أضراب يوم 4 مايو الجديد ارجو التثبيت

[ahmedraw]

4 مايو الاضراب التاني عيد ميلاد الريس








مين قال ان اضراب 6 ابريل فشل
بالعكس كل اللى كان المطلوب في الإضراب حصل
البلد بدأت تتحرك
يوم الأحد أول ايام الاسبوع المعروف بإزدحامه كان زي يوم الأجازة
أما عدم حدوث المظاهرات
فانها لم تكن الهدف من الأساس
لكن الإعتصام إتعمل و البلد فعلا بدأت تتحرك
عايزين ننسق بقى هانعمل اية في المرة التانية
محدش عارف اللى بيحصل دا هايوصلنا لحد فين
بس أكيد احنا ضاغطين على الحكومة جامد لدرجة أنها بدات تخاف مننا فعلا و هاتبدا تتخذ اجراءات فعليه لخفض الأسعار و دا هو المطلوب


على العموم مستنينكم تانى يوم 4مايو
عيد ميلاد الريس
ــــــــــــــــــــــــــــــــــــــــــــــــــ ـــــــــــــــــــــــــــــــ


بوسترات يوم الغضب



يا جماعة احنا لازم نعرف ان الأيام دي لو حصل فيها حاجة
التاريخ كله هايتكلم عن اللى احنا عملنا
وماتنساش ان شخص واحد على الفيس بوك كان سبب في كل اللى حصل يوم 6 ابريل
بالك لو ان مصر كلها حاولت تعمل حاجة


"اية الفائدة من الاضراب"
او اية الحكمة من الاساس
أقولكم
لو حبينا نعمل ثورة بكرة هل الناس هاتشارك و لا لأ؟؟؟
اكيد لأ
ليه؟؟؟؟
اغلبيه الشعب نوعين
نوع كسول و نوع خايف
لو قلنا مظاهرات
النوع الكسول هايقول لسه هانروح و نعمل دا كلام مالهوش لازمة
و الخايف هايخاف على مستقبله و مستقبل عياله و هايقعد في البيت لأنه كمان خايف من البهدله


بس في كل الاحوال النوعين نفسهم البلد تتغير ولو قامت ثورة بجد ممكن يشاركوا فيها


دلوقتى احنا عايزين نجس نبض الشعب لو قلنا اعمل مظاهرة هايخاف و يكسل
فبنقول خليك في البيت
لو هو كسول هايفضل في بيته و يبقر اخر تمام و لو هو خايف هايفضل في بيته و في الحالتين احنا كسبانين
لأننا ساعتها هانحس ان المواطن ممكن يساعد على التغير


لكن لو انه حتى يوم الاضراب ما أضربش يبقى اكيد لو قامت ثورة مش هايتحرك (يعنى لما قلتلك امشي مامشيتش لو قلتلك اجري هاتجري؟؟؟)


كمان دي جس لنبض الحكومة عايزين نعرف هي ممكن تعمل اية؟؟ لأرضاء الشعب


في النهاية المطلوب مصلحة البلد احنا مش عايزين ننهب ولا حاجة=========
ملحوظات
أحنا : المقصود بها المواطنين المصريين
الثورة : تعبير مجازي عن التغيير (غير مقصود بها المعنى الحرفي)


فيه فئة من الشعب يائسة من التغيير : ياريت تروح بيئسها في جنب و تسيب الناس اللى لسه عندها امل تحاول تعمل حاجة
الناس الكبيرة اللى اخدت على الوضع و عاجبهم الحال و بيكسروا مقديفنا لو كانوا هما عملوا حاجة زمان --مكناش اضطرينا اننا نعمل حاجة دلوقتى (كفاية اننا اتاخرنا سنة ضوئية عن العالم)
أماالفئة من الشعب اللى مستغله الوضع: لا تعليق كلنا عارفين ممكن نقولهم ايه
************************************
على فكرة موضوع المقاطعة و الجلوس في البيت يتم في الدول المتقدمة عندما ييأس الشعب من جميع المحاولات لاصلاح الوضع
فيضرب في البيت فترة 10 ايام مثلا
فلا تجد الحكومة احد لتحكمه و تفشل في السيطرة على الوضع مما يضطرها الى الاستقالة


طبعا لو اننا سيبنا الحكومة 100 سنة برضه مش هاتستقيل بس على الأقل هاتبدا تحاول تحترم المواطن


و أدينا شايفين انه لأول مرة من 4 سنين حاجة تنقص شلن
و الاسعار بدات تنزل


والاضراب دا كمان شهر علشان نضغط على الحكومة أكتر
مستنيكم





منقول من dvd4arab
شكرااااااااااااا
ــــــــــــــــــــــــــــــــــــــــــــــــــ ـ

[ahmedraw]

انشاء الله ينجح

انتشرت الدعوه لإضراب يوم 6 ابريل فى كل شوارع مصر بسرعه رهيبه بسبب الابطال اللى نشروها فى كل حته
ويوم 6 ابريل يعتبر يوم محورى فى تاريخ مصر
صحيح فشلت كل المحاولات للوقفات الاحتجاجيه و المسيرات
لكن ده كان بسبب القمع الامنى المفرط و الاجراءات الغير مسبوقه لوزارة الداخليه
و ده يدل على نجاحنا
لو كانت الداخليه متحضره .. كانت سابتنا نعمل مظاهرات متحضره و احنا بحبنا لبلدنا كنا نقدر
لكن هما مرعوبين
العصابه اللى بتحكم مصر مرعوبه من اجدع شباب فى مصر

نجحنا فى ايصال رسالتنا
نجحنا فى التعبير عن راينا و ايصال صوتنا لصناع القرار
اكتر من 40% من المصريين استجابوا
و لولا الخوف و القهر كان ممكن يستجيب كل الشعب

دى بدايه موفقه و ناجحه

احنا مش جزب سياسى
و لا نسعى للحكم
احنا اكبر تجمع مخلص لمصر على النت

اضرابنا القادم يوم الاحد 4 مايو
هاندى فرصه 28 يوم للحكومه لتنفيذ مطالبنا المحدده و المشروعه

1- حد أدنى للأجور لكل الفئات و الوظائف
2- اجراءات حقيقيه لوقف ارتفاع الاسعار و منع الاحتكار

مطالبنا محدده و الحكومه تقدر تنفذها لو تخلت عن المصالح الشخصيه لرجال الاعمال القريبين من السلطه

مطالبنا سهل تنفيذها لو صناع القرار فى مصر نفذوا كلام علماءنا و باحثينا و مفكرينا
عندنا حل لكل مشاكل مصر ... لكن الحزب الحاكم بيتجاهلها لأنها ضد مصالح رجال الأعمال ... اللى هما الحكومه و المقربين منها

اضرابنا القادم هايكون انجح و اقوى و اقل فى الخساير

انضم للجروب الاصلى و شارك فى التفكير
http://www.facebook.com/group.php?gid=9973986703

[ahmedraw]

[ahmedraw]

منقول ارجو ان تشاركوا وان يتم تثبيت الموضوع