحـرام طبعـاً وخلصت صـلاة العشـاء، هتبقى حاسس بإيـه ؟؟؟؟!! ما اقولكاش بقى تقولى انا عايز اطير فى السماء من شدة الفرحـة 40 يـوم بـس

وقال صلى الله عليه وسلم : (( صلاة الجماعة خير من صلاة الفرد بسبعٍ وعشريـن درجـة )) ممكـن تـكون الـدرجة الواحـدة بمليـون حسـنة أو أكثـر وإحنـا مش حاسيـن

ليه تضيـع بقى .... الصـلوات الخمـس كلها فى المسجد فى جماعـة على بعضـها كده بتأخد ساعـة واحـدة فى اليـوم يعنـى من 24 ساعـة تسـاوى إيـه طبعـاً هتقـول ولا حاجـة إعمـل بقـا كده وقوللى هتحـس بإيـه بعدهـا

2 - قراءة القـرآن الكريـم :

بعـد وقـت طويـل من الهـجران وتركنـا كتـاب الله وضيعنـا ما به أحكـامٍ فرضها الله عليـنا عايـزين بقـى نرجـع تانـى ياأخـى عشان ما يبقاش حجة علينـا يـوم القيامـة

نفسـك تخـتم القـرآن وانـتا مش حاسـس !

طريقـة سهلـة جـــداً : بعـد كل صـلاة فى المسـجد فى جماعـة زى ما قلنـا :) تقعـد خمـس دقايـق أو عشر دقايـق بالكتيـر تقرأ أربع صفـح وش وظهـر أو 3 مش هياخدو حاجـة خالـص من وقـتك

بعـد ما تفضـل على كـده بعـد كل صـلاة طـول الشهـر هتـلاقى نفسـك ختمـت القـرآن مـرة ويـاسلام بقى لو عايز تـزود تبقـى بطـل إن شـاء الله طريقة سهلـة أهـو ( لو ليـك إستـفسار تانـى إكتبـه فى الـرد ) :) أو علـى رسـالة حتـى

بس ياسيـدى، لو ليـك إقتـراحـات نحسـن بيهـا المـوضوع قـول عليـها ويبقـى كل واحـد يلتـزم فى ميـزان حسنـاتك حسنـات بـبلاش أهـو يا عم^^

ولو نفسـك فى وقـت انتا وانا وناس كتيرة بتضيعه وقت لما تصحى من النوم بالليل عشان تشرب مثلاً وترجع تانى لو فى الوقت وانتا راجع للسرير لو دعيت وقلت : لا إله إلا الله وحده لا شريك له، له الملك وله الحمد بيده الخير يحيي ويميت وهو على كل شىءٍ قدير، سبحان الله والحمد لله ولا إله إلا الله والله أكبـر ولا حول ولا قوة إلا بالله؛ وبعدها بقى تدعى يستجاب لك بإذن الله وإن قلت : رب اغفر لى، غفر الله لك

يلا بقى يا عم فرص ما فيش لها مثيل فى الدنيـا عشـان تجدد إيمـانك دايماً

إتـرك الحـاجـات السيئـة المذكـورة واعـمل اللى انا باقـوللـك عليـه وبعـدها بأسبـوع أو أسبـوعيـن أو براحـتك كلمنـى على إيميلـى : [email protected]

وقولـلى حاسـس بإيـه بعد الإلـتزام

أسـأل الله أن ينفعنا بهـذا المـوضوع

عايـزين إقـتراحـات بقـى لو عنـدك تنفـع غيـرك وتنفعـنا بهـا

هَداكُمُ اللهُ أَجْمَعِينَ

كل ما أريـده ممـن يقـرأ هذا المـوضوع أن يدعو لى أن يرزقنى الله حسـن الخاتـمة

وَجَزَاكُمُ اللهُ خَيْرَاً

[ScAry_MAN]

عندك حق و انا جربت الحكاية دية و إن شاء الله من بكرة اصلى الفجر عشان النهاردة كنت صاحى بدرى عشان المدرسة

بارك الله فيك

[SmartMad]

بارك الله فيكy.png" border="0" alt="" title="Triggerhappyy" class="inlineimg" />

[Sky_AnGel]

بارك الله فيييك نصائح مفيدة بجد

[Alone iN The Sky]

جزاك الله خير

بتمنالك الجنة والله عشان انت تستاهل وراجل محترم وعاجبنى جدااا اجتهادك فى الدين

ان شاء الله كل واحد فيه غلط يعدله

[™Evil__World™]

بارك الله فيك وجزاك الله كل خير

[Ahmed_Bombastik]

جزاك الله كل خير

[lion heart]

جزاك الله كل خير ويجعله فى ميزان حسناتك
هبدأ ان شاء الله على الطريق الصحيح ده وربنا يثبتنى

[kozi]

بارك الله فيك
فى ميزان حسناتك ان شاء الله

[bad world]

جزاك الله كل خير

[poiu]

ربنا يزيدنا بعلمك

بس المشكلة إتي عارف كل الكلام دة

بس شوشو ساعات بيشتغل عليا أحلي شغل و ساعات بيتاخد علي أفاه بردو

و ربنا المستعان إن شاء الله

[bekoman2]

بارك الله لك

[Solitary]

ربنا يكرم

[SnipZz]

انت كأنك بتوصفني بالزبط ^^

[MAXx__warrioR]

الله موضوع ال 40 يوم دا نفسى اجربه بس انا بيكون عليا درس والادان بيدن وببقا جوه الدرس للاسف ملياش نصيب