فضيحة سيلك رود

[Amrboss]

السلام عليكم ورحمة الله وبركاته
انهارده هحاول اقدم موضوع جامد اوى ويخص اللى بيلعبوا سيلك رود كلها ومهتمين باللعبه
قبل اى شىء وقبل ما ادخل فى الموضوع حسبى الله فى كل من دخل وسمع النصيحه وما عمل بيها ولا كمل الموضوع لنهايته مش لازم تسيب رد بس عشان خاطرى كمل الموضوع للنهايه ولو اقتنعت بكلامى ابعد وامشى فى الطريق الصحيح ولو مش اقتنعت يبقى اغفرلى الدقايق اللى هتقرا فيه يمكن هتتعب انك تقرا حاجه صح وياريت المشرفين يقراو الموضوع للاهميه
مش هحط استفتاء بس هحط سؤال مهم جدا اخر الموضوع وياريت كل واحد يجاوب عليه
اولا كل سنه وانتو طيبين
الموضوع ببساطه انو بعد ما شفنا اللى حصل فى الدنمارك واهانتهم لرسولنا الكريم وازاى العالم الاسلامى كان عاجز عن الرد دلوقتى بنشوف الاهانات بتوصل لحد بيوتنا ومش بنقدر نتكلم الشباب بيفكر فى متعته وبس محدش بيفكر فى ثواب ولا عقاب محدش بيقول انو فى يوم الانسان هيقف قدام ربنا ويحاسبه حساب عسير على اللى عمله
كلنا عارفين قصة الكتابات اللى فى سيلك رود اللى بتهين الله عز وجل ياااااااه يا جماعه متخيلين الذنب متخيلين الناس دى بتغلط فى مين دى بتغلط فى ربك عارف يعنى ايه بيغلطوا فى رب العزه استغفر الله العظيم واتوب اليك يا جماعه ده ذنب عظيم انتوا متخيلين مش بيغلطوا فى شخص ولا انسان دول بيمثلوا الذات العليا يا جماعه انا دمى واعصابى محروقه حد يجابونى ليه كلنا عارفين الموضوع وساكتين لا ووصلت الدرجه انو عضو عامل موضوع باسم سيلك رود تهين الاسلام الناس داخله اكتر من 112 زائر ومش لقيت غير 4 ردود فقط يا الله على برود الاعصاب والامبالااه اللى بقيت عندنا واللى استفزنى اكتر ان اللى ردوا محدش قال كلمه تنصف ربه محدش دافع عن ربه وقال انا مش هلعبها تانى الرودو قمه فى الامباله مش عايز اهين الزوار اللى زارت الموضوع بس دى حكايه مينفعش يتسكت عليها لا منى ولا منك يالى بتقرى كلامى دلوقتى فوق واصحى وشوف دينك بيقول ايه شوف رسولك الكريم صلى الله عليه وسلم بيقول ايه


حدثنا عبيد الله بن موسى قال أخبرنا حنظلة بن أبي سفيان عن عكرمة بن خالد عن بن عمر رضي الله عنهما قال قال رسول الله صلى الله عليه وسلم : (بني الإسلام على خمس شهادة أن لا إله إلا الله وأن محمدا رسول الله وإقام الصلاة وإيتاء الزكاة والحج وصوم رمضان).

رواه البخاري

الكلام من صحيح البخارى يعنى مفيش حجه انو يكون الحديث كاذب شايف بيقول ايه الحديث شهادة (أن لا اله الا الله وأن محمدا رسول الله ) يعنى من غير الشهاده دى انت مش مسلم ولا تعرف عن الاسلام شىء واحد بيلعب لعبه بتقول ان غافر الذنب شخصيه داخل اللعبه مالهاش اى قيمه او سيبك مش هنقول ان اللعبه بتقول ان الشخصيه دى كده اللعبه مسة بمعتقداتنا الدينيه وياريت لمست شىء صغير دى لمست الذات العليا يا جماااااااعه ده ربنا انتوا مش عارفين حق ربنا حرام عليكو اللى بتعملوه فى نفسكوا ده حديث تانى يمكن لسه مش اقتنعت بكلامى


حدثنا سليمان بن حرب قال حدثنا شعبة عن قتادة عن أنس رضي الله عنه عن النبي صلى الله عليه وسلم قال : (ثلاث من كن فيه وجد حلاوة الإيمان من كان الله ورسوله أحب إليه مما سواهما ومن أحب عبدا لا يحبه إلا لله ومن يكره أن يعود في الكفر بعد إذ أنقذه الله كما يكره أن يلقى في النار).
رواه البخاري
من كان الله ورسوله احب اليه مما سواهما تخيل مما سواهما دى بتساوى ايه امك وابوك ونفسك وعائلتك وزوجتك او بنتك او ابنك او اى كائن كان بتربطك بيه علاقة حب وموده تخيل يوم ما تقف بين يدى الرحمن ويسألك عملت بالحديث ده هتقولو ايه ياترى هتقولو اصلى سيلك رود لعبه مالهاش قيمه واحنا مش بنعمل باللى مكتوب فيها احنا مجرد بنلعب بس
اه بتلعب بس وبتشترى سيلك وبتدفع للموقع وبتزود من رصيد اللعبه ومن شعبيتها تخيل هتقولى انت مش بتعمل باللى بتقوله اللعبه بس انت بتشارك فيه لو انت خرجت من اللعبه وانا خرجت والكل خرج والشركه شافت ان اللعبه شعبيتها نزلت اكيد هتقف اكيد هتراجع نفسها لان كلنا عارفين ان المصريين والعرب من اكتر الناس اللى بتلعب اللعبه دى متقولش ما انا لو خرجت غيرى مش هيخرج خليك فى نفسك غيرك يوم القيامه مش هيتحاسب مكانك
تخيل اخى لو حد اجنبى او اى واحد بيعرف يتكلم عربى هنقول اسرائيلى مثلا وشاف الكلمه دى وبعد شويه شاف واحد عربى مسلم بيقول لا اله الا الله محمد رسول الله بيلعب اللعبه ياترى وقتها هيحترمك ولا هيحترم الدين اللى انت منه اذا كنت انت مش بدافع عن دينك هو هيفكر انو يدخل فيه انا عارف ان كلامى صعب عليكم معلش استحملونى وبلاش يا جماعه تهيننوى ولا تكتبوا ردود زى اللى اتكتبت فى الموضوع السابق واحد يقولى احنا بعتنا رسايل للموقع عشان يوقف الموضوع ده والموقع الرسمى تجاهلنا وبدل ما يترك اللعبه لا لسه بيلعب وحاطط فى التوقيع بتاعه صوره لشخصيته داخل اللعبه واسمه ومواصفاته كمان بيعمل اعلان للعبه مش كفايه اللى بيحصل فيها لا اله الا الله محمد رسول الله للدرجه دى الاستهانه للدين للدرجه دى بنهين نفسنا ايه اللى يجبرك على انك تلعب حاجه بتهينك ياخى حرام عليك دى بتهين ربنا بزمتك لو حد شتمك فى الشارع بتسكتله بتقولو الله يسامحك جاوبنى وجاوب نفسك هتسيبه لو شتمك هتروح تقول والده انو شتمك وبعد ما هتقول لوالده ووالده مش عمل حاجه وسكت وشتمك تانى وتالت ورابع هتعمل ايه هتضربوا ولا هتشتمه وتدافع عن نفسك مش هو ده اللى بيحصل تخيل بقى دى مش بتهينك انت دى بتهين ربك اللى انت بتسجد ليه فى كل صلاه لو كنت بتصلى ياخى استفتى قلبك وشوف قلبك بيقول ايه حرام عليكم نفسكم حرام عليكم دينكم حرام حرام حرام ارجوكم ارجوكم خدوا موقف واحد فى حياتكم قوى بلاش نبقى سلبيين بالشكل ده ارجوك يالى بتقرى خد موقف واحد صح قول لا قول ربنا اعلى من اى شىء قول رسولى اعلى من اى شىء قول لا اله الا الله محمد رسول الله ارجوك قولها من قلبك وشوف هتلعب اللعبه ولا لا متقولش زى التافهين واللى معندهمش ايمان ولا دين ياعم نفض يا عم كبر دماغك هو احنا اللى كتبنا كده ياعم احنا بنتسلى وبس ياعم ياعم ياعم طيب وبعدين هتفضل لامتى كده اتقى الله فى اعمالك ده احنا فى شهر كريم حتى عشان خاطر صيامك اللى بتصيمه لربنا اللى اللعبه بتهينه شوف سيد الخلق بيقول ايه فى حديث شريف
حدثنا آدم بن أبي إياس حدثنا بن أبي ذئب حدثنا سعيد المقبري عن أبيه عن أبي هريرة رضي الله عنه قال قال رسول الله صلى الله عليه وسلم : (من لم يدع قول الزور والعمل به فليس لله حاجة في أن يدع طعامه وشرابه).
رواه البخاري

قول الزور بس متخيل قول الزور بيفقدك صيامك ما بالك بالى بيهين ربنا قولى جاوبنى يا صاحبى لو انا غلطان قولى انا غلطان انا عارف انى بتكلم بانفعال بس وربنا المعبود انا بتكلم وجسمى بيرتعش من اللى شايفه منكم ومن ردودكم على االمواضيع اللى ذكرت القصه دى واحد بيقول انو شاف الموضوع فى اكتر من مكان تانى وان الموضوع متكرر وياريت محدش يكرره زعلان اوى حضرتك عشان الموضوع متكرر ياخى لو انت مش حابب الايمان ولا حابب انك تركع لربنا ونيتك صافيه سيب غيرك يدعوا ليه وخليك انت فى لعبتك ولهوك اتقوا الله الذى اليه تبعثون حرام عليكم ده رسولنا بيقول فى حديث شريف انصر اخاك ظالما او مظلوما
متخيل انصر اخاك تخيل بقى انت مش قادر تنصر ربك اللى هو اغلى عندنا من كل شىء فى الدنيا
سيبونا بقى من التفاهات وسيبونا من السطحيه اللى كلنا عايشين فيها حرام عليكم ده ربكم مش حد تانى يا جماعه ده ربنا وربنا عزيز عزيز اوى يا جماعه عزيز ذو انتقام ربنا مش بيسيب حق المؤمن ما بالك بحقه هو تخيل ربنا لما يكلمك ويقولك حقى عليك راح فين يااااااااااااااااه اعقلها فى دماغك وقولى اللى بنعمله ده صح انا بعترف انى كنت بلعب اللعبه وكنت شبه محترف فى اللعبه ومش هذكر اسمى انا مين فى اللعبه ممكن يكون حد صادفنى فى يوم بس يا جماعه صدقونى اللعبه كلها تافه دى مفيهاش شىء صح غير سرقه ونصب لعبه بتعلمك السرقه بتعلمك اخذ حق الغير عايز ايه اكتر من كده عشان تقتنع حرام عليك نفسك وحرام عليك دينك وحرام عليك قبل كل ده ربك اللى انت بتسجدله بتنزل بدماغك للارض وبتحطه جبهتك وانفك على الارض خشوع لله وزل لله وفى الاخر بتقوم من الصلاه تروح تلعب وتساعد على اهانة ربنا حسبى الله ونعم الوكيل فيك ياخى لو ما بطلت اللعبه ودافعت عن دينك وربك حسبى الله ونعم الوكيل فيك حسبى الله فيك منى ومن كل مسلم بيغير عن دينه وربه من كل انسان بيقول لا اله الا الله محمد رسول الله حقا وصدقا وايمانا منه بذلك اتقى الله واتقى نفسك حرام عليك نفسك اتقى الله ارجو من المشرفين وضع قوانين بمنع اللعبه من المنتدى يا جماعه ده منتدى كبير مش هو اللى يقف على لعبه تافه زى دى يا جماعه لو وقفنا لاموضوع فى المنتدى هنا كتير هتمنع نفسها من اللعبه لان اللعبه بكده احنا بنزيد شعبيتها اكتر واكتر
وادى الصور يا جماعه للى حتى الان مش مصدق وقولى شكلك ايه واحساسك ايه وانت بتشوف اهانة ربك بالشكل ده عينى عينك قدام العالم كله (يا مسلم ) اكتفيت بيها بين قوسين لانه حتى الان محدش عنده القوه انو يبقى مسلم بجد
انا مش هحط استفتاء زى ما قولتلكم بس هقولك سؤال واحد بس وجاوبه مع نفسك عشان مش تحرج نفسك قدام الزوار والاعضاء انت بتحب ربنا ولا لا طيب لوبتحبه بتحبه اوى ولا نص نص
اسأل نفسك ورد عليها وشوف ردك هيكون ايه
دولت صورتين فى مكان واحد وفى اماكن تانيه كتيره بيحصل فيها نفس الاهانهس



فى امان الله وياريت الاقى تفاعل من الكل ارجوكم حسسونى انو كلنا شباب مسلم بيخاف على دينه ووعد منى موضوعى القادم عن لعبه اقوى من سيلك رود وكلنا نبتدى فيها من البدايه وانا اولكم بس حاجه مش بتهينا واللى هيرغب يشارك معايا فيها هكتب موضوع تفصيلى عنها وعن شرحها الكامل واللعبه اقوى من سيلك رود بمليون مره وكل اللى هيرغب يشارك يقول فى رده معايا يا جماعه
لا اله الا الله محمد رسول الله
(منقول)

[Amrboss]

معلش يا جماعة طولت عليكوم
ارجو الردود

[rockstar20055]

خلاص يا مان الكتابات دى اتحذفت من اللعبه ومش شايف ايه الغرض من اعاده نشرها

حاجه غريبه جدا منتا كده عامل زى اللى بيعيد نشر الصور المسيئه للرسول ويقول شوفو يا ناس عاملين ايه

خلاص بقى اظن الموضوع قديم اوى ومافيش حد الا وشافه
والشركه اعتذرت ومسحت الكلام ده

ايه الفايده من اعاده نشر الصور

[rockstar20055]

كرهت اللعبه اكاونت بتاعك اتسرق معلش ربنا يوفقك فى اللعبه الجديده اللى انتا هتلعبها

[HESOCA]

المشاركة الأصلية كتبت بواسطة rockstar20055

كرهت اللعبه اكاونت بتاعك اتسرق معلش ربنا يوفقك فى اللعبه الجديده اللى انتا هتلعبها

الراجل قال رأيه بأدب
من حقه عليك انك كمان تكلمه بأدب زى اما كلمنا
وعيب تقوله انك عشان مخنوق من اللعبه بتقول الكلام ده ياريت تكون محترم اكتر من كده ولولا انى محترم التوقيع بتاعى كنت قولتلك كلام تانى يزعلك

[no_one]

الاخ العزيز
الكتابات دبه قديمه وفي مسلمين كثير راسلو القائمين على اللعبه على موضوع الكتابات ديه وبالفعل اللعبه شالتها ومش دول بس حاجات كتير اتشالت ومن ضمنها حاجات في المدن والمباني ولغايه دلوقتي مفيش حاجه لحظناها بتهين الله عز وجله ( استغفرك ربي واتوب اليك ) او تهين الدين الاسلامي
في حاله انك عايز ترجع اللعبه ديه شئ يرجعلك والرجاء عدم نقل مواضيع قبل التاكد من تاريخ الموضوع واذا كان لسه موجود ولا اتغير

[no_one]

المشاركة الأصلية كتبت بواسطة hesoca

الراجل قال رأيه بأدب
من حقه عليك انك كمان تكلمه بأدب زى اما كلمنا
وعيب تقوله انك عشان مخنوق من اللعبه بتقول الكلام ده ياريت تكون محترم اكتر من كده ولولا انى محترم التوقيع بتاعى كنت قولتلك كلام تانى يزعلك

الاخ العزيز اعتقد ان فيه مشرفين قائمن على المنتدى وفي حاله وجود اي اهانه للعضو بيخطر المشرف
لكن معتقدش ان احنا حنقلبها خناقه وكل واحد يرد على التاني باسلوب كلام ميصحش

[asfora99]

زعلان اوى على دى امال محدش عمل حاجه ليه لما الرسول اتشتم ونزلت عليه الصور دى
الصور دى يتقال عليها ايه اتحركنا ولا عملنا حاجه

وحتى بعد ماجبتلكو الصور ولا هنعرف نعمل حاجه

ولحد امتى هنفل ساكتين فوقو بقى
مفيش فايده

[asfora99]

عايزين ايه تانى اكتر من كده

[rockstar20055]

انتا يا اخ عصفوره انتا

ايه فايده الصور الزباله اللى انتا جايبها

يا اخى انتا بتنشرها وبتاخد جزاء الناس اللى عملتها لانك بتنشرها

فاكر نفسك هتاخد ثواب لما تحط الصور دى يعنى

اتقى الله يا عم

[Mr LoRd]

عصفورة حرام عليك الصور بصراحه :s يعني مش ناقصة حرق دم بصراحه

الاخ صاحب الموضوع
الموضوع اللي بتتكلم عنه
اتحذف من اللعبة من زمااااااااااااااان ونزلوا اعتزار عنه في الموقع الرسمي

وشكرا ليك جزاك الله كل خير

[sindwiller]

يا جماعه احنا لو عايزين ناخد حقنا مش حناخده بالطريقه دي دا اختبار من عند الله عز وجل جلاله وانتوا عارفين كدا كويس عملين ليه بقا اهؤوا فى نفسكوا كدا متجبولناش التهذيئ يا جماعه كل ده حصل لما احنا اللى قصرنا فى واجبنا لدينا الاسلام و لاذم نبقى صبورين و نقاطعهم او اى حل سلمى تانى مش ننشر صور و قرف حصل من واحد خنزير اتحرق هوه و عيلته بجاز ***.....................

[KING_OF_SRO]

يا اخى الكلام اللى انت جايبة دة اتشال من اللعبة من زمان و الموقع الرسمى للعبة نزل اعتزار للمسلمين كلهم و قالو انهم ميقصدوش و ان هما حطوا الصور دى ليعبرو عن الحضارة الاسلامية قديما

والخ عصفورة حرام عليك واتقى الله عشان انت كدة بتساعدهم انهم ينشرو الصور

ارجو من الادارة حذف الموضوع لوجود صور تهين لرسول الله - صلى الله علية وسلم -

[drmido1967]

يا جماعه مين إحنا علشان ندافع عن رب العزه جل شأنه
لو واحد كافر غلط هتعملوا إيه غير النصيحه بالتى هى أحسن كما أمرنا الإسلام بذلك
ثم الدعاء لهم بالهدايه
وإذا إستمروا فى غيهم يكون الدعاء عليهمواجب
أما كتر اللت والرغى فى المنتديات بحجه الدفاع عن الذات الإلهيه أو الرسول صلى الله عليه وسلم هنكون بالظبط وقعنا فى الفخ اللى ناصبينه لينا
ونكون كمان بنساعدهم فى ترويج كفرهم إلى أن يصبح فى يوم من الأيام شئ عادى على آذان الناس
هذا رأيى الشخصى ومش عاوز حد يزعل

[kajo]

المشاركة الأصلية كتبت بواسطة asfora99

عايزين ايه تانى اكتر من كده

انا مش فاهم انت عايز ايه وايه هو اللي عايزين ايه تاني بدل ما تقعد تعيد وتزيد في

الكلام لخص وهات الكلام اللي عايز تقوله وانجز انت ايه لازمه الكلام ده كله هنعملك

ثوره بالصور اللي انت جايبها دي يعني روح انصح اهلك وجيرانك ولو اصحابك في كليتك

بدل ما انت ناشر صور المفرود يعني تحرقها بدل ما انت فرحان بيها توريها للناس
ربنا يهديك :)