|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
07-04-2010, 12:19 PM
|
#1 | ||||||||||
  
|
 بعد ما سيكتور قفل الموضوع التاني الي هو مصر العظيمه بمسمار 13 سم و 10 مسامير حجبلكم النهارده موضوع جامد الي هو البطالمه في مصر :: العـــــــــــــــصر البطــــــــــــــلمـــــــــــــــى ::  البطالمه ، أو البطالسه. فى نوفمبر سنة 332 قبل الميلاد و صل الاسكندر الأكبر مصر على راس جيشه اللي خرج بيه من مقدونيا عشان يحارب الفرس و يقضي عليهم. الناس في مصر فرحوا بوصول الاسكندر و استقبلوه إستقبال الأبطال كمحرر ليهم من الفرس اللي أفسدوا العيشه في مصر و خربوا المعابد و اعتدوا على العقائد و التقاليد المصريه العريقه. الاسكندر ابن الحضاره الإغريقيه بين احترام كبير للديانه و التقاليد المصريه، زار هليوبوليس مدينة رع و ممفيس ( منف ) عاصمة مصر اللي قدم فيها قرابين لألهة مصر وعلى راسهم الإله الملكى ابيس في معبد بتاح . و توجوه المصريين بتاج الفراعنه المزدوج، وزار معبد الوحي بتاع امون في سيوه، و اعلن من هناك إنه ابن الإله المصري امون. قضى الاسكندر الشتا في مصر يرتب امورها و عين حكام مصريين على الأقاليم وأمر ببناء المدينة اللي اتسمت على إسمه " إسكندريه" بين البحر المتوسط و بحيرة مريوط. و بعد ما إطمن على مصر ساب القائد بتاعه بطليموس حاكم على مصر و سافر هو على الشرق عشان يخلص على الفرس. يوم 13 يونيو سنة 323 ق.م إتوفى الاسكندر فجأة جنب نهر الفرات و هو عنده تلاته و تلاتين سنه. فنقل بطليموس جسمه في تابوت دهب لمصر اللي حبها و حبته و اتدفن فيها  تأسيس المملكه البطلميه:: لاسكندر قبل ما يموت ما عينش ولي للعهد فلما مات اتصارع قوداه على امبراطوريته و اتقسمت عليهم، و كات مصر من نصيب حاكمها بطليموس اللي صد هجوم عمله انطيوخوس ( اللى سوريا و ميسوبوتاميا كانوا من نصيبه ). و في 305 ق.م نصب بطليموس نفسه فرعون على مصر بإسم بطليموس الأول سوتر ( المنقذ ). و من يوميها بدا عصر مصر البطلميه اللي مصر استردت فيه مركزها الحضاري و بقت أكبر مركز ثقافي و علمي في العالم. مصر منارة العلوم و الفنون:: في عصر بطليموس الأول سوتر اتحولت عاصمة مصر اسكندرية لعاصمة الحضاره الإغريقيه و مركز للثقافه الهيلينستيه في البحر المتوسط من غير منازع. أسس بطليموس جامعة الاسكندريه اللي كات بتضم مكتبة اسكندرية المشهوره. و أنشأ مدينة بطولومايس في الصعيد و كات بتتمتع بنظام الحكم الذاتي. عشان يوحد المصريين و اليونانيين ابتدع بطليموس الأول ديانه جديده بتجمع ما بين الديانه المصريه و الديانه اليونانيه، و عمل إلاه إسمه " سيرابيس " اللي كان توليفه مصريه-يونانيه وكان له معبد ضخم في منطقة ابو قير. بطليموس الأول سوتر كان محبوب من المصريين و بعد ما إتوفى حكم بعده ابنه بطليموس التاني فيلادلفيوس ( محب أخته ). بطليموس التاني فيلادلفيوس ( محب أخته ) عمل إصلاحات كتيره و قدر يمد نفوذه بالطرق الدبلوماسيه ، و لإنه ما قدرش يحقق طموحاته السياسيه عن طريق الحروب اعتمد على المفاوضات و التحالفات و المصاهرات. مشى بطليموس التانى على درب أبوه فطور الزراعه و التجاره في مصر و في عهده إزدهرت الثقافه و العلوم في مصر و احتلت جامعة الإسكندريه و مكتبتها المشهوره دور ريادي في نشر المعارف و العلوم و الفنون في نواحي البحر المتوسط. و أسس مدينة برينيكى (على إسم أمه ) فى الصعيد ع البحر الأحمر و وصلها بطريق ممهد ل قفط فبقت مينا تجارى مهم بيربط بين مصر و الهند. في عهده اترجم كتاب " العهد القديم " للغه اليونانيه. و اتبنى فنار إسكندريه اللي بقى من عجايب الدنيا السبعه .بعد ما اتوفى بطليموس فيلادلفيوس قعد مكانه بطليموس التالت يورجيتس ( الخير ) على عرش مصر. معبد ادفو من تحف مصر البطلميه. بطليموس التالت يورجيتس ( الخير ) حاول دايماً انه يجنب مصر الحروب لكن اضطر يهاجم سوريا و يتوغل فى ميسوبوتاميا و عن طريق اتفاقية سلام قدر يضم جزء من سوريا من ضمنه انطاكيه و مناطق في اسيا الصغرى و منطقة كليكيا للمملكة المصرية البطلمية. بطليموس التالت كان همه إنه يحافظ على مملكته و يخلي مصر قويه و مستقره و متقدمه، فكان بيعتمد على الدبلوماسيه في تسيير علاقات مصر بالعالم الخارجي. جوه مصر استمر بطليموس التالت في تطوير منطقة الفيوم اللى بدأها أبوه، و عدل التقويم و خلاه يبدأ من سنة 311 ق.م بإعتبارها السنة اللي اتأسست فيها الدوله البطلميه في مصر، و بكده بدل السنه المقدونيه بالسنه الشمسيه المصريه و خلا السنة الحقيقيه مدتها 365 و ربع يوم مع اضافة يوم زياده كل اربع سنين. و من أعماله المشهوره إنه صلح التماثيل و المعابد المصريه اللي كان الفرس خربوها لما غزوا مصر قبل الاسكندر الأكبر و اتبرع للمعابد المصريه و بكده كسب حب المصريين ، و كمان بدأ يبني معبد ادفو في الصعيد اللي بقى تحفه من تحف العصر البطلمي. استمرالنمو الثقافي و النشاط العلمى فى اسكندريه اللي بقت عاصمة العلم و النور في العالم ، و فى عهده عاش عالم اللغات اريسطوفانس اللى درس فى مدارس اسكندريه و بقى رئيس مكتبة اسكندريه، و عاش اراتوسثينس مخترع الجغرافيا الفلكيه و اللى كان رئيس مدرسة الرياضيات السكندريه ، و الشاعر ابولونيوس ، و كاتب التراجيديات ليكوفورن. لما اتوفى بطليموس يورجيتس بعد ما حكم مصر 25 سنه كانت مصر قوه كبيره وبلد غنيه و مستقره. مصر فى عهده وصلت ذروة قوتها و غناها و سابها لابنه مملكه عظيمه مالهاش مثيل فى الدنيا وقتها. بعد ما اتوفى بطليموس يورجيتس قعد مكانه ابنه بطليموس الرابع فيلوباتور (محب أبوه) و حوريكو شجره العيله البطلميه ::  ارجو ان ينال اعجابكم و الله مش منقــــــــــــــــــــول والله |
||||||||||
|
التعديل الأخير تم بواسطة ™_Dev!L_™ ; 07-04-2010 الساعة 12:59 PM
|
| إعلانات google |
|
|
|
07-04-2010, 12:34 PM
|
#2 | ||||||||||
 
|
جااااااااااااااااااااااااااااامد |
||||||||||
|
|
|
07-04-2010, 12:39 PM
|
#3 | ||||||||||
|
شكرا لمرورك :zxcv23: |
||||||||||
|
|
|
07-04-2010, 12:49 PM
|
#4 | ||||||||||
|
ايه يا بشر مفيش تاني؟:024-: |
||||||||||
|
|
|
07-04-2010, 02:07 PM
|
#5 | ||||||||||
|
لا تبخل بكلمه شكر |
||||||||||
|
التعديل الأخير تم بواسطة ™_Dev!L_™ ; 07-04-2010 الساعة 02:13 PM
|
|
07-04-2010, 02:54 PM
|
#6 | ||||||||||
 
|
اعمل اسبام بقى براحتك و خد وقتك يغــلق :087: |
||||||||||
|
|
|
07-04-2010, 06:31 PM
|
#7 | ||||||||||
|
تم فتح الموضوع لان الموضوع مش مكرر ...... وارجو من صاحب الموضوع عدم عمل سبام.... والمشرف سكتور غلقو مش علاشان مكرر علشان انك بتعمل سبام :wrd: |
||||||||||
|
|
|
07-04-2010, 06:36 PM
|
#8 | ||||||||||
  
|
مبروك فتح الموضوع يا برنس موضوع جامد اوي وانتا شكلك تعبت فيه |
||||||||||
|
|
|
07-04-2010, 07:13 PM
|
#9 | ||||||||||
  
|
موضوع جامد يا مان وربنا مبيضيعش تعب حد هدر ^^ |
||||||||||
|
|
|
07-04-2010, 07:29 PM
|
#10 | ||||||||||
|
مبروك فتح الموضوع مجهود جميل استمر :wrd: |
||||||||||
|
|
|
07-04-2010, 08:05 PM
|
#11 | ||||||||||
|
اعمل اسبـام بـراحتـك و عيــش.. بـالنسبـه لمشـرفين القسـم نرجو التكــرم و عـدم فتـح الموضوع.. الموضوع صاحبه عامل اسبـام و مكــرر اصـلا... :la: |
||||||||||
|
|
|
07-04-2010, 08:09 PM
|
#12 | ||||||||||
|
وبتشتكى بص اللى انت عاملوا وبعد كدة اتكلم يا جميل :lllolll::lllolll::lllolll: |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
