الـجـروب الـرسـمى لـلـمـنـتـدى FaceBook | Official Group

**Manshe** · 24-11-2009, 07:00 PM

مبروك يا عادل مبرووووووووووووووووووك

اول مره تحل فوازيرى :p

بس خلى بالك انا قايل ان دى فوازير هايفه :D

**afm2010** · 24-11-2009, 07:03 PM

بجٍِ،ـد اول مرـه :(

**ZeRo-CoOl** · 24-11-2009, 11:15 PM

1- عنتر بن شداد كان هايغرق في بحر الرمال ... انقذه رجل علي جمل ... اذكر اسم الجمل؟ و هل هو ذكر أم أنثي؟

2- تسمي الجزائر بلد المليون شهيد اذكر أسماء الشهداء و عناوينهم؟

3- بيقولوا في المثل اللي بني مصر كان في الأصل حلواني ياتري الراجل كان حلواني شرقي و للا غربي ؟ و عنوان الدكان بتاعو فين

دولا حبيبى الحاجات دى اجابتها سهله جددددددددددددددددددا
فكر فيها شويه بس
:d

**ZeRo-CoOl** · 24-11-2009, 11:25 PM

لو مش عارف دول
خد دول

1. كلما اضفت لها نقصت.

2.يفرح كثيراًاذا اصبح اعور.

3.يحمل القنطار ولا يحمل المسمار.

4.اخضر بالسوق و احمر باليد.

5.تاكل ولا تشبع.

6.عريانة و تكسو الجميع.

7.يذهب ولا يرجع.

8.ينام و لا يقوم.

9.عم اولاد اخيك.... من هو؟

10.توجد في مكة و جدة و لا توجد في الرياض.

11.بطة بين بطتتين و بطة وراء بطة و بطة امامها بطتان فكم بطة في هذا الموكب.

12.ابن ماء و اذا و ضع في الماء مات.

13.طائر يلد و لا يبيض.

14.ضعيف حتى ان النسيم يحركه و قوي حتى ان السكين الحاد لا يؤثر فيه.

15.تغضب منها المياه و تضطرب الاشجار و تنحني لها الازهار و تهرب منها السحب
:d

**ZeRo-CoOl** · 24-11-2009, 11:29 PM

أولاً:-
إللى كان هيغرق فى الرمل هوه فريد شوقى ..
وليس عنتر!!
ثانياًً:-
المقصود بالمليون شهيد هو عزبه صغيّرة جنب تلمسان وليس الجزائر الدوله
ثالثا:-
الحلوانى المقصود هو أبو الدكتورة ماجى الحلوانى أم حازم إمام................

دية اجابات الفوازير الاولى
:d
اى خدعه

**afm2010** · 24-11-2009, 11:40 PM

اقتباس:

المشاركة الأصلية كتبت بواسطة ZeRo-CoOl عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لو مش عارف دول
خد دول

1. كلما اضفت لها نقصت.

2.يفرح كثيراًاذا اصبح اعور.

3.يحمل القنطار ولا يحمل المسمار.

4.اخضر بالسوق و احمر باليد.

5.تاكل ولا تشبع.

6.عريانة و تكسو الجميع.

7.يذهب ولا يرجع.

8.ينام و لا يقوم.

9.عم اولاد اخيك.... من هو؟

10.توجد في مكة و جدة و لا توجد في الرياض.

11.بطة بين بطتتين و بطة وراء بطة و بطة امامها بطتان فكم بطة في هذا الموكب.

12.ابن ماء و اذا و ضع في الماء مات.

13.طائر يلد و لا يبيض.

14.ضعيف حتى ان النسيم يحركه و قوي حتى ان السكين الحاد لا يؤثر فيه.

15.تغضب منها المياه و تضطرب الاشجار و تنحني لها الازهار و تهرب منها السحب
:d

1- الحفرة
2- الاعمى
3-البجر
4-البطيخ
5-النار
6-الابره
7-العمر
8-الرماد
9-انا
10-التاء المربوطة (ة)
11-3 بطات
12-الثلج
13-الخفاش
14-الماء
15-الرياح

خلصت مستنى التصحيح

**afm2010** · 24-11-2009, 11:42 PM

اقتباس:

المشاركة الأصلية كتبت بواسطة ZeRo-CoOl عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أولاً:-
إللى كان هيغرق فى الرمل هوه فريد شوقى ..
وليس عنتر!!
ثانياًً:-
المقصود بالمليون شهيد هو عزبه صغيّرة جنب تلمسان وليس الجزائر الدوله
ثالثا:-
الحلوانى المقصود هو أبو الدكتورة ماجى الحلوانى أم حازم إمام................

دية اجابات الفوازير الاولى
:d
اى خدعه

اللى كان هيغرق فريد شوقى و مش عنتر بس برضو مجبتش الجمل دكر ولا انثى :p
التانية بلاش ارد علشان فيها الجزائر :o
ام حازم امام ده كريم لما يجى هيقتلك :p

فين الحل بقىا

**ZeRo-CoOl** · 24-11-2009, 11:43 PM

اقتباس:

المشاركة الأصلية كتبت بواسطة afm2010 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

1- الحفرة
2- الاعمى
3-البجر
4-البطيخ
5-النار
6-الابره
7-العمر
8-الرماد
9-انا
10-التاء المربوطة (ة)
11-3 بطات
12-الثلج
13-الخفاش
14-الماء
15-الرياح

خلصت مستنى التصحيح

للاسف الجابات كلها صح
:(
:o
:eek:
انتظر الفوازير التانيه

:D

:p;):o

**ZeRo-CoOl** · 24-11-2009, 11:45 PM

اقتباس:

المشاركة الأصلية كتبت بواسطة afm2010 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اللى كان هيغرق فريد شوقى و مش عنتر بس برضو مجبتش الجمل دكر ولا انثى :p
التانية بلاش ارد علشان فيها الجزائر :o
ام حازم امام ده كريم لما يجى هيقتلك :p

فين الحل بقىا

هههههههه
روح العب بعيد ياض
و الجمل دكر علشان شهم
:d
انا اهلاوى بس بحب حازم امام و عمرو زكى
و نفسى كريم يكلمنى بس

**afm2010** · 24-11-2009, 11:49 PM

اقتباس:

المشاركة الأصلية كتبت بواسطة ZeRo-CoOl عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههه
روح العب بعيد ياض
و الجمل دكر علشان شهم
:d
انا اهلاوى بس بحب حازم امام و عمرو زكى

هنغش بقىا مين قالك شهم دى :p

طيب اقولك انا لية الجزائر بلد المليون شهيد

اصلا الحكاية بيقولك ان فرنسا اتخانقت مع اكبر عيلة فى الجزائر
قامت فرنسا ضربتهم و قتلت 3 الف بس و العيلة كملو على بعض لحد لما جابو رقم مليون شهيد

و خلصت الحكاية ان العيلة قتلت فى نفسها تقريبا كانو زعلانين انهم اضربو :o

**ZeRo-CoOl** · 25-11-2009, 12:20 AM

مانا عارف
:d

**WadCool** · 25-11-2009, 09:46 AM

منور القسم والله يا زيرو يا اخي انا ما ضحكتش كده من زمان

ملحوظه : ملكش دعوة لا بالزمالك ولا حازم امام :p

**Dressed** · 25-11-2009, 12:54 PM

بسم الله ماساء الله كل دى صفح لموضوع واحد
انا مش بحسد بس انا بهزر
ودى اجمد نكت فى الموضوع كلة شكرا لكل كاتب منكم يا شباب
يا رب تكون كل الموضوع جميلة كده

اقتباس:

المشاركة الأصلية كتبت بواسطة ooomandooo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله يااستاذ عادل افندى الموضوع بتاعك ده جامد موت .......... وارجو انه يتثبت لانه هيبقى بجد موضوع حلو اوى على الاقل اى عضو مخنوق من اى حاجة او من اللعبة نفسها يخش ويشوفله نكته ولا اثين :d

المهم ياريس عادل انا بحب اشكر على الموضوع وانا بجد فرحان لانك عملته على الاقل الاقى حد يسمع نكتى البايخة ;) وانا على استعداد انى اكتب 3-4 نكت كل يوم انشاء الله :)

ودى شوية نكت استفتاح :d

1- واحد المحفظة بتاعته ضاعت راح القسم يعمل محضر فالظابط قاله هنجبهالك من تحت الارض .... وهو مروح لقى ناس قاعدة تحفر علشان المجارى :d فقالهم الهمة يارجالة هى سوده وبسوستة

2- مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت

3- مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك؟؟

4- مرة واحد بيسأل صاحبة اية الفرق بين تجارة الحشيش وتجارة عين شمس قالة تجارة عين شمس 4 سنبن لكن تجارة الحشيش مش اقل من 25 سنة

5- واحد كان عاوز يفطر المهم قاعد وجنبة (( 3 بلاليص مش )) اكل الاول وبعدين دخل على التانى وهو بيفتح الثالث طلعلة الشيطان بيقولة حرام عليك قول بسم الله صدرى اتهرى :d

6- بابا نويل بيوزع هدايا على الاطفال فى راس السنة وشاف بنت حلوة عندها 25سنة فاعطى لها هدية فقالت لة شكرا بابا نويل قلها نويل بس بلاش بابا

7- غبي مات نزل عليه 62 ملائكة اثنين يحاسبونه و60 يقنعوه انو مات :d

_________________

بس كدة :)

اقتباس:

المشاركة الأصلية كتبت بواسطة ooomandooo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اسمعوا النكت دى :d

1- واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى , وحتى لما قررت انتحر , جيت اشرب كوبايه السم , جيت انت وخطفتها من ايدى

2- مرة واحد احول بيتفرج على فيلم عاطفى بدل مايعيط ريل

3- اتنين بلديتنا بيلعبو شطرنج واحد قتل للتاني الفيل ..... التاني نزل سمله المواشي

4- مساطيل مش عارفين يعملوا ايه قرروا يتخيلوا نفسهم سجاير و يحاولوا يطفوا السيجاير دى واحد راح تحت المية وقال تيش انا اتطفيت ووااحد جاب الشبشب وضرب على دماغة و قال انا اتطفيت وفى واحد رما نفسه من البلكونة نزل على واحد تانى مسطول قال ...احرقونا بقا

5- اتنين مساطيل قاعدين يحششوا في المقابر ومرت جنازة فواحد منهم بيقول للتاني هي جنازة مين دي يا عبدو؟ فرد علية دي جنازة الشيخ محروس فقال الاولاني يا حول الله وتاني يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس فقال الاولاني يا حول الله وتالت يوم وهما قاعدين في نفس المكان مرت جنازة فنفس الشخص سال التاني هي جنازة مين دي يا عبدو؟ فرد عليه دي جنازة الشيخ محروس فرد عليه هي الدنيا ملطشة معاه كدة لية

6- واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله

بس كدة :)

اقتباس:

المشاركة الأصلية كتبت بواسطة simpleblue عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

.دخلوا كهف وناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)

الأمريكي شغل الراديو سمع: (سيدافع الجيش الأمريكي عن البلاد لآخر جندي!)

المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)

سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.

بلدينا شاف أمه محروقه والنار طالعه منها قالها

منوره يا حاجه

واحد بيسأل خطيبته : حد قبلى لمسك ؟ سكتت

قالها : زعلتى

قالت له : لأ بأعدهم

بلديتنا سألوه ماهو السيفون؟؟

قال:صندوق بحبل لما تشده يا تلحق تشرب يا متلحقش.

مره واحد بلديتنا قابل واحده اجنبيه

سالها : انتى منين

قالتله: وات؟ what?

قالها: اجدع ناس الوتاوته

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

جماعة بلديتنا بيكتبوا محاضرة مع الدكتور كل ما يمسح السبورة يقطعوا الورقة

بلدينا اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

اقتباس:

المشاركة الأصلية كتبت بواسطة simpleblue عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نكت

_______

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل
فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد
التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
_______________

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب
قال لسه حقوم اردم ياجدع
______________

واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين
مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم
طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "
____________________________________

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل
_________________________

واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فماخدش منه
فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله انا ابونيه و دي ام نيه و ده نيه بذات نفسه
______________________

واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى
______________________

واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده
_______________________

واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
______________________

واحد بخيل جدا ... عنده ثلاث تفاحات ، فتح الاولى لقى فيها دود ... فتح التانية لقى فيها دود ... وصل للثالثة طفا النور و أكلها
______________________

واحد بيقول لمراته هو فين ال*** اللى جبناه يحرس البيت ؟؟؟ قالت له : سرقوه الحراميه أمبارح .
_____________________

واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر
____________________

ظابط بوليس بيحقق مع اتنين بيقول للاولانى مش تحاسب ازاى تدخل فيه قله يا باشا ما انا اديته تلاكسات قال للتانى وانتا مش تحاسب قله وانا مالى ياباشا انا قاعد فى الكشك بتاعى
____________________

سأل الشرطي إمرأة تقود السيارة هل رأيت إشارة المرور.. قف ؟؟؟؟؟ فأجابته : نعم ، فقال لها : إذا لماذا لم تتوقفي ؟؟؟؟ فأجابته : لأنه مكتوب عليها قف وليس ...... قفي
___________________

واحد مسطول بيقول لصاحبة المسطول أنهاردة كام فى الشهر فقال لة أربعين فرد علية المسطول الثانى وقالة لحقنا نوصل لنصة
__________________
واحد لقى اوتوبيس مكتوب عليه السيدة زينب قلع الجزمة وركب
_________________

واحد قاعد فى امان الله بيقرأ الجورنال قامت جت مراته وخبطته بغطا الحله على دماغه قلها فى ايه يابنت الناس ليه كدا
قالتله ايه الورقه اللى مكتوب فيها سوسو دى قلها دا اسم الحصان اللى بنشجعه فى سبق الخيل ... تانى يوم وهو قاعد بيقرأ الجورنال جت خبطته بغطا الحله قلها فى ايه يابنت الحلال تانى قالتله قوم حصانك ع التليفون
____________________

واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه.
_________________

واحد من طنطا حب يوصل بلده بسرعة ركب القطر وقعد يجرى فيه
____________________

واحد من طنطا عاوز يعلم ابنه الجرى ربطه فى القطر
___________________

واحد من طنطا قتل مراته عشان رضيت تمسك إيده
___________________

واحد من طنطا بيلعب فى وذنه جاب اذاعة الشرق الأوسط
___________________

اتنين من طنطا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.
________________

واحد من طنطا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو

**Dressed** · 25-11-2009, 12:56 PM

25 صفحة
كتيررررررررررررررررررررررررررررررررررررررررررررررر ررررررررررررررررررررررررررررررررررررررررررر اوى
هو افترى ساعتين عشان اقرأ موضوع واحد
بس بصراحة موضوع جامد طحن

**thephro3n** · 06-12-2009, 03:18 AM

لا لا احنا لازم نصحي الموضوع تاني خدو حبه نكت رخمه :-

1- دكتور عيون قاعد مع خطيبته في حديقه الاسماك معاه ورده قالها "شايفه الورده دييا حبيبتي "قالت له "ايوه" فرجع ايده لورا شويه وقالها " طب وكده ؟؟!!!" .

2- واحد رخم جداً دخل السينمــا مالقاش فيهــا غير واحد بس قعد وراه ..وقال له لو سمحت راسك علشان مش شايف .

3- مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح .

4- مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (ايووة هو انا كل ما اسكر اعملى مصيبة) .

5- مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا .

6- مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش .

7- واحد أحول راح يجيب أبوه من المطار باس الشنطة وشال أبوه .

8- واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر .

9- بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها .

10 - بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !! .

11 - استضافوا واحد بلديتنا في برنامج الكاميرا في الملعب سألوه بتشجع مين قالهم المقاولينالعرب قالوله بتحب مين في المقاولين العرب قالهم الجماعة بتوع المحارة .

12 - عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى .

13 - اتنين متجوزين من عشرين سنة .. قرروا يروحوا يصيفوا ع البحر بنفس الفندق اللى قضوا فيه شهر العسل زمان لكن الزوجة كانت مشغولة فاتفقت مع زوجها على إنه يسافر لوحده و هى ها تحصله بعد يومين
وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت فقا م يبعت ايميل لزوجته يطمئنها فيه على أحواله بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم .. الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها
نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم
أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك لعندى هنا بعد يومين
إشتقت لك كتير و مشتاق أشوفك و باتمنى تكون رحلة سريعة زى رحلتى
ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!! .

معلش طولت عليكو

المواضيع المتشابهه
الموضوع	كاتب الموضوع	المنتدى	الردود	آخر مشاركة
`·.¸¸.·¯`··._.· ( مقهي سيرفـر PhoeNiX للتسلية والفرفشة ) `·.¸¸.·¯`··._.·	!!DonTAsk!!	Bellona	34	28-01-2012 03:07 AM
`·.¸¸.·¯`··._.· ( مقهي سيرفـرMalazgirt للتسلية والفرفشة ) `·.¸¸.·¯`··._.·	ScAry_MAN	Ceres	0	12-05-2011 05:38 PM
`·.¸¸.·¯`··._.· ( مقهي ρєяѕια للتسلية والفرفشة ) `·.¸¸.·¯`··._.·	™KeroMan™	Bellona	19	28-12-2010 12:33 PM

يتصفح الموضوع حالياً : 13 (0 عضو و 13 زائر)

	حفظ بياناتي ؟