الـجـروب الـخـاص بـالـمـنـتـدي Silkroad4arab Facebook | Official Group

**BonBony** · 09-10-2009, 09:32 PM

الله أكبر الله أكبر .. أذان الظهر ..

يارب .. يارب بحق ده الآذان تنجح يا نون ياابن ابني وأشوفك دكتور أد الدنيا -

ياستي بس انا في تجارة -

وماله يابني هو يكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -

جدي إيه اللي هايخدني معاه ...... ده جدي مات من زمان ياستي -

يا مصيبتي عبد الواحد مات .. ياحبيبي يا أخويا .. مكنش يومك ياسبعي -

ياستي ده ميت من تلتين سنة -

تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايز أذاكر بقي -

يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -

ياستي دبلون ايه .. أسمه البكالوريوس -

أنته عتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من روانا

لا اله الا الله ...... أبوس رجلك ياستي إرحميني بقه -

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حرااااااااااااااا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهو زمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوي ياستي -

هوي لما يلطشك يابت ياجذمه أنتي -

الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها

ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي

**PaRKouR MaN** · 09-10-2009, 09:41 PM

يسعدني ان أكون أول واحد يرد عليك

هو ده البيحصل فعلا

بس عيب تتريق عليها بالشكل دااه

تقبل مروري:p

**BonBony** · 09-10-2009, 09:47 PM

**KING_0F_DEATH** · 09-10-2009, 10:03 PM

مكرر في عضو كان عاملو من اسبوع !!

**BonBony** · 09-10-2009, 10:06 PM

شكرا على المرور

**BeCo0oL** · 09-10-2009, 10:12 PM

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhh
Noooooooooooooooooooo Coment

**BonBony** · 09-10-2009, 10:15 PM

شكرا للمرور

**$_Go_To_Hell_$** · 09-10-2009, 10:44 PM

ههههههههههههه
جميلة جدا
الموضوع حلو جدا

**BonBony** · 09-10-2009, 10:53 PM

شكرا على ردك

المواضيع المتشابهه
الموضوع	كاتب الموضوع	المنتدى	الردود	آخر مشاركة
أوعى تقعد مع جدتك ليلة الامتحان	xDD	بـعـيـدآ عـن سـيـلـك رود	4	30-06-2010 12:10 AM
اوووعي تقعد مع جدتك ليلة الامتحان ..........	ahmed_ehab	بـعـيـدآ عـن سـيـلـك رود	15	08-10-2009 03:33 PM
إوعى تقعد مع ستك ليلة الامتحان‏	Fe@r	بـعـيـدآ عـن سـيـلـك رود	26	05-06-2009 08:56 PM
اوعى تقعد مع جدتك ليلة امتحان	spritex	بـعـيـدآ عـن سـيـلـك رود	0	22-02-2009 02:35 PM
اوعى تقعد مع جدتك ليله الامتحان	mostafa forever	بـعـيـدآ عـن سـيـلـك رود	25	24-11-2008 02:56 PM

يتصفح الموضوع حالياً : 1 (0 عضو و 1 زائر)

	تسجيل الدخول دائمآ