هنقاطع موبنيل .. عشان استهزاء سويرس بالمسلمين

[Hanamontana]

دى على الفيس بوك
http://www.facebook.com/event.php?eid=170268253035574


كلنا هنقاطع موبنيل وهنغير الشريحة ونتحد مع بعض ضد السويرس اللى بيستهزء بينا وبدينا وبدون رادع لية

هذة الدعوة للغيورين على دينهم فقط

انا كانت شرحتى موبنيل وتغيرها هيضايقنى فى حجات كتيرة
...
بس اعتقد حاجة عشان توقف الشخص دة بالاستهزاء بدينا يبقى هولع فى الشريحة خالص

مش هو يتريق علينا وانا اديلوا فلوس

انا مش بطلب من الكل انة يشارك

انا بس عايز اللى بيغير على دينة وميقبلش حاجة زى كدة علية يشارك معانا ونبقى ايد واحدة عشان يعرف يتريق تانى


للى ميعرفش هو حط على تويتر صورة كرتون تريقة بدقن وخمار وبيتريق عليهم وبيقول انا بهزر


واحنا كمان يا سويرس اعتبر مقاطعتنا لشركتك بردوة بنهزر


و ده فيديو بيوضح كل منتجاتة

http://www.youtube.com/watch?v=XdKc4...layer_embedded

[_BlackHorse_]

تـــمــام وانا كسرت الخط الموبينيل وهقضيها بالاتصالات

خلى ميكى وميمى يدفعولة فلوس

[!(Black Jack)!]

الى الامام

لا رجوع

هقاطع ^^

[DeViL_MaSTeR]

انا شغال اصلا باتصالات فمعنديش خطوط اكسرها

[mizo82]

الحمد لله انا و البيت عندى اتصلات و صحابى اتصلات وفودفون

[ღ♥_ Abdo _♥ღ]

Vodafone 4 Ever

[!! Prince World !!]

فوادفون

الاصلي

[ღ♥_ akeml _♥ღ]

الحمد لله انا اتصلات

[LoseAngeL]

http://www.youtube.com/watch?v=GpFF5qwCQNM

[Solitary]

ربنا ياخده

[_D34D_]

مكرر :-
http://www.silkroad4arab.com/vb/showthread.php?t=358876

[ScAry_MAN]

الحمد لله انا فودافون

[Omar_El*POP]

والله ضحك عليكو كلكوا

من يومين تقريباً ظهر خبر مصحوب بصورة (ميكي ماوس بدقن وميني ماوس بنقاب) والخبر بيقول أن الصورة دي المهندس/نجيب ساويرس نشرها على حسابه بتويتر ، وان الصورة استفزت مشاعر المسلمين (خاصة السلفيين) وتم رفع دعوى قضائية ضد نجيب وكمان –وده الاهم- حصلت حملة مقاطعة لشركة موبينيل وتخلص من شرائح الموبايل بتاعتها ، رد فعل نجيب كان أنه اعتذر على حسابة بتويتر .. و بس

وبما اني مش بهضم حكاية الهزار خصوصاً ان نجيب لديه من الامكانيات انه ينشر اعتذاره في كل القنوات والبرامج والجرايد كمان ، انما هو اكتفى بنشره الكترونياً فقط ( نتذكر المدعو حازم شومان لما قل ادبه على البرادعي وبنته ، طلع اعتذر في كل حتة وكان ناقص يروح للبرادعي بيته يعتذرله ) رغم انه مش غني زي نجيب .. شيوخ الفضائيات دول كبيرهم كام عربية "هامر" وكان الله بالسر عليم .

طب ايه الحكاية .. نجيب ساويرس –رغم اني مش بحبه – رجل اعمال ذكي جدا وبيحسبها بالورقة والقلم ، والدين دلوقتي اصبح سلعة وكله بيتاجر بيها يا اما على القنوات يا اما في الانتخابات وبالتالي أكيد في سر ورا الحكاية .. قبل ما اقولكم السر تعالوا نعرف حبة معلومات:



شركة موبينيل (الشركة المصرية لخدمات التليفون المحمول) : هي شركة تمتلك شركة " فرانز تيليكوم" الفرنسية نسبة 71.25 % من اسهمها ، وتمتلك فيها شركة "اوراسكوم للإتصالات" 20 % من اسهمها ، الشركة تعمل في مصر فقط.



أوراسكوم للاتصالات : هي شركة مصرية يمتلك المهندس/ نجيب ساويرس وعائلته 51 % من اسهمها ، وله حق ادارتها كونه مالك الحصة الأكبر، الشركة تعمل في الجزائر – العراق – زيمبابوي – هونج كونج - باكستان – بنجلاديش ، ومصر.



يبقى نعرف من هنا أن نجيب ساويرس يمتلك في "موبينيل" 20 في الماية بس من الأسهم بشركته اوراسكوم للاتصالات ، اللي هو اصلا بيمثل فيها 51 في الماية ، يبقى هو تقريباً بيملك 10 في الماية بس من اسهم موبينيل.



قيمة السهم اللي بيمتلكه نجيب ساويرس في شركة اوراسكوم للاتصالات 40 قرش.

بينما قيمة السهم اللي بيمتلكه في موبينيل 10 جنيه.



ساويرس من اسبوع تقريبا – خبر نشرته مجلة البورصة - قرر انه يعمل تقييم لاسهمه في اوراسكوم وتقييم لاسهمه في موبينيل عشان يبادل ويشتري اسهم اكتر في موبينيل- اللي السهم بتاعها ب 10 جنيه – ويبيع اسهمه اللي اوراسكوم – اللي ب 40 قرش

طيب نيجي بقى للجزء المهم .. لأننا دولة متخلفة فكرياً وثقافياً ، ولأننا معتقدين ان العالم كله بيحارب الاسلام ، ولمجرد اننا معتقدين اننا لو صلينا الفجر جماعة يبقى كل مشاكلنا اتحلت ولأن العالم كله ساعدنا نقتنع بده فعلاً ، بدأت حملة المقاطعة اللي عملها اخواننا المدافعين عن النقاب واللحية .. وبدأت اسهم شركة موبينيل في البورصة بدأت في الهبوط .. وبالتالي سعر السهم بيقل

طب ليه ؟؟ علشان المهندس العبقري نجيب ساويرس لما يجي يعمل التبادل يشتري الاسهم بسعر ارخص كتير من سعرها ... وبعد كدة ممكن يبقى يعتذر للعالم كله ويروح يبوس دقون المسلمين دقن دقن .. ويتبرع لبناء 10 جوامع ومش بعيد كمان يعلن اسلامه عشان الشعب المصري – الطيب اوي – يسامحه .. وممكن كمان ينزل شوية عروض حلوة من بتاعة اتكلم الاسبوع كله بربع جنيه .





حكاية اخيرة .. اواخر السيتينات لاحظت شركة كوكاكولا ان المنافس الوحيد لها في العالم هو – مياه الحنفيه – قبل ذلك كانت شركة كوكاكولا امينة جدا لمبدأ (انتاج السلعة الواحدة ) ، لكن مع تزايد المنافسة ماذا فعلت؟؟ ... انتجت شركة اكواشيم التابعة لكوكاكولا زجاجات المياه المعدنية كي تنافس بها نفسها ومياه الحنفية .. على رأي احمد حلمي : كل نفسك قبل ما حد ياكلك

-------------------------------------------

امريكا بتصنع السلاح وتبيعه لأفغانستان والعراق وبعدين بيحاربوها بيه وبالتالي شركات السلاح تبيع اكتر .. امريكا تدعم الحكومة السودانية بالسلاح وتدعم الثوار السودانيين بالسلاح .. السعودية تحكم باسم "الدولة الاسلامية " وتحتكر بترول الدولة كله للعائلة المالكة .. وعد بلفور لتسكين الصهاينة فلسطين كان الهدف منه حماية المصالح الإنجليزية في المنطقة عن طريق حليف قوي بعد تزايد قوة مصر وانفصالها عن الدولة العثمانية ...... الخلاصة .. حركة المجتمعات تحكمها المصلحة والمكسب والخسارة .. ورجال الاقتصاد والسياسة بيتعاملوا مع الدين كوسيلة للكسب والسيطرة .. وهذا ما كان يقصده "كارل ماركس" حين قال أن الدين أفيون الشعوب ...



العالم يحكمه دفتر شيكات كبير



افيقوا يرحمكم الله

[cronton]

حسبى الله ونعم الوكيل

etisalat.vodafone 4 ever

[mizo82]