هتلاقيها منين وللا منين يابلدي ..

[a7lashabab]

السلام عليكم ورحمة الله وبركاته ..

انتشرت في الاونه الاخيره ظاهره اظهار عيوب مصر سواء من مصريين او عرب بشكل عام كأن مصر اصبحت فجأه اسواء دوله في العالم والباقي دول عظيمه ومالهاش اخطاء وللاسف الشديد ان شبابنا بينجرفوا وراء الكلام دا ويشتموا هما كمان في بلدهم !!

ياشباب دي حرب نفسيه شنها علينا اعداءنا وطبعا بفضلكم الحرب نجحت والبلد اتكرهت مننا والجيل الجاي هيبقا كرهه اكتر واكتر وساعتها مفيش حد هيدافع عن تراب بلدنا الغرقان بدماء الاف الشهداء للحفاظ عليها ..

مصر زي اي بلد في العالم فيها مشاكل داخليه لكن انت ليه مش ملاحظ ان الضوء دايما مسلط علي عيوبنا واخطائنا احنا بس ؟!!

اتحدي اي مخلوق يذكر دوله مافيهاش اخطاء سواء اجتماعيه او سياسيه !!

انا طبعا عارف ان بلدنا فيها اخطاء وعيوب لكن هل دا موجود في مصر بس؟

ياشباب مش لازم ننشر غسيلنا اللي مش كويس قدام اللي يسوي واللي مايسواش !!

بلاش نشوه بلدنا بأيدينا

اللي يقولك لازم نفضح عشان نتعدل دا اكيد غلطان لان ربنا امر بالستر مش بالفضايح .

تعالوا نتناقش ونشوف عيوبنا ونحاول نصلحها ..

تعالوا نغير من نفسنا عشان ربنا سبحانه وتعالي يرضي عننا اولا وبعدين ندور علي عيوب حكامنا !!

ياريت نحاول شويه بقا نظهر الحلو فينا ولو دورنا هنلاقي اكيد ..

تعالوا نقول للناس اللي كل همها اظهارنا في صوره سيئه لا احنا من افضل شعوب الارض .. جايز عادات غربيه وغير اسلاميه اتشعبت فينا بس هنتغير ..
جايز عندنا انجراف اعمي تجاه السيء لكن هنعدل من نفسنا ..

احنا بلد الامن والامان رغم حقد الحاقدين :

قال تعالي في سورة يوسف(فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ)

وقال عنها رسولنا الكريم :

قال ابن إسحاق : حدثني محمد بن مسلم بن عبيد الله بن شهاب الزهري : أن عبد الرحمن بن عبد الله بن كعب بن مالك الأنصاري ثم السلمي حدثه أن رسول الله - صلى الله عليه وآله وسلم - قالإذا افتتحتم مصر ، فاستوصوا بأهلها خيرا ، فإن لهم ذمة ورحما " فقلت لمحمد بن مسلم الزهري : ما الرحم التي ذكر رسول الله - صلى الله عليه وآله وسلم - لهم ؟ فقال كانت هاجر أم إسماعيل منهم .

كفايه كدا والسلام ختام

[netm0]

قسم بالله كلامك صح و انا عايش برا مصر و بشوف فعلان معامله سيئه

[ღ♥_ akeml _♥ღ]

ومين
سمع
منك

[_BraveHeart_]

كلامك صح يا باشا ولازم نعدل من نفسنا مفيش حد بيشتم في بلدوه غيرنا حنا

[HelL_l3OY]

فعلا كلامك صح بس ممكن يكون بعض الكلام صحيح بس فى الاخر مصر دى امى

[الملك احمد]

تسلم

[amr174747]

مهو اللي عامل كدة فينا الرءيس:mf_swordfight :