شرح نظام TE-Data الجديد TE-Data 4U

[kastel]

بسم الله الرحمن الرحيم

مساء الفل على اعضاء سيلك رود فور عرب

انهارده معانا نظام TE-Data الجديد
TE-Data 4U



النظام ده سهل و جميل جدا من TE-Data انها تعمل حاجه زي كده .
ندخل في الموضوع ...
النظام عباه عن انك كل ما تروح تدفع الاشتراك في الخدمه او تدفع اي حاجه تانيه لـ TE-Data بيجيلك نقط تقدر تستخدمها فـ خصومات شهرية على اشتراكك .
يعني باختصار شديد بمثابة تخفيض على قيمة الاشتراك الشهري بس بطريقة غير مباشرة .

شرح التعامل مع النظام :
الدخول على موقع TE-Data الرسمي
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
تابع معايا

1) هتدخل على تي اي داتا 4U زي ما في الصوره كده



2) هتدوس على حساب جديد (في الخدمه مش في الشركه) زي ما في الصوره .



1،2 حساب و باسورد الحساب بتاعك و لو مش معاك مش مهم هتتصل بـ 19777 و تختار خدمات ADSL و بعديها استرجاع الحساب الباسورد و هيتبعتولك على رقم الموبايل اللي مسجل بيه في الشركه .
3،4 هتعين باسورد لخدمة TE-Data 4U
5،6 وافق على الشروط و دوس ارسل كود التفعيل .
كود التفعيل هيجيلك على نفس رقم الموبايل اللي انت مسجل بيه .
3) اتوجه على قايمة كود التفعيل زي الصوره ديه



1 ده السحاب بتاعك في الشركة اللي هتجيبو من 19777
2 ده كود التفعيل اللي جالك على رقم الموبايل لتفعيل الخدمه
3 دوس سجل

4) ارجع لقايمة تسجيل الدخول

اكتب الحساب و الباسورد الجديد اللي انت عملته فوق اللي هو باسورد الخدمه بتاعة تي اي داتا 4U

بعد ما تسجل دخول هيجيلك ديه و هيبان فيها عدد النقط اللي معاك



و ديه الهدايا



و كل ما تجيب نقط اكتر كل ما يبقى في هدايا متاحه اكتر و زي ما انتو شايفين انا عندي خصم 30 جنيه ^^

طبعا انا متأكد انكو هتاخدو فلوس الاشتراك عادي كامله منهم في البيت و تاخد انت الخصم لحسابك ههههههههههه

ملحوظه :

كعميل حالي في تي اي داتا لقد تم ضمك تلقائيا في برنامج 4U حيث ستحصل علي نقطة واحدة مقابل كل جنيه تدفعه وسيكون بإمكانك إستبدال هذه النقاط بتخفيض علي قيمة الفاتورة أو خدمات تي إي داتا الأخرى.

يعني عمالين يجمعولك في نقط من ساعة ما الخدمه ديه بدأت يعني بعد ما تسجل هتلاقي معاك اكتر من 1000 نقطة كمان لان انا لسه مسجل دلوقتي حالا و قولت افيدكو انتو اولى بالـ 30 جنيه ^^

تحياتي ...

[™_ EthereaL_™]

تمام تسلم بس انا غلبان معنديش ارضي

[°•.♥ The Uploader ♥.•°]

طيب واللى بيدفع بفيزا برضو مطبق عليه ؟

[$Divo]

و اللى أسلن واخد عرض مطبق عليه برده ؟؟

[!! Prince World !!]

تسلم اكاستل

[| - CreSpO - |]

قشطه تم خصم 50 جنيه

عالمى مفيش كلام

[HandSome]

ولــــعة مـــعاك 30 جـــنيه

[MịηaTσ]

الله يسهلك بقى

[kastel]

المشاركة الأصلية كتبت بواسطة | - CreSpO - | عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

قشطه تم خصم 50 جنيه

عالمى مفيش كلام

وااااااااااااااالعه ^^‏
العرض مطبق على جميع عملاء ‏TE-Data
و بالنسبه للخصم يا مجدي انا لغاية دلوقتي لسه مستخدمتش نقاطي بس انا لما سألتهم في الفرع قالولي بيجيلك خصم ع الاشتراك تلقائيا‎
اما ام كيلي و ترعاوي و ربنا انا لسه مستخدمتش ال 30 جنيه هيطيرو قبل ما ييجو الله يخربيتكو

[MerryHope360]

طب انا مشترك من 4 سنين و ماعيش حساب اتصل ولا اعمل حساب جديد :d

[kastel]

انت ليك حساب في الشركه لكن عشان تشترك في العرض ده لازم تعمل فيه حساب و كلنا لازم نعمل فيه حساب
انت هتتصل 19777
و تجيب الاي دي و الباسورد بتوع حسابك في الشركه و تسجل بيهم حساب في الخدمه
بص امشي ع الشرح و هتلاقي كل حاجه اتظبطت

[MerryHope360]

تمام يا ريس بس انا متصلتش انت ممكن يبعتولك اليوسر و الباس من خلال الرابط دة عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[kastel]

يا عمونا مش هتفرق التليفون اسرع وسيله ^^
مبروك عليك الخصم ‎:d:d:d‎

[MerryHope360]

بص اما بعمل الحساب بيقول لي عميلنا العزيز، نأسف لكنك ليس ضمن هذا البرنامج. لمعرفة كيفية الانضمام إلى هذا البرنامج يرجى الاتصال ب19777.

[kastel]

انت بتعمل حساب في العرض ده بحسابك الاصلي بتاع الشركه مش بتكتب اي حاجه تانيه بتكتب نفس الحساب